متزوجه وموظفه وماعندج خدامه..تعالي

[شاذن!]

:eh_s(7):مرحبا ياحلوين
بغيت نتناقش اليوم
بخصوص المتزوجه الموظفه وماعندها خدامه
ابي اعرف شنو روتينج شلون مقسمه وقتج بين الوظيفه وريلج وشغل البيت
ابي استفيد من خبرتكم
وشلون مقسمه شغل البيت..تطبخين بنفسج ولا مطاعم ولا مع الحموله؟واالتنظيف والغسيل وغيره من شغل البيت شلون مقسمته وشنو التنظيف اليومي والاسبوعي للبيت.......
تكفون علموني بصير عروسه وماعندي احد يعلمني هالسوالف:eh_s(2):
ملاحظه:بكون بشقه بروحي( ماشاء الله)

 

[كاملة الدسم]

هلا حبيبتي

الترتيب بشكل يومي الصاله وغرفة النوم وبشكل اسبوعي غسيل الحمامات والخم والمسح

ملابسي اهلي يغسلونها لي الله لا يخليني منهم وملابسه بعضهم مصبغه وبعضهم بالغساله

و بالنسبه للاكل اطبخ العشا اما الغدا لا يا من اهله او مطاعم

 

[dreamy_83]

انا عندي خدتمه بس بتسافر باجد وليلحين مو متخيله الوضع!

 

[جـــواهر]

كنت ارتب ع طووول ما اخلي شي يتكود علي
الغسيل له يوم الاوتي له يوم طبعااا مااا اطبخ
لان حدددي مشغووله وماكنت اعرف للطبخ
وزوجي ياكل مع اهله

اهم شي لاااتخلين اي شي يتكود عليج واشتري الشغلات المريحه

مخمه كهربائيه
غسالة نشافه بنفس الوقت
واوتي بخااار

اريح لج

 

[رق رق]

هلا فيييج ، في عضوه تقريبا كاتبه نفس موضوعج ، والردود حلوه وراح تنفعج .
برد واقول مره ثانيه ؛
شغلج من تنظيف وغدا سوي قبلها ابيوم ، عشان اتردين من الدوام مايكون عندج شي غير تنظيف الصحون بس .
وبعد ما اتريحين العصاري ، اكيد ريلج يطلع ، اهني انتي اذا في اوتي او تنظيف حمامات واتكنسين الغرف والصاله واتسوين الغدا .
واخذي دوش واتعطري وبخري البيت ، وريحي لما علي ايي ريلج .
وبس. هذا احسن تنظيم . بس هااا !!! لا اتأخرين شغلج او اتقولين مالي خلق لا لا لا عشان لا يكود عليج ، اول اباول سوي شغلج

 

[توتاتوتا]

فيه موضوع او تجمع للعضوه سويت بوبا تلقينه في قسم تبادل الخبرات في الصفحات الاولى

و الفكره تعتمد على التنظيم و الخبره اذا انتي تعرفين تنظفين وتطبخين و كذا ماعندش مشكله بس تعلمين و انتي عنده صعب

 

[Mjnont '3lay]

اذا تعرفين حق شغل البيت سهااااااااااااالات اهم شي تنظيم الوقت ولاتكودين الشغل على راسج

اما اذا بتتعلمين وانتي عنده صعببببببببببببببببه ورح تعانين شويات

 

[أجمل إنسـآنـه ~]

أأأأأأأأبـ لعيوؤنجج,~"؟!

 

[WAAAW]

انا كنت اخذ خدامة بيت اهلي لاني كنت اموووووووووووووووت من التعب لما ارد من الدوام واسوي غدا وانظف ( بس ريلي كان يساعدني ) ههههههههههههههههههه يخاف اعصب عليه

 

[عهد الغرام]

خلي كل يوم لشي مره غسيل ملابسي الثاني ملابسه الثالث غسيل غرفتي والحمام والرابع باقي البيت والخامس تسفيظ الملابس وألاوتي والجمعه أوف والترتيب طبعا كل يوم وتعطير الله يوفقج

 

[ạ7ạśêś ~]

.:







ووي شدراج امس اقول حق ريلي ابي خداااااااااااااااااامه تعبت من صجي. بس بعد .؟
كل يوم اسوي لي شي ويوم الخميس يوم الغسيل العالمي عندي خخخخ

 

[Gifts&Occaions]

البنات كفو ووفو

 

[انونا]

حبيبتي
خلي يوم غسيل ويوم كوي والويك اند راحه حقج
اشتريلج الجلايه هذي اهم شي علشان يخفف عليج الطبخ زهبي نص واليوم الثاني اول ما تردين من دوامج كمليه وقطي في الجلايه الامعين واهي كفيله بتنظفه
التنظيف طبعا غرفتج النوم يوميا والحمام تنظيف سريع وترتيب سريع للصاله
الصاله والباجي بالاسبوع مره وهذا التنظيف العميق يبي خدامة اهلج تنظف واستغليها بغسيل وكوي الملابس

 

[Miss Eteket]

مآ قصصروو

 

[ReD&FoSHia]

اب اب

 

[وردة الدوحه]

يماااااااااااااااااااااااااااااااااااااااااااااااااااااه

ما اتخيل نفسي بدون خادمه

 

[ZaiN Kw]

سهالات ان شاءالله

 

[زبــــــــدة]

نا قاعده بشقه بروحي ..وتونيي متخرجه ناطرة الوظيفه

استغفرر الله مادري شلون بقسم وقتي

انا جذي ماعند شي واحس حددده تعب وشغل شلون لو اتوظف

الله يستر بس

 

[PinkLulu]

موضوع شاغلني هالأيام

أنا متزوجة وموظفة وعندي ياهل

يبت كذا خدامة وما يقعدون عندي...ومليت من مشاكلهم وقررت ما أييب خدامة بعد ورديت خدامتي قبل جم يوم بس

وحطيت لي خطة وإن شاء الله تضبط


ولدي...

أنا ساكنة بيت حمولة...الصبح أنزل ولدي عندهم ويهتمون فيه على ما أرد من الدوام


الطبخ والمطبخ

نتغدى معاهم...والعشا مو دايماً أطبخ لأن دوام ريلي شفتات...وإذا ما كان عنده دوام نطلع نغير جو

الصحون تتغسل على طول علشان ما يتراكم علي...وتنظيفهم يصير أسرع خصوصاً أغراض ولدي

وأنظف المطبخ بشكل سريع وبسيط


الحمامات...

أحاول أرتبهم وأنظفهم بشكل بسيط يومياً


الغرف...

ترتيب أول بأول وتنظيف يومي للأشياء الواضحة


الملابس...

الغسالة والنشافة تاخذ وقت وايد...فما أحب أحط يوم خاص بس لغسيل الملابس

لأن راح أنحبس بالشقة طول اليوم ولازم يكون ويك إند لأني موظفة

فكل يوم أرد من الدوام أغسل غسلة وحدة أو ثنتين

في ملابس ما تحتاج كوي أصفطهم على طول...واللي يحتاج كوي أخليه على جنب عشان الخدامة تسويه (مع ياهل صعب أقعد أكوي ملابس)


وبما إني ساكنة بيت حمولة...أطلب منهم الخدامة تغسلي الحمامات وتمسح لي الأرضيات يومين بالاسبوع

ومفكرة أييب لي خدامة نص دوام يومين بالاسبوع تغسل الحمامات والمطبخ وتمسح وتكوي الملابس


صج الحياة مع الخدامة أسهل...بس بدون خدامة راحة نفسية...صج مليت من مشاكلهم ودلعهم