متضايقه لاتخلوني انا عروس

[اللهم رحمتك]

مرحباً بنات انا عروس وعرسي قريب ابي شي يفتح جسمي لانه صاير اسمر وابي شي طبي من الصيدليه اشتريه او برنامج عنايه تكفون مليت وفيني إحباط

 

[زوجت الشمري]

اختي روحي لدكتوره افضل

 

[eldalla3]

Up

Up


Up

 

[نُوف~]

هلآ فيج
جَربي ملحح الحليب
و مكتوبة طريقته عليه من وراءءء ~

و امشي على نظآم معاهه
وإن شآء الله البنآت يفيدونج

و موفقه ^^

 

[ام عبد العزيز م]

مالج غير الحمام المغربي وخلطاته

 

[فدوووش]

لااله الا الله

لازم تراجعين طبيبه واذكر البنات يمدحون ماركه فيراند وايت اذا انتي بالكويت تحصلينها عندكم بالصيدليات

 

[فدوووش]

اشربي عالريق عصير برتقال طازج لاتحطين سكر ومويا لا العصير نفسه شربيه

ولاتنسين العسل والسدر مفيده للتصبغات

عند خلطه السدر مع حليب النيدو وماي الورد كثيرين يقولون بيضتهم بس ماجربتها انا قد جربت السدر لحاله او مع زيت مررره رووعه

وقد جربت مره عسل طبيعي لكل جسمي والله بيضني بياض الثلج لدرجه يوم اني بالدوام الكل يسال وش مسويه كنت احطه ثلاث مرات لمده ثلاث ايام بس مااتذكر نوع العسل مررره رووعه

وخلي نفسيتك ريلاكس عشان تصيرين قمر بعرسك

الله يوفقك حبيبتي

 

[عآليه !]

أول شي ألف مبروك وربي يتمم لـج على خير ..

انا بقولج ابتدي بعنايتج الداخليه يعني اكلج اهتمي بالحليب والماي والعصاير الفررش
نظمي اكلج راح تشوفين النتايـج على بشرتج من برع ..

فير اند وايت وايد يمدحونها .. بس افضل انج تروحين لدكتور جلديـه وهو بيساعدج بالمشكله ..

موفقة ..

 

[زهره الجوري]

ملح البابا يا والله فادني كثيرررررر

 

[ملامح بريئة]

المغربي يفتح الجسم ويمدحون صالون الشرقية مع اني ماجربته بس حيل اعرف عرايس يروحوله اسبوعيا وفتحهم ووحد اللون وانا عن تجربتي لاني ما حب اسوي بصالون اي مغربي اشتريت مرة جهاز بخار الجسم الخيمة وكنت بالبيت استخدمها وشغاله بالخلطات وما شفت احلي من الجلسويد والليمون مع زيت اللوز واقعد بالخيمة ربع ساعه وبعدين احط الصابون المغربي واكمل داخل الخيمة وبعدين سنفرات متنوعه اخلطها والا ما اطلع من الخيمة الا وانا مفتحه حيل طبعا تعب بس والله نتيجتها حلوة وانصحك للجسم تشترين الخلطة الصابونية بس قبلها تدهنين بالجلسويد والليمون اضمنلك انه يبيض بس شرط ان لما تحطينه يتشربه جسمك يعني مايكون في هوا بارد لازم يقعد فيك ساعتين وتلقين نتيجه واما تبييض العيادات الجلدية والله لما ادخلها اقرا اعلانات تقشير ركب وتفتيح ؟؟؟؟؟؟كل شي عندهم وبالتوفيق

 

[أم هيونه]

الله يتمم لج ع خير حبيبتي

وربي يستر عليج ويوفقج

انا اقول عليج بحساب هذي بالانستقرام مو بياعه بس انا اخذت من اللي عارضته بصراحه يهبل

@5ltate

 

[شهووووودة]

شوفي انتي شنو قاعده تاكلين ؟

ترا لو تهتمين اهتماااااااااااااام الدنيا ما يفيد اذا جسمج من ( دااااخل ) مو صحي

شربي ماي لي تقولين بس ...
و عليج بالنظافة و الحمام المغربي ... لا تستخدمين خلطات ما تدرين شنو فيها ... >> قريت اشياء كاتبينها دكاترة عن خلطات الحريم .. سواف الكورتيزون و الرتن و ربعه ما يصير تستخدمينهم بدون اشراف طبيب

و افضل شي تروحين حق دكتورة بالجلدية و اهيا تشوف بشرتج و تقرر شنو الانسب لج

و الله يوفقج يارب

 

[برنسس أوراق]

حبيبتي لا تتضايقين فكري بعناية لجسمج تكون كاملة خل اقولج عن نفسي :


عناية جسمي وبشرتي :


صابونة البابايا للوجه والجسم
سنفرة البابايا احطها على كل جسمي واخليها من 5 إلى 10 دقائق مرة بالاسبوع أو مرتين
خلطة الصابونية من مزيونة وشقرة بـ 10 دنانير احطها لكل الجسم للتفتيح والشد والنظافة والنظارة وريحتها حلوة وعقب افرك جسمي بالليفة المغربية والمنطقة الحساسة والابط بس تدليك خفيف
ومرة بالشهر حمام مغربي بالليمون وزيت الزيتون اسويه بحمامي حيللل ينظف ويبيض


وعقب الحمام استخدم لوشن من نيفيا بالكرز والتوت البري للتفتيح حيللل حلو لكل الجسم
وبالليل ادهن جسمي بزيت الجلسرين واتسبح الصبح بنفس الطريقة يعطيج نعومةةةةةة ونظافة تهبللل


وحمدلله مرتاحة بالنتيجة جسمي صار حلو وفااااااتح الكل لاحظه ونظافة ونعومةةةة واهم شي راحة بال




موفقة حبوبة اذا استفدتي من عنايتي ادعيلي لان عروس نفسج

 

[فجرر]

لله يوفقج

 

[ايمان7]

حبيبتي مو شرط العروس تكون بيضااا وبيرفكت
دام المعرس اختارج معناته انج عاجبته
دايم اشوف العروس متوترة وشايلة هموم الدنيا على راسها مع ان الزواج راحة وألفة ومودة والاهم من هذا كله هي فرحة العمر
استمري على الحمامات المغربية والبنات ماقصروا جزاهن الله كل الخير على النصايح
وعسى الله يريح بالج ويجملج بعيون زوجج ولاتكلفين نفسج اكبر من طاقتها
ان شاء الله كل شي سهالات حبيبتي
ربي يتمم عليج يااااارب ويسعدج​