متزوجه .. موظفه .. في سكن بروحج .. تعآلي ابيج

[Blonde B]

قوه
شلونكم ؟
اليوم بيكون موضوعنآ
عشان نساعد بعض
اذا كنتي متزوجه وموظفه وفي بيت بروحج
شلون تنسقين وقتج ؟
متى تطبخين الغدآ ؟
عندج طري ووصفات سهله سآعدينآ فيهآ
او كنتي متفقه مع وحده تييب لج الاكل ؟
والا كل يوم مطعم ؟
والا امج تدز لج الاكل ؟!
وريلج معاج ويساعدج والا ماله شغل ويقول
انتي كله مهمله ؟!
خل نساعد بعض
:eh_s(17):
شكرآ

 

[PuPa^^SWeeT]

انا عندي خادمة

اذا قصدج عن ايام قبل ... قبل العيال



انا اقولج يوم خالتي اتييبلي يوم امي اتييبلي وهكذا


التنظيف انا انظف بس مرتين بالاسبوع اييب خدامة اهلي اتنظف عدل عدل عدل

 

[حدى عنيده]

تبين اول زواجي كنت ارد من الدوام واطبخ وعقب اغسل وانظف شقتي بعدها اروح اتسبحواتبخر واتزين واذا ع غسيل الملابس كنتاغسل يوم بالاسبوع واحدد يوم حق الكوي وبس

 

[om MaRyooM]

واي صج ازمة
الله يعينا

شوفي حبوبة انا اقسم ايامي جذي بالنسبة للغدا
الايام من الاحد لي الاربعا(4ايام بس) انا اجهز قبلها بيوم الاكل
واقول للخدامة تساعدني
ولما اوصل من الدوام يا أسخنه .. او احطه بالفرن على حسب الشغلة
واخلي يوم منهم عيش ومرق مثلا
ويوم سمج
ويوم لزانيا او معكرونة
ويوم همبرجر وهالسوالف الخفيفة


ويبقى الخميس نطلب من المطعم

والجمعة والسبت زوارتنا يعني مريحة عمري


يعني بس 4ايام الي اطبخ فيهم


اما التنظيف وهالاشياء طبعا لازم يكون في خدامة
والغسيل مرتين بالاسبوع

وهكذا
بس لابد تيي ايام يتلخبط كل هالنظام عااادي

 

[مارشميلو..]

مو موظفه بس ماعندي خدامه
اطبخ الغدا بوقته ماحب اسويه من الليل
زوجي الحمدلله مو حريص عالاكل واجد اي شي عادي يعني مو لازم كل يوم اطبخ اشيا دسمه
العشا همرجر ساندوتشات اشيا بسيطه وسهله واحيانا من برا
التنظيف يوم ورا يوم اشغل مكينه الكهرب على الشقه كلها وامسخ الارض بديتول مع داك بريحه الورد واخففه بشوي ماي
واغسل الحمام وبعدين ابخر الشقه واحط معطر اكوا من الرصاصي شي خياااااال اعجز عن وصف ريحته ههه
ريحته نظافه يهبل اقصد اللي لونه بصلي مو بنفسجي
وامسح الطاولات بمنظف الخشب او الزجاج عشان الغبار مايتجمع
والملابس يومين بالاسبوع واحيانا اوديها المغسله
ملابس زوجي وولدي اما انا لا اغسلهم
اجيب خدامه بالساعات بالاسبوع مره تسوي تنظيف عدل لاني تنظيفي احس مو مثلهم
وترى مو كل يوم نفس النظام احيانا اطلع اروح لهلي ولا لهل زوجي ولا نطلع السوق
يعني احيانا يمر يوم ماسويت شي بس ارد انام
بصراحه مااقولك مااتعب بس الحمدلله احاول انظم وقتي
بس مقدمه خدامه واستناها تجي ياااااااارب تكون زينه عاد
ادري بتضايق منها لان شقتي صغيره ومارح البس على راحتي حتى زوجي يقول احس ماقدر اقعد معاك وهي موجوده
بس شسوي مظطره لاني ابي اشتغل ولازم وحده تقوم بالبيت وتساعدني

 

[قمرية الفيس]

انا توني متزوجة وموظفة وشقتي عبارة دور وغسالتي بصوب والنشافة بصوب ومواعين وغسيل ومسح ودوام وزوجي لادوام ولاشغل بيتوتي حده
ولاعندي خدامه ومدرسة وقرب دوامي والحاله كسيفة لاعندي الي طرش غدا ولاعندي خدامة لو ساعة بس بالدوام زوجي يريحني يطلب غدا من المطعم
ادعولي تصير عندي خدامة من قلت بجيب تعوكس مستكثرين علي الخدامة وانا ماعندي عيال لويشتغلون يوم بشقة ماراح يلوموني خاصة وانا موظفة ومو اي وظيفة مدرسة لمادة اساسية يعني اجي نص حيلي راح وزيدكم من الشعرً بيت قاعد يجيني هبوط ورجفة ودوخة وتعب مو طبيعي ومحد حاس فيني

 

[قمرية الفيس]

عزاه يالعزوبية كنت حتى الماعون ماشيله

 

[يركدون]

حلو الموضوع خلونا نستفيد من بعض

انا من الحين احاتي الطبخ شلون بيكون ولا اعرف اطبخ كلش

بس باخذ وصفات الله يسلملي كويتيات واطبق

بس المشكله ارجع الساعه 1 ما يمدي اطبخ




بقولكم تجربه وحده تعرفت عليها قبل لما كنا بالشاليهات
متزوجه وموظفه وريلها ما يحب الا من ايدها ما يحب الخدامه

تقول من بليل اقصص الطماطم والبصل والخضره يعني ع حسب طبختها تجهز المقادير
وتحطهم بالثلاجه ومن باجر اول ما ارجع من دوامي ع طول بس اخذ واحط بالجدر وبسرعه يخلص الطبخ
بس اللهم انتظر الطبخه تخلص لا قص ولا شي

اعجبتني طريقتها

 

[AL-DMERA]

انا متزوجه وعندي ولد مزززززززززززززعج وخدامه وبطاليه ...​

وساكنه مع اهل زوجي .. يعني الحمد الله مرتااحه ...الغدا عليهم ..​

وقتي كله سهر ونوم وطلعات .. ​

الحمد الله والشكر ..​

 

[زوجة عزيز]

up up up

 

[انا لحبيبي .]

up ،

 

[جروح ودموع]

ايام الدوام مره اسوي مكروونه ومره سمج مقلي وعيش ابيض ومرات باليل اطبخ اللحم واحطه بالثلاجه وبس ارجع من الدوام احمس اللحم واسوي المرق والعيش الابيض لان زوجي ما يحب الاكل البايت لازم فرررش زمرات اسوي مجبوس همبرجر ومرات حمسة تونه بالخضار واخلطه مع العيش المشخووول وبالويك اند الجمعه زواره الغدا عند اهله والعشا عند اهلي والسبت اذا كان مدارس اراجع لليهال واحضر اغراضهم للمدرسه وبالعطل يصير السبت طلعتنا مع اليهال والحمدلله الحياة ماشيه بحلوها وبمرها