متضاااايقه والله يفرجها عليها اللي تدخل ..

[عيا زماني]

السلام عليكم ورحمة الله وبركااته ..

بنات والله اني قاعده اتكلم الحين والله اعلم بحالي والله متضاااايقه ومن الله الفرج سبحانه ..

رحت حق ام سعد اللي بالصليبيه سمعت عنها ورحت لها وقالت لي كلام الله لايوريكم احس يوم سمعته ماني قادره اشوف احد وماني قادره اوقف على رجولي ..

قالت لي انتي فيج صده برحمج حيييل ولو بقول يسمونه تشوه خلقي من يوم ماجابتج امج ؟؟ << هذا كلام ينقال :eh_s(2):

ورحت قبلها حق حريم مراخات وقالو لي صده بس مو نفس كلامها اعوذ بالله تخرع العالم والله حسيت قلبي بيطلع من الخرعه حسبي الله ونعم الوكيل ..

وانا ولله الحمد رحت لدكاتره فاهمين بالطب ويقولون لي انتي رحمج زين وماقالو شي مو حلو بالنسبه لي والله الفضل والمنه ..

وانا والله ضايقني كلامها انتم شتقولون عنها ؟؟ سمعتو عنها زينه ولالا؟؟

 

[HOT^CHOCOLAT]

الاسلام عليكم والرحمه حبيبتي حرام والله الي تسوينه بنفسج انتي لازم تخافين على روحج ليش تروحين حق حريم ومادري شنو يستغلونج الله يهديهم روحي حق مستشفى خاص وانشالله مافيج الا العافيه يارب الله يشافيج ويرزقج الذرية الصالحه اجمعين ويرزقني واحمل اللهم امييين

 

[لجين]

ان شاء الله مافيج الا العافيه

بس انا سمعت عن علاجاتها ما شاء الله عليها وحده بوحده

 

[(m & m)]

انا ما ادري عنها وما ادري ليش بالاساس رحتي لها

بس الي عرفته ان سلوب بالكلام ما عندها عموما الله يهديها و حطي في بالج

لو فيج تشوه خلقي جن قالولج الدكاتره و كلمة تشوه خلقي هذي تدل على ان خبرتها قليله

يعني شنو بالله تقولج تشوه خلقي الله يهديها صج تحررر

 

[msl 1881]

والله انا ماعرف بالحريم بس اللي اعرفه الطب تتطور واحنا لالحين نروح الطب الشعبي
اختي الله يوفقج ويريح بالج ويرزقج بالذريه الصالحه
مااقول الا خلج مع رب العالمين وان شاء الله مايخليج ويرزقج والكويت متروسه دكاتره فاهمين بالشغلات هذي وخلج من الحريم وسوالفهم لا تودي ولا تيب

 

[غلاي امي وزوجي]

كثري من الاستغفار بنية الحمل

 

[كويتيه مذهله 87]

روحي جق دكتوره بعياده
انا ما اثق بحجي حريم ببيوووت

 

[_ظل الياسمين _]

انزين ولنفرض كلامها صج ..شنو العلاااااج ماقالتلج ولا بس تخرع بخلق الله..

توكلى على الله ومالج شغل يوم ربى يبى يرزقج لا اهى ولا غيرها يوقف جدام عطاياه.

 

[تل السكر]

ماعليج منها اذا الطبيب ماشاف التشوه على قولتها بالسونا شلون اهي شافته عيون قيرندايزر والله العظيم
استغفري وروح حق طبيبه مختصه وربج يفرجها لا تزعلين
والله يفرح قلبج

 

[kimoo]

http://q8yat.net/showthread.php?t=628127&highlight=%C7%E1%D5%E1%ED%C8%ED%C9

حبيبتي شوفي الموضوع

ديري بالك منها

 

[تل السكر]

:hjy5jewf:ماعليج منها اذا الطبيب ماشاف التشوه على قولتها بالسونا شلون اهي شافته عيون قيرندايزر والله العظيم :rgewrg:
استغفري وروح حق طبيبه مختصه وربج يفرجها لا تزعلين
والله يفرح قلبج

 

[روحي أسامه]

والله ماعندي علم
بس أسأل رب العالمين أن يشفيج
ويشفي أمة محمد

 

[FOZQ8]

ياعمري انتي عقلج براسج ابي تحكمين .. اللي رحتي لها بيدها شي والا بايد رب العالمين ؟؟ وبعدين شنو عندها سونار والا شنو اللي عرفت فيج صده مادري شنوو
وعيب خلقي محد طاح عليه الا اهيا؟؟
الحمدالله ان هالشي بايد ربنا ورحمته واسعه روحي لدكاتره معروفين واسعي وطلبي من ربج الذريه الصالحه وربي ما بيخيب ظنج فيه
لكن ان ظنيتي ان كلام هالمره عدل اللي ماعندها شهادة طب .. فراح تأثرين على نفسج حتى بدعائج انج يائسه .. ادعي وانتي واثقه ان المقسوم من الله هو خيره لج
والله يحقق لج اللي تبين واكثر

 

[unique love]

مساء الخير - اقرأي الايه هذي -قلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجل لكم جنات ويجعل لكم انهارا-يأختي ريحي بالك واذا الدكاتره قالوا لك ان كل شي سليم خلاص ارتاحي ولاتفكرين وبس الزمي الاستغفااااااااااار والله ثم والله ان اختي لزمت الاستغفار مع ترك المحرمات من اغاني وغيره وفي نفس الشهر حملت وانا الحين لزمت الاستغفار مالي الا شهر وبإذن الله حامل انا ما اقول لك اخذي بالاسباب يعني مثلا اذا فيك شي استمري مع الدكتور واذا سليمه اقرأي هذه الايه وبعدها قولي خلاااااااص ربنا الي خلقنا قال لنا استغفروا واعطيكم البنين ليه ندور العلاج وهو موجود عندنا ومافيه اسهل منه وانشالله ما اكون طولت عليك

 

[FOZQ8]

الله يرزق كل محرومه الذريه الصالحه

 

[الباحثه]

حبيبتي لا تتضايقين ولا شي اذا كان كلامها صحيح قولي لنفسج ما يرد القضاء الا الدعاء

كثري الدعاء وكثر من الاستغفار وامسحي علي رحمج بيقين كامل منج ان الله عزوجل قادر علي كل شي

والله يقر عيونج بالذريه الصالحه عاجلا عير اجل

 

[om__jana]

حبيبتي مو سامعه عنها بس البنات ماقصروا ردوا عالموضوع

الله يهون عليج ويبعد الضيق عنج ويفرح قلبج يارب

 

[دآنة آلرشآيده]

حبيبتي ليش خايفه الصده الدكتور مايكتشفها
اعرف بنات واجد فيهم صده تعالجو وحملوا خليها تمرخج
وتعدل لج رحمج عادي وبتحملين

 

[جميله وجذابه]

منصجج اختي رايحه حق هاذي ومصدقتها و ضايق خلقج! عيل وين راح ايمانج بالله ؟

و خليتي كل الدكاتره والاستشاريين ورحتي حق وحده ما تدرين اشسالفتها صاجه والا جاذبه و ماتدرين على اي اساس اتقرر

تركي عنج علاجات الحريم وخرابيط الحريم وعالجي عند طبيب والا طبيبه و هذا ما يمنع انج اتسوين مساج للرحم انا اعرف فلبينيه تسوي مساج و اتعدل الرحم عن خبره اذا تبينها راسليني عالخاص

وذكرتيني ابقصتي لما رحت للعلاج بالخارج و دشيت على اكبر البروفيسورات و اشهرهم و قالي كلام عن حالتي يحبط الي ما يتحبط و ايئس بس انا ما اهتميت لولا كلمه من الي قاله و قلت انا متوكله على ربي الي فوقي مو متوكله عليكم و صج عقبها بيومين تغير كل شي و طلع كلامه كلام فاضي وغلط ولا اثر فيني ولا ضعفت لاني انسانه مؤمنه والحمدلله.

 

[دلولي]

حبيبتي ان شاالله ماكو الا كل خير باذن الله وعليك بكثرهالاستغفار وام سعد فيه ناس واجد مامدحوها بس ماحكم على المره لاني صدق ماقد جربتها الله يستر علينى وعليها يارب