متضايقه

[sha!o0oma]

السلام عليكم ورحمه الله

بنات بقول لكم سالفتي انا قبل كنت متزوجه وكنت انتظر الحمل وكل شهر تنزل الدورة ازعل واصيح ساعات ولما حملت حللت وطلعت حامل وعقب اسبوع اجهضت والحمدالله الله ماكان كاتب لي وعقب 3 شهوررر وتتطلقت

والحين تزوجت توني من 3 شهور وللحين ماحملت ونفسيتي تعبانه ابي اكون ام وخايفه ان مااجيب اعياال لان في المرة الاولي تاخرت والحين بعد

مادري هو طبيعي التاخير ولا لازم من اول شهر او ثاني احمل

ردووا على بليز بنات

 

[dana.7]

الله يكتبلج اللي فيه الخير والذريه الصالحه

ان شاءالله البنات يفيدونج

 

[G!RLooNa]

شلون ما تحملين و انتي سبق لج الحمل !

التفكير و المحاتات الزايده تعفس هرموناتج فوق تحت

توج متزوجه بسم الله استانسي مع ريلج و متى ما الله كتب الحمل بتحملين باذن الله بس لا تخلين الحمال شغلج الشاغل تنامين و تقعدين ما تفكرين الا ليش ما حملت و متى بحمل

نطري اذا لما سنه الله ما كتبلج روحي راجعي

 

[هذا مزاجي]

الله يكتب لج الخيره
لا تتضايقين ولا شي كل شي مكتوب ومقدر
اقري دعاء يونس والله يرزقج ان شاءالله
{ رب لا تذرني فردا وانت خير الوارثين }

 

[الفرفوشهـ]

مع جيرلونا


عيشي حياتج حبيبتي كل شي بيد الله

 

[Tom ♥ Jerry]

,

طبيييييييييعي حياتي عادي 3 اشهر شدعوة .،
نطررري الصبر مفتاح الفرج
و لا اتعبين نفسيتج و نفسيه ريلج وياج يا قلبي :***
توو الناس مآ صار سنه ,،!
اذا سنه و مآكو حمل من حقج تحآتين ,،
بس توج متزوجه نطري ,،

سبحآن الله المره الأولى اجهظتي لانه مآخذه وآحد مو نصيبج
شفتي شلون كل شي حكمه من رب العآلمين .،
يعني لو عندج ولد من طليقج جآن متأذيه

صبري يا قلبي :&

 

[Daisy flower]

الله يكتب لج اللي فيه الخير .. ودام انج قدرتي تحملين فمعناته انج سليمه الحمدلله حتى لو تعورتي فبتكون المشكله بسيطه ..

وصدقيني مثل ما تاخير حملج بزواجتج الاولى كان خيره فاكيد ان تاخيرها بالثاني خيره بعد ..

كثفي الدعاء والله كريم مايخلي عباده ..

 

[البنفسسسج]

لا تحزن اذا منع الله عنك شيئا تحبهً............... فلو علمتم كيف يدبر الرب اموركم لذابت قلوبكم من محبت..........والله يرزقك الذريه الصالحه

 

[مناير ...!]

دام حملتي قبل ماعليج خوف بااذن الله
وتوج حبوببه ماتاخرتي كلها 3 شهور

 

[حدى عنيده]

دامج حملتي يعني خير لج في امل كبير لا تحاتين حبيبتي

 

[غمزة خجل]

حبيبتي دامج حملتي من قبل يعني الحمدلله في امل

تحملين ثانيه وثالثه

بس التفكير والمحاتات تاخر الحمل

وكلي امرج لله وانسي الموضوع والله يكتب لج بتوووام ياارب

 

[FeShinGoOo]

تو الناس عادي حبيبتي :) ترى 3 شهور مو 3 سنين ..!!

 

[Bnt tmeem]

شدعوه لا توسوسين مرة عمي حاولت تحمل وما حملت الا بعد سنه من زواجهم والحمدالله الله رزقها انتي لا تحاتين ،، وادعي ربج يرزقج الذريه الصالحه وموفقه حياتي

 

[ظل الياسميـن]

الله يرزقج الذريه الصالحه

 

[Tulips]

قيرلونا قالت اللي كنت بقوله

 

[miss_whitemocha]

الله يهداج حبيبتي..
البنات يقعدون سنة ما يحملون و بعديييييييييييين يفكرون إنه يمكن فيهم شي..
هذا و إنتي حامل من قبل يعني إنشالله ماكو إلا العافية..
لا تركضين ورا الهم و ريحي بالج و متى ما ربي كتبلج تحملين راح تحملين..
وإنشالله بتصيرين أحلى أم بالدنيا بس هدي نفسج شوي و خلج من الوسواس و التفكير..
ترى يأثرون وااااااايد على الرحم..
​

 

[sha!o0oma]

مشكورين بنات وماقصرتو

ادعوا لي هاي المحاتاه من كثر مامشتاقه اكون ام من زواجي السابق وانا لما اجهضت كانت خيره لان ماكان نصيبي

والحمدالله رب العالمين على كل حال

 

[غرق بالماي]

والله عادي حبيبتي اذا مرت سنه وماحملتي لج الحق انج تتضايقين


بس الحين تو الناس


استغفري ربج وصلي قيام الليل وان شاء الله مايصير الا كل خير

 

[miss_whitemocha]

مشكورين بنات وماقصرتو

ادعوا لي هاي المحاتاه من كثر مامشتاقه اكون ام من زواجي السابق وانا لما اجهضت كانت خيره لان ماكان نصيبي

والحمدالله رب العالمين على كل حال

يا عسى ربي يرزقج بالحمل السليم عاجل غير آجل و يفرح قلبج بشوفة ضناج معافى من كل شر إنشالله..​

 

[فوفو22]

يا عمري عادي التاخير لمدة سنه

وبعد السنه سوي فحوصات انتي والزوج

وترى الحاله النفسيه لها دور

فوفو