متزوجه وطالبه وتهتمين بنفسج من الي تعالى علمينى اشلون :(

[يا فرحه ما تمت]

السلام عليكم

متزوجات حبيباتى كل وحده تذكر طريقة اهتمامها بنفسها من اول ما تصحى من النوم لين ترد من الدوام
​

بأنتظاركم​

 

[Tom ♥ Jerry]

صج معاناه


انا اقوم من النوم 6 و نص ابدل و ابدل بنتي
و ازهب اغراضها اوديها عن خالتي ام ريلي أو عند أمي بعدين
اطير ليه شويخ .. الكليه و ارد من الدوام الساعه 2
ريلي يكون ليلحين بالدوام .. اهوة يطلع من الدوام يروح الملعب على طول
يعني مايرد البيت الا 5 أو 6 المغرب
عاد انا انام من 2 تقريبا ليه 5 أو 4 عشان حسب بنتي

بس اقعد اتغدا و آمممم بس ادرس اذا في امتحان اوشي
أو آطلع مع ريلي آو زوارات أو اروح عند خالتي ام ريلي
انام انا و بنتي بالليل الساعه 1 أو 2 هم على حسب بنتي


و الله يعين :×

 

[تبيني آرضى عليك]

آآآآآآآآآب

 

[شاذن!]

upppppppppppppppp

 

[شتاء لندن]

-
الله يكوون بعونج ي حلوةة
قريبا ب تصير حالتتي نفسج >.<"
()!

 

[حنانو 89]

اب اب ....

 

[om . alzeen]

انا متزوجه وانا طالبه

اول شي :
اقوم من النوم على حسب وقت محاظراتي اتسبح ولازم تهتمين بنظافتج وريحتج (اهم شي عند الزوج ) شور جل + كريمات+ عطورات جسم + اهتمامج بالمنطقه الحساسه الغسول يوميا وارطب المكان وبعد الترطيب باي نوع من الكريمات >> بيبي جونسون او اي كريم عندج تحبينه بعدين ضروري ضروووووووووووووري الكوتكس اليومي تلبسينه ( كير فري ) وتحطين بالمنطقه الحساسه مسك الطهاره من القرشي يعطيييج ريحه تدوم طول اليوم .


طبعا بعد ما ارجع من الجامعه زوجي يكون بالدوام لانه مايطلع الا متاخر ( قطاع خاص ) ارد ابدل اطبخ غدانا انظف الشقه وابخرها واحط فواحات بالدار والصاله واتجه للحمام واتسبح بعد ريحة الطباخ والجامعه واسوي نفس الخطوات الاولى واستشور شعري واتضبط واتكشخ يرد زوجي يلقاني على سنقة عشره p:

نصيحه من اخت لاخت لازم مثل ماتكشخين للناس والزوارات كشخي لزوجج بالضبط واكثر بعد لانه الزوج يغار مثال علي انا كنت احط لزوجي مكياج حيل ناعم بشقتنا ولما اروح زوارت حمولتي اكثر شوي فكان يقولي شمعنا تكشخين للناس وانا لا :|


وهذي حياتي يومييا بس .

 

[سندس 90]

اي والله الله يعيين
وانا بعد نفسسج
ماادري شلوون انا حدي كسسوووله ومومنظمه الله يعين
عاااد ان شالله اتغيير عااد 

 

[You FOR Me Only]

سهالات ان شاء الله

ربي يوفقج

 

[Babystyle]

صج معاناة
انا طالبة ودوامي مايخلص الا العصر بس مرات 12
اقوم من النوم اغسل والبس واروح الجامعة ... وارد اسوي الغدا ولما ايكون الغدا على الجوله ارتب الشقه وانظفها على مايستوي.. عقب مااخلص الغدا اتسبح والبس شي ناعم وابخر الشقة .. عاد زوجي ايطول عل مايجي يعني اكون خالصه كل شغلي تقريبا .. المهم نتغدا ونام العصر
ونقعد قبل المغرب اهوه ايروح النادي وانا اقعد ادرس اذا عندي exam .. وقبل مايجي اتضبط وغالبا العشا من برا


والله يعينا يارب ونتخرج على خير

 

[orchidia]

بأتكلم بحكم اني ببداية زواجي كنت طالبة

كنت أصحى من بدري تقريبا 5 ونص لآن جامعتي بعيدة حيل عن بيتي

ما أفطر ولا شي واهو يكون نايم ألبس وأطلع ..

أرد البيت يكون اهو موجود يرد قبلي أدخل على طول أزهب الغدا وقبل ما أنجب الغدا آروح آخذ شور سريع عن ريحة الطباخ

أنجب الغدا وأركب الجاي ع بال مانتغدا الجاي زاهب كل واحد ياخذ كوب وندخل ننام عقب العصر لي المغرب

أصحى وألبس وأنزل حق خالتي لآني ساكنة ويا حمولتي من عقب المغرب لي وقت العشاء

أرد بيتي أنظف ان كان فيه شي والعشاء دايم متأخر 11 أو 12

آخذ شور قبل النوم ووبس

 

[Arwa AL-O]

واااااي الله يعينج جد معانااااة
انا بعد طالبه وحامل حيل تعبانه ومالي خلق شي
تنظيف مالي خلق انظف ع المزاج وفعلا اعترف مو مهتمه وايد بشقتي
زوجي ياكل مع اهله تحت انا ساكنه في بيت حمولتي
بس انا مو دايما اكل معاهم اقعد ساعات يوم كامل مو ماكله عادي او اقزرها خفايف
والعشا الغالب من برا
جد مو قادرة الحق
ساعات احس ان وجود الخدامة ضروري والله ع الاقل تشيل التنظيف وكل شي عنج
لان تنظيف ودراسه واهتمام بالشكل واااااي صعبه صعبه

الله يكوووووون بعوووونا يارب ويسهل علينا يارب ​

 

[نورة حسام]

انا اقوم 6 ونص
بعدين اودي ولدي بيت خالتي ام ريلي
بعدين ارد 2 اتغدا بعدين ايلس اجابل ولدي والعصر ليما المغرب ادرس
انام الساعه 11 او 12
والله معاناه

 

[هيبة ملك]

الله يعينكم أنا كنت مرتاحة لأن زوجي مسافر بعد ماستقر وأنا جبت ولدي حسيت بتعب حيل

بقولكم:

أنا أقعد من 6 أجهز الريوق حق زوجي وألبس وأخذ ولدي لأمي وأروح الدوام أرد وحده ونص أروح بيت أمي اجيب ولدي

مرات أخذ الغداء من أمي ومرات أسوي الغداء فالبيت وعلى مايستوي أنظف البيت وأحط بخور أروح اتسبح واسبح ولدي يكون متغدي

أنومه يجي زوجي عال3نتغدا ونااااام للمغرب وأنا حسب نومة ولدي

أقعد اسوي لزوجي قهوة وشاي يتقهوى ويطلع ومايرد إلا 9 يتعشا ويطلع يرد عالوحده أكون منومة ولدي ومنظفة الشقة ومجهزة حق

الغددابكرة أقص الدجاج وأتبله وأقص كل شئ وأخليه فالثلاجة .. بعدها أتسبح وأجهز ملابس بكرة لي ولزوجي وأروح أنام

مرات أصحى على جيته ومرات هو يصحيني وعلى هالحال الله يعينا ويكتب لنا الأجر ,

 

[_زينه_]

اقعد ٦ ونص البس واروح الدوام

ارد البيت ١ ونص ارتب غرفتي وحمامي وابخر الشقه

اتسبح وانزل اتغدا مع حمولتي

اصعد شقتي ٤ العصر

انام اقعد ٦

نتقهوا ساعه بعدين اطلع او انزل عند حمواتي

شقتي تنظفها الخدامه اما غرفتي وحمامي تكرمون انا انظفهم وبس

انام بال ١٢ او ١ ساعات ٢

 

[وردة وطني]

صج معاناه حياتي ليش ماتجيبون خدامه ع الاقل يكون عليه التنضيف
انا الكؤرس الثاني بدرس ان شاءالله بس عندي خدامه ومرتاحه ام الطبخ انا اطبخ والتنضيف اهيا
كسرتو خاطري

 

[امـ خــزامـى]

الله يكون بعوووونكم ويسهلها عليكم

 

[كستنائيـة ع ـسل]

ـَٱللـّھ يعين والله انا مانام لوووول

اقوم الصبح اروح الكليه ارد العصر احط الغدا لزوجي بعدين ٦ اقعد عند اهله ونتقهوئ وتاخذنا السوالف وبليل يجي اسوي عشاه

وانام ٢ او وحده

لا وحامل وتعبااانه

وانظف واكوي واغسل وحالتي حاله

 

[Miss Eteket]

قريباً بعيش معاناتكم

 

[قطوووة]

الله يعينكم