متكيسه ؟؟؟تعالي انظمي للقرووووووب (خاص للمتكيسات)

[rwwany]

:aha: السلام عليكم ورحمه الله:aha:

هلا وغلا بكل (متكيسه )00000 الغرض من هالقروب انا نفهم مشكلتنا اكثر ونحاول
علاجها ونستفيد من تجارب بعض فياليت كل وحده فيكم تكتب عن مشكلتها والعلاجات الي
استخدمتها وياليت تذكرون اوزانكم لان الوزن له علاقه كبيره بالتكيس000000

الله يرزقني وياكم وكل محروومه يااااااااااااااااااااااارب:edbf4317b9:

 

[rwwany]

ابدا بنفسي0000
كنت اعاني من كيس مائي على الرحم واستخدمت الميرميه على الريق لمده تقربيا اسبوعين ونزل والان اعاني من ضعف في المبايض و تكيسات داخل المبيض نفسه طبعا ذكروا في المستشفى انو من زيااااااده الوزن واستخدمت جلوكوفاج لتخفيف الوزن

كان الوزنفي السابق 85 ووزني الان 68 طبعا حميتي كانت تخفيف من الاكل ورياضه مستمره عليها وافكر حاليا بالتلقيح الصناعي00000

 

[بدوره 22]

السلام عليكم ..


انا فيني اكياس صغيره بس كثيره على المبيض

وزني 57 وطولي 160 الحمدلله انا ضعيفه .. ووزني طبيعي .. بس هم صاكه حلجي اخاف سبحان الله ان هالشغله تاثر علي فجأه ..

التكيس ما لعب فيني من ناحية السمنه ... هو لعب فيني بالدوره الشهريه اللي يالله تنزل كل 3 شهور ... وهم خربط هرموناتي

اعالج عند د. احمد الانصاري ..

 

[عصفوووره]

السلام عليكم


انا عمري 29 سنه ووزني 95 كان قبل الزواج في ال70 وبعد التكيس صار 95 سويت تلقيح صناعي وما نجح والحين قاعدة اخذ ادويه شعبية واخفف اكل يعني مااكل نشويات والعب رياضة ( واي وايد متعبة السالفة ) وافكر اسوي عملية تثقيب للمبايض بس اخاف لانه لازم يكون دكتور محترف الي يسويها وامس سمعت عن وحده حاولت واخذت كل العلاجات وما نفع وياها الا هذه العملية والحين تحمل طبيعي بعد العملية والله ماادري شنو اسوي خصوصا ان زوجي مستعيل على سالفة العيال وخصوصا ان صار لنا 6 سنوات وماعندنا اولاد شنو تشورون علي

 

[مهاوو]

السلام عليكم
انا متكيسة متزوجة من 2 وست شهور عمري 25 سنة وزني تقريبا 78 طولي 163 اعاني من التكيسات عندي الدورة مو منتظمة كلش يعيني صار لي تقريبا سنتين وخمس شهور اكل دفيستون عشان انزل الدورة اخذت ابر تنشيط صار عندي افراط في التبويض بعدين سويت طفل انابيب وماكتب الله لهذي العملية النجاح ولله الحمد واللحين ماشية على القسط الهندي وشاي البرقدوش والمرمية والزعتر والينسون والكمون وانتظر الفرج من الله والله كريم

 

[rwwany]

بدوره 000000عصفوره 00000مهاوو
هلا وغلا تشرفت بمروركم يا احلى متكيسات ربنا يشفينا جميعا قريبا باذنه تعالى
بدوره حياتي اذا كان التكيس على المبيض (مو داخله) فهاذا سهل علاجه وانا مريت بالمرحله وكان العلاج سهل ادويه تنظيم لدوره ومره اخذت حبوب منع حمل ومااااشاء الله راح وكمان استخدمت الميرميه على الريق بسسسسسس الحين مشكلتي بالتكيس الي د اخل البويضات نفسه

 

[rwwany]

مهاااوو
ماقلتي لنا حبيبتي وش سبب الفشل وليييييش ما بديتي بتلقيح صناعي اول بدل اطفال الانابيب؟؟؟

 

[أم حسون]

سلاام انا فيني تكيس سوتلي الدكتوره سونار داخلي وقالت فيج تكيس بالمبيض اليمين والشمال وانشالله بروح حق دكتور مصطفى بدار الشفا اعالج عنده وزني 69 وطولي 165

 

[rwwany]

هلا ام حسون نورتي الصفحه وزنك كانوا زايد حبتين ههههههههه المهم حبيبتي الدكتوره اعطتك علاجات او لا؟؟؟ وحسون موجود ولا بس نك

 

[الحلوه الأموره]

قوووة يا بنات ،

أنا اللي أعرفة ان التكيس يضعف المبايض ... وعلشان يروح لازم تقووون المبيض

أنا بالنسبة لي أخذت عسل من معجزة الشفاء والحمدلله على طول حملت من نفس الشهر اللي اخذت فيه العسل بس كنت موقفه أدوية

وعلى فكرة كان عندي التكيس حجمة 6*5 يعني مو صغير وهو موجود حملت ...

مع العلم ان ظليت 6 اشهر كلا ابر وكلوميد تنشيظ وحبوب منع الحمل علشان ينزل ... بس وقفت الادوية واخذت العسل الحمدلله ربي خلااه شفاء لي

ولا تيأسوون يا بنات لكل داء دواء ... بس خلوا ايمانكم بالله قوي ...

الله يشافي جميع مرضى المسلمين والمسلمات ويجعلكم شفاء بأي دواء تاخذونه قولوا آمين يارب العالمين

ولا تنسون يابنات اي دواء تاخذونه قبل لا تاكلونه قولوا " بسم الله ، اللهم اجعلي فيه شفاء من كل داء"


الله يوفقكم يارب

وادعولي يابنات ربي يثبت جنيني ويكبرة ويكون لي كما دعيت (في التوقيع)

وشكرااااا

 

[بدوره 22]

اي ونسيت اقول اني متزوجه من عشر سنين .. عندي بنتين الله يخليهم ويارب اخاويهم ..

الكبيره عمرها 8 سنين .. والصغيره عمرها 3 سنين .. ياني التكيس عقب ولادتي في بجري ..

وحملت فيها بدون علاج ... كنت اعالج وتعبت .. وقفت العلاج بعد 6 شهور طلعت حامل ..


والله يرزقني وياكم هالمره بعد

 

[rwwany]

الله يرزقك يابدوووووووووره ويخلي لك الصبايا الحلوين
الحلوه الاموره اشكر تواجدك واشكرك على المعلومه بس عسل معجزه الشفاء وين القاه وبعدين كيف استخدمه رزقك الله بالذريه الصالحه الطيبه الباااااااااااااره

 

[مهاوو]

مهاااوو
ماقلتي لنا حبيبتي وش سبب الفشل وليييييش ما بديتي بتلقيح صناعي اول بدل اطفال الانابيب؟؟؟

السلام عليكم مساء الخير شلونج اختي رواني الله يرزقنا جميعا بالحمل المعافا المشافا يارب
انا يقلبي كان عندي افراط في التبويض يعني مايصير تلقيح صناعي قبل الانابيب لان البويضات عندي صار لها افراط كثير فخطر يصير اكثر من تؤاام الدكتووورة قالت لي ادخلي على طول انابيب احسن لج ومانجحت العملية مافية سبب غير ان الله ماكتب والا كل شي كان اوووكية بس ربج ماكتب الله كريم انا اليوم توني جيت من الدكتورة وقالت لي ان التكيس زاد عندي لاني انا الشهر اللي فات رحت لدكتورة خاصة وعطتني دفيستون عشان انزل الدورة مع العلم اني اصلا لازم اكل دفيستون عشان تشرف الهانم بعدين ابدا بمانع الحمل الديان 35 بس انا ماكلتهم بديت بالقسط الهندي وشاي المرمية والزعتر والينسون والكمون بس مادري شصار يمكن انا استعجلت ورحت للدكتورة مادري والله الله كريم ادعووو لي يابنات والله تعبانه نفسيا الحمد لله على كل حال [/size]

 

[rwwany]

مهااااااااو الله يعطيك العافيه ويرزقنا بالي يملون حياتنا ياااااااااااااااارب

 

[مهاوو]

آآآميـــــــــــــن ياختي رووواني الله كريم
مشكورة يالغلا على هالدعاء الطيب

 

[miss_lymoona]

قوه بنات انا عندي تكيس بس بدى من الشهر اللي طاف كانت دورتي منتظمه
بس الدوره تأخرت شهر ونص رحت دار الشفا عطتني الدكتوره حبوب مانتزلت جم يوم
ورحت شربت مراميه نزلت نفس اليوم بس الفجر والشهر ناطره الدوره اذا تأخرت راح اشرب مرميه وايد
زينه حدها تنزل الدوره

 

[بدوره 22]

بدوره 000000عصفوره 00000مهاوو
هلا وغلا تشرفت بمروركم يا احلى متكيسات ربنا يشفينا جميعا قريبا باذنه تعالى
بدوره حياتي اذا كان التكيس على المبيض (مو داخله) فهاذا سهل علاجه وانا مريت بالمرحله وكان العلاج سهل ادويه تنظيم لدوره ومره اخذت حبوب منع حمل ومااااشاء الله راح وكمان استخدمت الميرميه على الريق بسسسسسس الحين مشكلتي بالتكيس الي د اخل البويضات نفسه

امين الله يشافينا ...

انا التكيس اللي على مبايضي وااااااااااااااااااااااااااااااااااايد جنهم بنك ...

الكيس على المبيض هو اللي سهل علاجه لكن التكيس يفرق لان مو كيس اكياس

وماكو شي بعيد على الله سبحانه وتعالى

 

[rwwany]

هلا وغلا بشيخه المتكيسات ليمونه الميمونه ما قلتي لنا حبيبتي كم وزنك وهل له علاقه بالتكيس وتجاربك مع الحمل الله يرزقنا ويااااك ياااااااارب

 

[كويتيه مذهله 87]

انا من اول ماتزوجت صار فيني تكيسات وماكو فايده

ولمن كملت 3 سنين زواج سويت كوي تكيسات والحمدالله حملت بنفس الشهر

 

[nice-girl]

بنات بسال سؤال انا
فيني تكيس وزني زايد انا قبل الزواج 53 وكنت رايحه انضم الدوره قالي انه فيني تكيس وعطاني ابر منشطه ولله الحمد حملت
وعقب الولاده ماكانت تيني الا 8 شهور 9 شهور يومين وترووح طبعا زاد وزني وايييييييييييييييييييييييييييييييد وفكرت احمل رحت قالي الدكتور التكيسات وايد وحجم البويضه حيل صغير..
طبعا عمري ما استخدمت حبوب مانعه وما احمل سبحان الله رحتله ومشاني على ابر وحبوب تنزل الدوره والحمدلله حملت ولدت لله الحمد ومن يوم ما ولت من قبل سنتين و لي الحين ماياتني الا 5 مرات الدوره وقام يطلع شعر بويهي مع اني مو مشعره؟؟
الوزن ما ينزل وزني 75 اذا نزل ينزل كيولين او ثلاث مادري ليش؟وماكو حمل مع اني ما استخدم مانع