متضايقه من كل شي

[يارب الفرج.]

السلام عليكم


بصراحه ودي افضفض احس اني مهمومه

انا كملت ال30 وللحين عزابيه كل الي كبري تزوجو وراحو بطريقهم حتى خواتي معاد صفا لي احد


تصورو بالبيت بروحي .. امي وابوي كبار من الساعه 9 نايمين وطلعاتهم قليله طول الوقت لحالي

وحتى الطلعات اطلع بروحي المطعم او السوق احس مافي شي له طعم

نفسي اتزوج واطلع ويا زوجي واعيش حياه نفس هالناس.. اساسا انا قنوعه راضيه بالقليل عمري ماحلمت نفس رفيجاتي بشخص وسيم او غني او غيره كل الي ابيه شخص يحس فيني وياخذني من هالهم ومع ان رفيجاتي كانو يطلبون مواصفات خاصه وسبحان الله الله رزقهم

وانا الي راضيه باي شي ومقتنعه بابسط الاشياء ماحصلت ولاشي

حياتي من ايام الطفوله واهي بائسه ومافيها شي حلو وكنت اقول اكيد لاكبرت بتصير حلوه بس خابت امالي


انا انخطبت من قبل بس مع الاسف اهلي رفضو وهذا انا ظليت وحيده واصلا خلاص يئست احس وصلت لعمر مستحيل بتزوج فيه

 

[el.mlkaa]

إيي بسس الزووواج مو كككل ششي ؟ الزواج مسؤولييه عاد لج خلق ؟

وين رفيجااتج ؟؟ و وين بنـآت خآلتج و خواتج ؟ إخذي امج وطلعيييهاااا إنتي ونسي نفسج بنفسسج لآتنطرين أحد يونسسج

 

[ووطن النهار]

الله يعينج

 

[مارياq8]

انا انخطبت من قبل بس مع الاسف اهلي رفضو وهذا انا ظليت وحيده واصلا خلاص يئست احس وصلت لعمر مستحيل بتزوج فيه

ليش التشاؤم بالعكس الحياة حلووه مو كلها زواج

واهم شي القناعه وتفائلي وحطي في بالج ان الايام الجايه راح تكون احلى وصدقيني اذا تفائلتي واحسنتي الظن بالله راح يتحقق كل شي تبينه ولا تنسين الدعاء والاستغفار

 

[لمى الهاجري]

انا نفس حالتج شوفي حطي اسمج عند خطابة ماكو الا هالحل وعليج بالدعاء والاستغفار وتسبحي بسدر وملح خشن يمكن فيج عين

 

[يارب الفرج.]

إيي بسس الزووواج مو كككل ششي ؟ الزواج مسؤولييه عاد لج خلق ؟

وين رفيجااتج ؟؟ و وين بنـآت خآلتج و خواتج ؟ إخذي امج وطلعيييهاااا إنتي ونسي نفسج بنفسسج لآتنطرين أحد يونسسج

ادري انه مسؤؤليه بس انا ابي هالمسؤلليه انا قدها وودي يكون لي كيان وعايله عشان احس ان حياتي لها معنى

امي مره كبيره صعب اخذها مجمعات او سينما بتتعب ووفوق هذا ماتحب هالاشياء اهي :eh_s(2):

ورفيجاتي والبنات الي يقربون لي كلن لاهي بحياته ماهم فاضيين لي صحيح اطلع وياهم بس من وين لوين لما اهم يفضون ولما ازواجهم يسمحون لهم يعني الطلعه على مزاجهم اهم مو على مزاجي انا الله يعين بس

الله يعينج

تسلمين ويعين الجميع

انا انخطبت من قبل بس مع الاسف اهلي رفضو وهذا انا ظليت وحيده واصلا خلاص يئست احس وصلت لعمر مستحيل بتزوج فيه

ليش التشاؤم بالعكس الحياة حلووه مو كلها زواج

واهم شي القناعه وتفائلي وحطي في بالج ان الايام الجايه راح تكون احلى وصدقيني اذا تفائلتي واحسنتي الظن بالله راح يتحقق كل شي تبينه ولا تنسين الدعاء والاستغفار

بصراحه انا قبل متفائله وحابه الحياه وكنت حاسه ان مستقبلي بيكون حلو بس حاليا يئست من كل شي

والحمدلله على كل حال

 

[يارب الفرج.]

انا نفس حالتج شوفي حطي اسمج عند خطابة ماكو الا هالحل وعليج بالدعاء والاستغفار وتسبحي بسدر وملح خشن يمكن فيج عين

الله يرزقج ويرزقني وماتمر سنة 2012 الا واحنا متزوجين قولي آمين :yaaaaaarb:

حطيت اسمي عند خطابات بس للحين ماشفت شي منهم الله كريم

 

[لمى الهاجري]

يالله الحمد لله على كل حال روحي العطار واشتري سدر مطحون وملح خشن وتسبحي فيهم كل يوم بعد صلاة العصر عشان اذا فيج عين تروح

 

[بطوووطة$بيضة]

الصبر مفتاح الفرج
الله كريم

 

[اشلون يعني &]

حبيبتي لا تضيقين خليج
أنا نفسج مو متزوجه واكبرمنج
شنو يعني ماتزوجت من زين الزواج الحيين
يكفي تنامين وتمغطين على راحتج ههههه
اصلا اغلب بنات المجتمع يا مطلقات او غير متزوجات.

 

[غُــروب]

الله يرزقـج بِ الرجل الصآلح والمسلمين آجمعين ي رب ..
لآ تيأسي ف الرب كريم ي أنيقة ()

 

[ilham85]

مشكلتك شدتني لانو نفس حالتي بالضبط احس بوحدة فضيعة هالايام و ماعندي صديقات اغلبهم تزوجو و احس حياتي ما الها معنى بس شو نسوي الله الله يرزقك بابن الحلال اللي يهنيك و يررزق جميع بنات المسلمين يارب

 

[Şhώasha . . ~]

حيااتتتتي آنتييي
الزواج مب كل شي يابعد عمري
ياما ناس والله عاشين حياتهم وهم مب متزوجين
يقولج في مقوله :
( المرأه تستطيع العيش بدون الرجل لكن الرجل لايستطيع العيش بدون المرأه)

انزين انتي حاولي تشغلين نفسج مثلا تهتمين بجسمج و شكلج بشكل عام
تسوين اعمال تطوعية مثلا وتزورين الايتام و كبار السن
ترى دعواتهم اذا استانسوا من قلب تلحقج العافيه و الخير وين ماتروحيين
و عن تجربه

وشحقه تتضايقين من كل شي انتي مافقدتي عزيز ولا غالي وان شاء الله ماتفقدين
ماوقفت الدنيا عشان زواج والله ياني اسمع شكثر متزوجين ومب مرتاحين
وهم اللي كانو يتمنون الزواج !

وبعدين تذكري قول الله تعالى : {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]

وماله داعي هالتكدر و الضيقه

 

[جوري - q8]

الله يرزقج ويرزق خواتي وبنات المسلمين محد مرتاح انا متزوجه واعاني من عصبيت زوجي جابلي القلق والتوتر معيشني بخوف والله العالم شنو مصبرني الراحه اهم شي حبيبتي والله كريم يفرجها علينه وعد ندعي بالرمضان لبعض عساه مبارك علينا وعليكم يارب وتصومونه حنه وياكم بصحه وسلامه قولو امين

 

[ديانا سبنسر]

عيني خير ماتدرين وين الخير لج 30 توج مونهاية العالم ثلاثين سنة وبعدين خلج اجتماعية ومتفائلة وبشوشة يجيج النصيب

 

[الصيد اللعوب]

شوفي حبيبتي انا نفس حالتج مش متزوجه بس صغيره يعني الوضع لله الحمد ..لكن ابي الزواج والستر اللي تقولج الزواج مو كل <<الكلام سهل لكن انا حاسه فيج البنت بطبيعتها تبي رجل بحياتها
يستر عليها وتحس نفسها مرغوبه ولا نظره الشفقه بالناس وغير جذي تبي طفل او طفله تفرح فيه هذي امنيه البنت من تكبر اتكلم عن البنت السويه الملتزمه لكن في بنات ماتفكر بزواج لاهيه بالحرام والعياذ باللله ويمكن هذي بنظرها الزواج مو كل شي انا حااااسه فيج وشعورج جدا طبيعي بس انتي فكري فيها هذا رزق ؟؟؟بيد رب العالمين ابذلي الاسباب قد ماتقدرين اولا ارضي ربي وتاكدي اذا رضا راح يعطيج امتنعي عن الحراااااام لو شي تشوفينه ذنب بسيط امتنعي عنه رغبه برضا رب العالمين ،، قيمي الليل وادعي وتضرعي وابجججججي واشكي للي خالقج..اطلبي من امج تدعي لج دعوه الوالدين مجابه انا اطلب من والديني يدعون لي بالزوج والستر ولا اخجل ابدا بهالشي ..لاتستحقرين اي معروف بسيط ولو سقايا الماء للي برا بهالحررر او تفرحين طفل بشارع او تساعدين شيخ كبير سوي كل شي بنيه رضا رب العالمين والستر ..ومع هالامور كلها عليج بالقران لان ماتدرين اذا فيج عين او مس او حسد هذي امور غيبيه لها قدره كبيره على الصد عن الزواج انا والله واللله على ما اقول شهيد اني بكل مكان وكل عزيمه الكل يسال ويبيني زياخذ عنواني لكن ولا شي يتممممم او يتصلون على اساس يتحدد يوم للشوفه او يتعرفون علينا تقولين جذب ماصار شي لو اقولج هالسالفه تكررت ١٦ مره او اكثر يمكن تقولين تبالغين مع العلم عمري ٢٤ لكن بالنسبه لمجتمعي الكل تزوج وعيل&&&& رغبه وقدر رب العالمين وكل تاخيره فيها خيره لكن بالنسبه لعمرج ماقول كبيره ابد ياما بنات تزوجوا اكبر م وبسعاده عن الللي تزوجت واهي صغيره بس سوي الللي قلت لج عليه ووكلي امرج لرب العالمين وخلي يقينج واملج برحممممممممممن اكبر من كل شيً وعسى ربي يرزقج وتبشرينا قريب يارحمن

 

[لآلئ وردية]

حبيبتي



يقول الله تعالى:



وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ



فاصبري و احتسبيهها لربـج



و كثري استغفار و صلاة و دعاء



و حسبي الله و نعم الوكيل



و يا رب يرزقج من حيث لا تحتسبين



عيشي حياتج



تراج مو وايد عوده



كل بنت تتمنى تتزوج او الاغلـب



بس تراه مو الشيء الوحيـد بالدنيا



فعيشي حياتـج







و يا رب خير



ربي يرزقج و كل محرومه يا رب

 

[لآلئ وردية]

اتكلم عن البنت السويه الملتزمه لكن في بنات ماتفكر بزواج لاهيه بالحرام والعياذ باللله ويمكن هذي بنظرها الزواج مو كل شي

حبيبتي

ديري بالج من كلامج

وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ

ترى كلامج فييه قـذف لكل بنت ما تبي تتزوج

ترى فييه بنات لاهيـات بالدراسه او متعقـدات او او او

فديري بالج بهالكلمه لا تشيلين اثـم كل بنت ما تفكـر بالزواج و صاينه نفسهها

ديروا بالكم بنات بالكـلام اللي تكتبونه

مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ

و الله يرزقكم و يرزقني و كل محرومه يا رب

 

[Ashang anooon]

حبيبتي انتي ادري الموضوع مؤ هين وشاغل تفكيركج وهذا اكبر غلط أنا أختي عمرها 32 ومو متزوجه ولا تشتغل تخيلي قولي الحمد الله على الصحه والعافيه وأطول بعمر والدينج ترى في شغلات بالدنيا من كثر ما تكسر تموت الانسان وأهواء ليلحين عايش شوفي بلاوي الناس وحمدي ربج ترى موضوعة مؤ مشكله شغله انتي تغيرينها بنفسج
اول شي حطي ببالج ان رب العالمين مقدر حق الانسان رزقه متى وزين وكل تأخيره لها حكمه عنده
ثاني شي أنا أومن يشغله اي شي تبينه حييييل وتفكير ين فيه حيل ما تحصل ينه وبمجرد ما الهين اي لي عندج مثال بسيط تصير مع الناس كلها ( بتطلع ين مؤ لقائه السويج وتحوسين مأكو فايده ولازم تطلعين تأخذ ين سيارته اي احد بس تردني جرام ويهج تلقينه ) مثال اخر (لاحظي كل الي حبو بعض زيادة عن اللزوم ما يصير لهم نصيب مع بعض. ولازم يفترقون او اتفاقهم الدنيا )
أنا ميته اتفق وأصير ام والحال من بعضه ومالنا الا الدعاء بس هذا مؤ معناته أحط ايدي على خدي عيييييشييييي دنيتج وايد فيها شغلات حلوه وانا أتشرف أتعرف عليج حبيبتي منها نهون على بعض ومنها نقوي بعض شراييج حبي

 

[Ashang anooon]

سووووووورييييي الإيباد ابدل الكلماات لوووووووووووول