متهاوشة مع ريلي من الصبح و ضميري مأنبني

[t0o0fa]

صباح الخير

بدش بالموضوع على طول

انا متزوجة من سنتين و عندي حاليا بنتين

بنتي العودة سنة و 8 شهور و الصغيرة 3 شهور

قبل ما أولد كنت شايلة البيت على راسي حتى وانا فيني الطلق كنت انظف

البيت و اغسل الحمامات و آخم و امسح الأرضية

من ولدت وانا مو قادرة اسوي شي

يا دوب الحق على اليهال ما يمديني اشتغل بالبيت

ثياب اليهال متلايمة والحمامات يبيلهم غسيل

وصار لي دهر احن ابي خدامة ابي خدامة

و أهو من أول ما خذني قالي ما أحب الخدم

واحترمت هالشي بس والله يا بنات وقت حق نفسي مايحصل

اللي فجر فيني كل هذا قايم من الصبح يقولي ابيج تلبسين لي هندي

هبيت بويهه ييبلي خدامة وانا البس لك

طبعا صار شد و عناد مني طنقرت عليه قلتله مابين تساعدني بالاغراض اليهال

وهو بعد طنقر و طلع

ادري يمكن تلوموني ليش مناجرته من الصبح

بس والله وصلت حدي تعبت

أهو يقول بالساعات اوكي وانا أحس محتاجتها على طول

مافيها تجيس بناتي بس أبيها حق شغل البيت و شقتي كبيرة

يبيله اول باول تنظيف عشان ما يتراكم

شسوي عطوني حل

 

[Kocheko]

مبدئيا وافقي على الخدامة بالساعات .. جود تحصلين وقت حق نفسج وريلج لا تعاندين وااايد
وسوي اللى يبيه شوي شوي ممكن يغير رأيه واييب لج خدامه

 

[t0o0fa]

اي هذا الي بسويه

وكلي ربج داقة ع المكتب 7 الصبح

 

[t0o0fa]

اي هذا الي بسويه

وكلي ربج داقة ع المكتب 7 الصبح

 

[t0o0fa]

اي هذا الي بسويه

وكلي ربج داقة ع المكتب 7 الصبح

 

[M!ss CoLoRz]

اختي

اللي صار عادي من العصبية والضغط الزايد عليج شي طبيعي كان بييج يوم وتنفجرين

و زوجج مو راكبة راسه قال لج يبي بالساعات وهاي احسن حل

من ناحية لما اتيي عطيها الشغل العود وباقي التناتيش امرهم سهل ومن ناحية ثانية بتفتكين من سوالف الخدم ومصاختهم والمراكض ورا فيزتهم وفحص وفي الاخير باردة مبردة يشردون ولا يدشون لج ريال غريب البيت وبعد ما بيكون عليج مصرفهم من ثياب وسكن واكل "طبعا راح ترحمينها وتعطينها أكل بس مو بمعنى انها في رقبتج ومسؤولةعنها"

جهزي لج جدول حق اشغال الخدامة وجوفي جم ساعة تحتاجينها وباقي الاشية تهون .. إذا قلنا ثياب انتوا مو وايد في البيت يعني مو كل يوم بتغسلين وكواي في اشية وديها المغسلة واشيه تقدرين عليها .. التنظيف بعد في اشية مو كل يوم .. الطباخ بعد عددكم قليل طبخي حق يومين ما فيها شي

والله يعينج

 

[t0o0fa]

مشكورة اختي أن شاء الله بحالي جدول ثابت حق أم الساعات تيي تخلص شغلها و بجوف اذا الوضع صار احسن كان بها

 

[بحرينية زقرت]

ههههههههههههههههههههه سوري ضحكت بس ترا ذكرتيني فيني بالضبط !

بس انا راضية بخدامة ام ساعتين بعد تهون احسن من ولاشي

انا بعد لما ضغط البيت كله علي اعصب واتنرفز

حبيبتي ارضي بخدامة ام ساعتين .. ترا والله لو تفكرين في الخدم الي معاج على طول وانتي شقة يعني حتى لو عوده بتكون ناشبتلج بكلشي مابتاخذين راحتج معاها
ماوراهم الا الاذية
خلج مع خدم بو ساعتين او اربع ساعات اتيي لج كل يومين تنظف لج الشقة فوق وتحت وانتي بس اهتمي في عيالج وفي نفسج
جربي هالمرة واذا ما رتحتي,, ييبي خدامة على طول

ولا تضايقين روحج ولا تحسين بتأنيب الضمير .. طرشيله مسج وكلشي بيصير زين

 

[t0o0fa]

مشكورين حبايبي بحاول أراضيه اليوم

 

[لوولوو_88]

أرضي بالساعات حبي .. دامج تبينهم حق تنظيف و مساعدة و ايونج طول اليوم عادي .. و ما تدرين يمكن ترتاحين عليهم .. و الشد شي طبيعي و اكيد بقدرج ريلج .. قعدي معاه و شرحي له .. الله يصلح حالكم و يسخره لج حبي ♡

 

[Royof]

الله يلوم اللي يلومج الحياه بدون خدم مع بيبيات صعبه لازم احد يساعدج

الحل تحيبين خدم بساعات ينظفون يغسلون هدوم مواعين وانتي قابلي بناتج جذي راح تنحل امورج

 

[Mrs.H]

ييبي خدم بالساعات.. خليهم يغسلون الملابس ويكوونها وينظفون البيت واذا كفى الوقت يقصصون الخضرة وفرزيها حق الطبخ وانتي خلج لليهال فقققط

 

[mnoooll]

مجرد فتره زمنيه وترتاحين

بيكبرون الاطفال واذا صار لهم سنتين بتخف الامور عليك وبترتاحين

 

[ms_5ajoola]

الله يعينج حبيبتي
بس كل شي بالتفاهم ينحل ان شاءالله
كلميه بشويش ....حلوة بشويش

 

[ms_5ajoola]

الله يعينج حبيبتي
بس كل شي بالتفاهم ينحل ان شاءالله
كلميه بشويش ....حلوة بشويش

 

[امـ خــزامـى]

الله يكون بعوونك استعجلتي بالحمل ضغطتي نفسك
الحمدالله على نعمه بس كان صبرتي شوي على الاقل تصير بنتك سنتين بعدين حملتي

انا ضد هالشي لان جسدك عليك حق
وبيتك
وزوجك

وبنتك ياقلبي


ادري هالكلام مايفيدك بس ممكن يفيد غيرك

وانت مثل مالبنات قالوا
واضيف اذا اهل زوجك او اهلك قريبين منك ممكن تنزلين لهم بنتك الاولى
وتخلين المولوده عندك ماتزعج واهتمي بنفسك وارتاحي

وتجددين نشاطك



الله يسهل امرك