متضايقه مادري شسوي

[too00ta]

السلام عليكم
انا توني داشه العاشر وبجر واليوم موعدي والدكتور قايلي ان وزن البيبي حده 3.4 علشان اولد طبيعي
سويت كل شي علشان ييني طلق ماكو فايده :eh_s(2):
اسبوع اللي طاف كان وزن البيبي 3
قولولي شسوي اذا كان حجم البيبي اليوم 3.3 او 3.4 قيصيري احسن ولا طلق صناعي ولا شنو وانا صراحه ماودي فيهم حدي متضايقه وخايفه

 

[ملكه الحطب]

اختي انا ولدت اول شي بطلق صناعي ومايخوف لهالدرجه
وولدي اسم الله عليه جبته طبيعي ٣ و٦٠٠ تقريبا موشرط بس ٣ و٤٠٠
ماعليج من الدكتور لايلعب فيج والله يسهل ويهون عليج ياااااااااااااارب

 

[too00ta]

مشكوره على الرد حبيبتي
بس لان وايد يقولون ان يعور اكثر من الطبيعي
ولان حجمي صغير وقصيره قالي هذا حدج

 

[سيلينا]

ترى السونار مايعطيج وزن البيبي بالضبط
يا يكون اكثر او يكون اقل يعني الوزن الي يعطيج اياه تقريبي

واشلون يحدد الدكتور اذا قيصري او طبيبعي على اساس الوزن !!

انا بقولج تجربتي ولدي البجر اسم الله عليه جبته 4,200 وطبيعي
وما ضرني يعني رديت بنت عقب من الخياط والنفاس
مع العلم بالسونار لي قبل الولاده بيومين معطيني وزنه 3,500 لما قلت لدكتوره قالت يعطي حدود الوزن
ممكن الوزن يكون اقل او ممكن يكون اكثر

ترى ماله علاقه وزن البيبي بالقيصري ولا الطبيعي الولاده وطبيبعه وضعج انتي والبيبي عند الطلق اهو الي يحكم
الله يسهل عليج ولا تضايقين روحج متى ما الله كتب لج الولاده بتولدين لا اتعبين روحج ​

 

[شيــوخه]

مالج شغل في كلام الدكتور انا بينتي يبتها 3و950 << طلق صناعي وطبيعي
ربي يسهل عليييييييييييج ويقومج بسلامه اولدي طبيعي احسن لج من القيصريه

 

[ورده القرين]

حبيبتي ماله شغل الوزن بالولاده سواء طبيعي او قيصيري اذا حوضت يسمحح ورحمج يفتح تولدين طبيعي ان شاء الله
لاتخافين السهاله من الله واقري سوره الزلزله ومريم على الله يسهل عليج الولاده

 

[انوثة من حرير]

اختي والله الاطباء عندنا يخورونا ترى وزن البيبي طبيعي وتقدرين تولدين طبيعي ومانصحج بالقيصرية واطلق الصناعي انا مجربتة اصبري ماتبين الاجر وانتي تولدين اكثري الاستغفار والله التسهل ولادتج بذكر الله

 

[too00ta]

مشكورين حبايبي عالردود ماقصرتو

 

[المكسيكيه]

الله هون عليج

 

[ناتشوو]

مشكوره على الرد حبيبتي
بس لان وايد يقولون ان يعور اكثر من الطبيعي
ولان حجمي صغير وقصيره قالي هذا حدج

اتوقع الدكتور له نظرة
فعلا مرات الحوض مايسمح بمرور الجنين
خاصة انج قلت انج قصيرة يمكن فعلا الحوض ضيق عندج يكون

 

[Q.8.h.2]

السلام عليكم
انا توني داشه العاشر وبجر واليوم موعدي والدكتور قايلي ان وزن البيبي حده 3.4 علشان اولد طبيعي
سويت كل شي علشان ييني طلق ماكو فايده :eh_s(2):
اسبوع اللي طاف كان وزن البيبي 3
قولولي شسوي اذا كان حجم البيبي اليوم 3.3 او 3.4 قيصيري احسن ولا طلق صناعي ولا شنو وانا صراحه ماودي فيهم حدي متضايقه وخايفه

ماعليج من اللي يقول قيصري انا بنتي كان وزنها اسم الله عليها قريب خمسه كيلو ولدت طبيعي الحمد لله اهوا تعب بس كلها لحظات حبوبه وبعدها تستانسين ان شاء الله لاشفتيها بحضنج بصحه وعافيه والوزن اللي قاعده تقولينه مو وايد عادي لاهو شويه ولا وايد والطلق الصناعي يتعب شوي بس والله ساعات وربج يفرجها وتنسين ان شاء الله وادعي ربج التساهيل من رب العالمين

 

[أم وليد الشمري]

إذا سالفة ووزن البيبي ترى البيبي وووزنه عادي وراح يكون اقل من جي لانه السونار يكبره
اما اذا مساله قدرة الحوض على التمدد والولاده فهذي المسأله الدكتور يفصل فيها
بس سؤال.... هذا البجر ؟؟؟؟؟

 

[kanoosha]

والله انا وحده اتصيرلي يابت بنتها 6او7كيلو والكل كان متفاجأ اشلون انولدت طبيعي جذيه والريايل يضحكون يقولون اشلون اطلعت هاذي طبيعي يعني عادي لاطلق صناعي ولاقيصيري.الله يسهل عليج يارب وطمنينا اذا ولدتي

 

[ملح الدنيا فيني]

د هدى الزكري رقمها بالجريده عيادتها بالجابريه استشيريها خبره اهى

 

[too00ta]

اي هذا البجر ورحت موعدي اليوم وقالي اذا ماياج طلق لي يوم الأحد بنسويلج دخول الاثنين وطبعا طلق صناعي ومشكورين على الردود

 

[أم الليالي]

الله يهون عليك ... الطلق الصناعي سريع وحلووو وما يخوف وإن شاء الله تولدين طبيعي

 

[ملكه الحطب]

الله يسهل عليج ياااارب وتولدين طبيعي ان شاء الله واتبشرينا

 

[دنيتي بنتي]

الله يقومج بالسلامه
البنات ما قصروا

 

[جوليانا الحلوه]

تبين تولدين امشي انا مشيت لين تكسره ارجولي بعده بيوم ولده وزن البيبي بالسونار يزيد انا قالي زونه ثلاثه و200 تخيلي يوم وله كم وزنه كيلوين و 993

 

[Loloki]

اول شي قومي دشي الحمام وانتو بكرامه واخيلج حماااام حاااار وخليه ماي يطق على ظهرج ويكون ماي حار وقعدي متى ما خلص ماي حار طلعي

وصلي وقعدي اقري قران واستغفري ربج وان شاءالله تولدين قبل يوم الاحد يارب والله يسهل عليج يارب وتقومين انتي وبيبي بالسلامه