متفشله من ريلي موقادره اضبط العيش مقهوره

[مريم86]

السلام عليييكم



ياجماعه والله مادري شسالفه


مره اضبطه ومره غلط ... اغلب اللي يطلع معاي بالاخر عجييينه ويفشل

وريلي يعيب ويضغطني


ابي العيش نثري وناشف شلووون ؟

وطبعا مااعرف الفرق بين المجبوس والعيش العادي

بس مرات احط من ماي الدياي


ابي الطريقه بتفاصيلها الممله وليش يطلع عجينه. ؟!


والله يرزقكم رضا الله وازواجكم

 

[ناتشوو]

اكيد تكثرين الماي
فيصير عجينة

شوفي
مواضيع
حلوة ومملوحة الكويت
اطباق عيوش
مميزة وشرحها واضح
الله يجزيها خير عنا

 

[تحت ظلك]

بعد أنواع العيش تختلف , يعني أنواع تطلع مهروسة بالطبخ
غيري النوع الي عندج مع ممقياس الماي لايصير واجد

 

[مريم86]

لا دايما احط كميه قليله

وازيد اذا شفت العيش يحتاج ولي الحين حب ما استوى

 

[أحلى همبه كويتية]

غسلي العيش ونقعينه بماي دافي وشوية ملح خشن اقل شي نصف ساعة

ولما تطبخينه للمجبوس خلي الماي يغطيه ب 2 سم بس ولا تخلينه ناشف زيدي الزيت شوي
اول شي على نار عاليه لمدة 5 دقايق ولما تشوفين الماي قل
قصري النار وحطي تحت الجدر الحديدة وخليه ينشف على الراحة

وان شاء الله يطلع لج نثري




بالنسبة للمشخول
نفس الشي بالنسبة للتنقيع

والماي على النار خليه يغلي
بدين حطي العيش وخليك يم الجوله لأنه بسرعة يستوي
يمكن ياخذ اقل من 10 دقايق
كل وشي طلعي حبة عيش وشوفي لازم تصير نص استواء مو وايد لين ولا وايد يابس
بعدين تشخلينه بالمشخال

بجدر حمسي بصله شرايح او مع شوي زيت ونتفة كركم

شيلي نص الزيت والبصل على جنب
حطي العيش اللي شخلتيه
رشي باقي الزيت والبصل على الويه

حطي الحديدة تحت الجدر وعلى نار هادية ربع ساعة ينشف ويصير احلي مشخول


شوفي مواضيعي بالمشخول عشان تعرفين الطريقة كاملة​

 

[noor salam]

هناك انواع للعيش يعتمد على نوعية العيش فاذا كان بسمتي حاولي تغسلينه عدل وتنقعينة بماء دافي مع ملعقة صغيرة خل لمدة لاتقل عن الساعة
اذا تبين للمجبوس اتبعي الاتي:
سخني الزيت حطي بهاراتك العدلة فيه صفي العيش من الماي وحطيه على الزيت وقلبي تقليبه خفيفة
تالي حطي ماء الدجاج او اللحم ------اذا كان ماء الدجاج او اللحم حار زيدي الماء وشوفيه الى ان ينشف الماء اذا محتاج زيادة زاوديه بكمية قليلة
واذا كان الماء بارد قللي الماء
يعني الماء يغطي بمقدار 1 - 2 سم من سطح العيش وفس الشي اذا محتاج زيادة بعد ما ينشف زاوديه
وبعد ما ينشف الماء وشفتي حبة العيش استوت حاولي تنهنهين العيش يعني تترفعينه بالملاس علشان يدخل الهواء وينخلط
حطي الحديدة تحته وخليه يتسكر​

 

[جارة القمر]

مشكووورين

 

[تولة مسك030]

ف بدايه زواجي كنت نفسج
وكله اتفشل ههههههههههههههه
هههههههههههههههه
بس الحمدلله اخر شي ضبطت الاكل
حاولي قبل مايستوي العيش شيله من الجدر
وحطيه في الشخاله او المشخل وعقب حطي شوي زيت او زبده فالجدر
ورجعي العيش في الجدر وخفي على النار اخرر درجه
وحطيه نص ساعه او ثلث ساعه
بيستوي العيش

 

[ام الدرر]

حبوبة
اذا ما تعرفين تقدرين بالنظر
اعتمدي قياس الكوب
عيش التموين وااايد زين
كل كوب عيش ياخذ كوب ونص ماي
غسليه ونقعيه نص ساعه
وحطي بالجدر سمن نباتي وبهارات عدله (دارسين - مسمار- هيل)
قلبيه شوي
وشخلي العيش من ماي النقع
وحطيه بالجدر
اخذي من ماي سلق اللحم اوالدجاج ويكون يغلي
وصبي فوقه خليه يغلي لحد لما يبين العيش قبل لاينشف
قصري النار حيل وصبي خلطة ماي والزعفران وحطي الحشو فوقه وغطيه بقصدير وحطي تحته حديده
نص ساعه وتلقين احلى مجبوس نثري​

 

[الوردة المكنونة]

حبيبتي العيش يطلع لين لان الماي زياده احسن طريق لضبط العيش

تحمسين البصل مع الزيت وتكتين العيش وتزيدين الماي حطي صبعج لازم يكن ارتفاع الماي عن العيش لي اول خط بصبعج ان شاء الله تكونين فهمتي شرحي

سوي هالطريقه وراح يطلع مضبوط 100%

 

[M!SS.LOBY]

خففي ماي العيش لا يصير عجينه