- إنضم
- 5 سبتمبر 2008
- المشاركات
- 496
- مستوى التفاعل
- 0
- النقاط
- 0
بنااات فيني حرة
مقموته ومختنقه ودمعتي بعيني ومابي ابجي بس موقاادره
بنات يمكن انتو راح تشوفون سالفتي سخيفه بس انا اشووفها مو سخيفه
بنات انا توني متزوجه من جم شهر وبعدي بالملجة وريلي يدرس بره وايي كل جم شهر حلو
المشكله الحين لما رجع !!
قبل لا يرجع كان يقولي مشتاقلج ويالله متى ارد ونقعد نحسب الايام ووعدني ان راح يكون معاي 24 ساعه ويقولي راح تزهقين مني وراح تقولين لي سافر
ومن اول مارجع 24 ساعه مخيم وديوانيه ومع ربعه
يعني يطلع معاي شوي وبعدين سييده يروح حق ربعه ويسهر معاهم ويقولي نطريني لا تنامين !
وانا هذي حالتي كل يوم اسهر انطره ويدق علي واهو بالطريج راد من المخيم ولا الدوانيه يكلمني لما يوصل البيت وبعدين يدش يحط راسه وينام ولا يعبرني
ماعلينا من كل هذا السالفه الي مضايقتني
قبل يومين كنا قاعدين نسولف عن ايام الطفوله وايام قبل المهم فا يبنا طاري المركز العلمي وان اهو مادشه من سنه
2002 او 2001 فا قلت له مغيرينه وجذي فا قعد يحن إلا نروح الاكواريوم ونودي اخوانه الصغار وعيال اخته ولي امس واهو يحن واليوم اكد لي ان
لازم نروح وانا صراحه ماكنت متحمسه للفكره بس عشانه استانست وجهزت نفسي وكنسلت ارتباطاتي حق باجر الي اهو اليوم السبت
تخيلوا قبل شوي يقولي انا مادري شلون بقعد الصبح حدي دايخ قلت له عادي حبيبي انا اقعدك قالي عندي شغل الصبح والظهر بودي اخواني وعيال اختي نتغدا برا ونروح الاكواريوم !!!! طبعا انا ويهي علامه استفهااام انزين وانااا @@
قلت له اهااا قالي اليوم قلت حق ربعي بروح الاكواريوم عاد استانسوا وكل واحد الي بييب اخوه والي بييب عيال اخته
قلت بقلبييي شدعووووة وين رايحين كلها الاكواريووم
واهو حتى ما قالي ميخالف حبيبتي هالمره معاي ربعي المره اليايه نروح انا وياج لا كلش قاعد يتكلم ولا جنه كان يحن علي ان نروح
طبعا حدي تضايقت ونفست واهو حس اني منفسه قالي شفيج سكت طبعا ماقلت له شي وقلت له بنام تخيلوا قالي اي حتى انا بنام وخلج معاي عالخط وناام :eh_s(13):
لاتقولون لي انتي مكبره الموضوع ترى مو اول مره يسويها فيني يكسر فيني جذي هذا واحنا بالملجه الي لازم تكون احلى ايام بس مادري ليش يسوي فيني جذي
جم مره اكون بروح مع بنات عمتيي مطعم او سينما ويقولي انا اوديج وبعدين يتعذر مايمدي او مشغول او يوم ثاني او يسوي سالفه على لبسي او شكلي
ومره حجزت حق السينما وهم كسر فيني وما ياا وقعدت ابجي ودعيت علييه من القهر ونفس اليوم طاح بالمستشفى تسمم
ومر كنا تونا ماصارلنا شهرين مالجين وزعلت منه وكان عنده سفره عقبها بيوم حتى مافكر يراضيني قبل لايسافر وبعد ماسافر دق كلمني صدمنيييي
وفوق هذا كله ماخذ مني ليسني ومايرضى اطلع بالويك اند واهو كل مكان يروح ويهيت مع ربعه
ولما اقوله يقولي انا ريال غير !
اي صح نسيت اقول ان ربعه يموت عليهم اهم شي بالدنيا ربعه ومايطووف سفره ولا شاليه ولا لعب كره ولا ديوانيه ولامخيم ولاطلعه معاهم
وعصبي وكل ما اقوله شي يقول لا بس جذي يقول لا اقوله انزين ليش يقولي انا ريلج وانتي حقي وانا كيفي اسوي الي ابييه
مشكله اني احبه وقاعده اسمع كلامه ولما يشوفني اسمع كلامه يأذيني اكثر
بناااات حدي محترررره ومتنرفززززه ودي اصررررخ عليه واقوله انت ماتحس :jumpon:
بنات مابي احط يطب فيني ويسمعني حجي يضايق انا بس بفضفض لاني موقادره انام :cxxxp:
