متضايقه حدددددددددي:(

[al_kadee]

السلام عليكم،،،

بنات انا بالاسبوع ال29 نهايته يعني تقريبا باقي اسبوع وشي وادش الثامن وكل سويت سونار امس قالت لي راس البيبي فوق والرجول تحت وقبلها بأسبوعين كنت مسويه رباعي نفس الشي راس البيبي فوق اما مراجعتي قبل شهر كان الراس تحت واستانست بس يافرحه ماتمت،،






وبصراحه. من امس وانا متأزمه ومتضايقه مابي اولد. قيصري انا بجر واخاف من مضاعفات القيصريه ،،، بليز بنات طمنوني في احد مثل حالتي وولدت طبيعي لان الدكتوره قالت لي نحاول نلف البطن بالتاسع ،، عفيه اللف يجيب نتيجه لاني قريت ببعض المواقع البجر بصعوبه يلفون البيبي ودشيت اليوتيوب وشفت عمليات ولاده قيصريه وقعدت ابجي




بنات ادعوا لي تتيسر ولادتي طبيعي ولكم مثله

 

[كيكة عسل]

الله يسهل عليج وييسر وﻻدتج

عادي حبيبتي انا مرت اخوي ماتعدل بيبيها الا باخر الثامن

انتي عليج بالاستغفار والقرايه على بطنج و ان شاء الله يتعدل وضع البيبي

والله يتمم عليج

 

[سعـــــودية]

حبيبتي توكلي علي الله
زوجة اخوي مثلك ونصحوها بالسباحه وكانت تعبي البانيو وتدخل فيه
وسبحان الله لف البيبي وجابت طبيعي

 

[سميره مملوحه]

عليج بالاستغفار وبسسسسسسسسسسسسسسسس وشوفي حزة الولاده شيصير
وان شاءالله طبيعي

 

[Aloe Vera]

حيل تو الناس عليج
البيبي ساعات يلف مع الطلق
و اصلاً ممكن تولدين طبيعي و البيبي مو لاف عادي

 

[am0ny]

الله يهون عليج حبيتي ربج قادر علا كل شي انا البيبي فووق ناشب وقايلين لي قيصري طبيعي استحاله وبحزت الطلق ربي يسرها وولدت طبيعي ،،،،، بس انتي ادعي وامشي وربي يكتبلج الخير ،،، وحتا لو قيصري لاتحاتين اهم شي الصحه والعافيه لج وللبيبي

 

[عاشقة هواك]

الله يكون بعونج حبيبتي

 

[بــ زايد ــنت]

عورتي قلبي ان شاء الله ربي ييسر ولادتج وتولدين طبيعي

كثري من السجود وربي يهون عليج

 

[زين ودلال]

الله يسهل عليج ان شاء الله

 

[fofowa_q8]

ذكري ربج ليش تتضايقين وتسوين بروحج جذي!!

لا اطالعين ولادات ومادري شنو الحين مو زين عليج

وبعدين تو الناس عليج عادي جدا البيبي توه صغير ويقعد يلف ويتقلب

خوفج اذا دخلتي التاسع وماكان لاف بس الحين سهالات يلف ان شاء الله

وفي دكاترة شاطرين يلفون البيبي بثواني وتولدين طبيعي عادي انتي توكلي على الله ولاتوسوسين اللي الله كاتبه بيصير اهم شي سلامتج وسلامة البيبي وياما ناس البيبي راسه تحت ووضعهم طبيعي وولدو قيصريه ماتدرين ربج شكاتب

 

[أأأميرة الورد]

الله يهون عليج وتولدين بالسلامه
ً
في بنتي من حملت وانا راسها فوووق

وقبل الولاده بيومين الحمدالله نزلت راسهااا

تو الناس عليج

 

[غايوه]

فديتج حبيبتي لاتخافين

ولاتحاتين ...خلج هاديه وان شاء الله ماتدخلين التاسع الا والياهل متعدل

وايد حريم قالولهن نفسج بس الله سهل عليهن وتعدل الياهل

اماا العمليه القيصريه العافيه منهههها ماتخوف اناا بجر وجربتهاا والحمدلله مااحس باي تعب ع كثر مااسمع ان العمليه تتعب

 

[أم بشبوشة]

توه الناس

 

[al_kadee]

حبيباتي الله يجزاگم خير طمنتوا قلبي وان شا الله بإذن الله انا متفائله ويارب يهون علي وتتيسر ولادتي لأن القيصريه مبلغها قوي وانا موًمستعده الا للطبيعي و فوق هذا فيني فوبيا من العمليات الجراحيه سويت مره عمليه كنت ارجف وابجي ولمن قعدت من البنج ترجيع وتعب الله ياجرني يارب ،، وان شا الله بحاوب امشي يوميا لعل وعسى يتعدل وضع البيبي

 

[أبكاني ذنبي]

توو الناس يمديه يلف

انا لف نهايه الثامن لاتحاتين


والله يرزقج بالولاده الطبيعيه السهله الميسره ياارب


لج ولي ولجميع البنات

 

[أنفاسي دخون]

يلف ان شاء الله لا دشيتي التاسع ومع الطلق بعد واذا دشيتي شهرش والراس فوق يلفونه لاتحاتين اللي كاتبه الله بيصير

 

[امـ خــزامـى]

الله يطمن قلبك سهالات لاتخافين

 

[خوووخه w]

توو الناس حبيبتي لاتحاتين واذا مالف روحي لمحسن طلبه خليه يلف لج البيبي اهو يعرف بمستشفى الامومه وبعدين في حركات تخليه يلف البيبي احبي و طولي بسجود سوي سيرج عن لف راس البيبي يطلعون لج شنو سوو انتي سووي

 

[غُروبِكَ]

الله يرزقج بالولاده الطبيعيه السهله الميسره يا رب

 

[baa6aa]

ان شاء الله مافيج الا العافيه و يارب تولدين طبيعي و كل شي سهاله بيد رب العالمين

وحتى لو كان الياهل بوضعيته الصحيحه و ربج كاتب يلف حزة الولاده راح يلف

انا بنت خالتي جذي كان طول الوقت بالوضعيه الصحيحه و قبل الولاده بجم يوم لف ..

و اهيا بغرفه الولاده يا الدكتور و لف الياهل بعدين ولدها طبيعي

شوفي واهيا بالولاده لفه لها

فما تدرين يمكن من الحين لي حزة الولاده ان شاء الله تتعدل الوضعيه و كل شي يتم نفس ما تبين

الله يسهل عليج يارب و تطمنينا انج والده بصحه و عافية