متزوجه صارلي شهر و تعبت حيل نت اهله

[petita]

سلام عليكم
بنات شلونكم

اول شي انا مو صاحبت الموضوع
هذي سالفت رفيجتي و قالتلي اكتبها لانه صج الوضع لا يطااااق
اخليكم تقرون الموضوع بلسانها


سلام عليكم بنات
مادري شقول بصراحه بس احس صج زهقت
بقولكم من اول شي
الله يسلمكم ريلي وايد زين بس اللي ذابحني فيه اهله
بحياتي ما شفت ناس تتدخل جذي
شكل خياااااااالي

اول ما تقدمو و كل شي اهو قالي انا كنت بعطيج مهر 9 بس امي قالت لا وايد و خذت منهم و شرت الدبل و الشبكه !!
شرت و انا ما ادري
و جهزت من فلوس المهر الدزه كلها
و قالتله شيل منهم وايد معطيها فلوس
و عطاني بس 4 تخيلو
انا طبعن ما كنت ادري لما ملجنه دريت
اهو يسولف عفوي بس من اول شي حسيت انه اهله نسووره
و انا طبعي حياوي حيل
ما اتكلم
مفروض انا و اهو انقي الدبل و الشبكه مو اهما !
خلصنا من هل سالفه طلعت سالفت العرس اتفقو اهلي و اهله العرس نص بنص
اول شي تحلطمو بس بعدين اقتنعو
انا دفعت العربون الحجز و كل شي
قلته وين تبي عرسنا
قال المكان اللي انتي تبينه حبيبتي هذا يومج و انتي تدللين
قلتله اوكي
حجزت و كل شي طلع تكلفته 10 الاف
دقيت عليه شوفوو ما سويت شي من وراه
قلتله عادي تدفع انت 5؟
قال اي اكيد عادي قلتلج انتي تدللي
قلت اوكي
عبالكم خلوه ؟!
يوم صارت الصجيه قالوله لا تدفع وراك سفر و تاثيث شقه
جان يقولي ميخالف خلي ابوج يدفع
انا انصدمتتتت الحين حجزت انا !
قلت مو مشكله
الله يغنني ابوي موجود و ابوي دفع كل شي
و هم طوفت

نيي على سالفت السكن
قال وين تبين ؟
قتله ودي بالقادسيه ابي قريب عند امي
قالي اوكي
قلتله اذا ما تقدر عادي
قال لا شدعوا انتي تدرين معاشي راهي
اهو معاشه قوي
قلتله اوكي
فجاه قال شرايج بالمهبوله ؟!!
قلتله بعيده ليش؟
قال احسن عشان ما نقط وايد و يكفونه حق السفر قلت اوكي
كلمته عن سالفت اهله اللي كل شوي متليقفين
قالي والله اهما مستانسن قلتله اوكي بس عاد لازم انا و انت لنا راي مو كله رايهم اهمه
قال اوكي
طبعن عبالكم سافرت ؟
لا ما سافرت
امه ما خلته!
قالتله لا تقط فلوسك و انا ابوي الحمدالله عنده خير
بس بنات لي متى ابوي ابوي
اناا تزوجت ريلي مسوول عني مو ابوي!
امه كله تقوله خل ابوها يتكفل
امبيه والله فشله
ريلي موجود و كل شوي طالبه من ابوي
يوم بنأثث
قلتله عفيه خل نروح بروحنا مايصييييييير ودي بروحنا
هذي شقتنا
فال اوكي
يا بيتنا ودق قال يله حبيبتي طلعي عندي لج مفاجاه
ستانست طلعت بسرعه والاامه بلسياره !!
والله ركبت وره و دمةعي 4 4
بنات ما عندي خصوصيه مع ريلي
يقولي شرايج ؟امي قالت ودها اهي تختار غرفت نومنا لانه ذوقها حلو

والله بنات ان عروس وضايق خلقي
الكل عباله مدلله و مدلعني
و مابي اقول حقهم عن ريلي
ما احب احد يقول شي عنه
بس شسوي بنات
احس انا متزوجه امه مو اهوه
والله اكتب و قلبي يعورني تعبت منهم والله
لا تقولولي مسكينه
لا مو مسكينه
مفروض تدري انا عروس و ابي خصوصيه مع ريلي
مو كل شي اهيا تسويلنا اياه

قولوي شسوي والله مادري شسوي
مابي اخسر ريلي زين
بس اذا استمر الوضع جذي راح نتطلق ​

 

[ام فواازي]

وليش ماتحاجين زوجج و تفهمينه هذه اول حياتج ولازم تتفقون عليها ومبين زوجج مو عسر يعني بتقدرين تاثرين عليه

 

[شادن33]

حبيبتي لاتحطين ابالج انه من صج اهله مسيطرين عليه
ومع الوقت تقدرين تغيرين فيه توج بسم الله شهر
ولاتطلبين من ابوج شي خلااااص

 

[رنيم الروح]

حبيبتي شكل زوجك طيب وامه عارفه الطريقه الي تدخل عليه منها يعني امه ماتعطيه الامر مباشر لا تجيه بطريقة الحب وانها ضعيفه وخايفه عليه ويمكن اهو من حبه لها يطيع كلامها من خير مايحس انه اهي المصيطره
الموضوع حبيبتي يبي صبر ويبي منك محاولات مو على طول بيتغير

 

[رق رق]

اندمجت وايد بالموضوع ، بس لما وصلت عند المفاجأه مت مت من ضحك اتخيلتج طالعه وملهوفه ومليون شغله اببالج لووووول ، تطلعين بره ولا امه مرتزه لوووووول .
امبييه مو قصدي بس سج ضحكني .
والله انا في هالمشاكل ماادري صراحه شنو اسوي احس ماكو حل لها . يعني انتي عندهم بقولج روحي شقه .
بس انتي ابشقه ، واذا علي امه كل معاه يمكن مو قصدها مستانسه وتبي اتكون معاه كل مكان مفتكره انها تبي اتساعدكم بس مو حاسه انها صاكه عليكم .
ان شاء الله ازمه واتعدي واتكون بس في هالفتره .
واذا علي المهر يمكن قصدها ان يعطيج ٤ والباجي يأثث فيه الشقه هذا قصدها .
صراحه كثر مااقدر قاعده افكر ابايجابيات ، لان في وايد ناس تفهمني غلط وتظلمني ، فماابي احد يكون ابمكاني .

 

[Tom ♥ Jerry]

.


:\

وااي صججج وضع لا يطااق !

حبيبتي اول شي تنسا سالفه المهر و الشبكه و مادري شنو
الي راح راح ..

الحين انيي حق السوالف الي حاليا قاعده تصير
لازم الريال ياخذ موقف جدا جاد في هالموضوع اهوة يكلم امه
و يخليها ما تتدخل بحياتكم .. اعرف شخص امه كانت تتدخل بحياته مع زوجته
على يوم خلاص فهمها و قالها انا و مرتي كيفنا هاذي حياتنا و احنا
انسقها على الي نبي .. و من يومها امه ما تتدخل كلش !
مرات الامهات يحتاجون جم كلمه بالعضم بس ما يسكت عنها و يخليها تتمادى
بعدين يقول امي و امي و امي .، امك على عيني و راسي
بس محد يحب انه يتدخلون بحياته الخاصه ..
انتي باجر ليه رحتي شقتج ويا ريلج فهميه انه الحياه الزوجيه تعاون
و فوق انها تعاون خصصصصصصوصيه ..
قوليله انا مابي ادخل اهلي باي شي يصير بيني و بينك .. و مشاكلنا نحلها بروحنا
و انتا نفس الشي لا تدخل اهلك .. لا تخلي المشاكل و السوالف الي تصير بيني و بينك
تتعدى حدود الشقه .. احنا ننفع عمرنا مو الناس ينفعونا !

لازم اهوة بعد يكون عنده راي جاد و شخصيه قوية
حسيته شوي ضعيف الشخصية جدام امه و كل شي تقوله له اوكي !
هاذا خطا مو على حساب تعاسه مرته ..
يطيع امه و يحترمها مو ما يطيعها .. بس حياته مع مرته خط احمر محد يتعداها
لازم اهوة يفهم هالكلام .. الحل بايده :*

 

[الجوهرا]

اب اب اب

 

[قلب طفـــله]

بصراحه الله يكون بعونها ر فيجتج ! اوف ارتفع ضغطي شهالناس شلهم خص حاولي تفهمينه شخصيته وايد ضعيفه لازم يكون له راي اه عندنا وعندج خير قلنا نصير ظيبين بس مولهادرجه امه ع العين والراس بس مو لازم بكل شي توله يطيعها لازم يكون له راي واذا هو زين ياقلبي تحملي لجل عين تكرم مدينه والله يوفقج ويفك كربتج =)

 

[اميره1980]

ريلها شخصيته ضعيفة و كلمة توديه و تجيبه و مو شرط كلام امه او اهله حتى انتي تقدير تمشينه
هو شكله يمشي مع آخر راي بالسالفة و يكمل عليها
الحل انها تحط حدود لهالموضوع و تفرض شخصيتها
لو انا مثلا مكانها و يحزة اختيار غرفة النوم اختار اللي ابيه انا عن عمد و عناد علشان تعرف ان لي شخصيتي المستقلة من البداية و اذا سكت بالبداية كلوني

 

[om-3azo-83z]

صار فيني نفسج بالضبط اكبر غلط سويتيه انج قاعده تعودينه ابووووج يصرف عليج لا تعودينه من يقول ابوج و قوليله ريلي مسؤول عني !
و سالفه امه والله العظيم ماكو حل الا ان اهوا يكلم امه انا نفسج بالضبط جربت كل شي و مت من البجي ماكو فايده الا لما كلمهم كلش كلش قطيها بذرابه مو عاجبتني الغرررررررررفه ولا تعودينه يعطيج كلمه و يغيرها بعدين و علميه لا يقول كل شي حق اهله !! كلميه باسلوب جدي و بدون هواش

 

[بولندية]

البنات كفووو وفووو الله يعينج

بداية السالفة حسبالي امج اللي قالت وايد 9 استغربت ههههه

الله يعينج و يسخرهم لج يارب

 

[قمرية الفيس]

صراحة الله يعينج عاد أنا كله ولا أحد يتدخل بخصوصياتي
بس مو معنا هذا اني أخرب بيتي وخسر الرجال
لا شوفيلج صرفة وقفيهم عن حدهم لكن بكل أدب وحكمة

 

[الاء حسين]

الله يعينها

 

[أم غيثة]

الله يعينج صراحه انتي غلطتي يوم وافقتي انه يغير رايه بالمواقف الي صارت قبل مثل سالفة العرس دام انكم متفقين على شي ما يصير يغير رايه و يقول ابوج يدفع عيب و ما يستوي و من حقج تضايقين من الي صار بسبة الشبكة و الباجي الحين حبيبتي الي صار صار جهزي نفسيتج و نفسج حق الي جاي خلج ذكية و اعرفي شلون تكسبي زوجج حبيبتي اولا امدحي أمه جدامه و تعاملي وياها بكل دبلوماسية و لا تبيني انج مضايقه من كل الي صار لأنه الي صار صاااااار و ما راح يتغير شي بس الي جاي انتي الي لازم تتحكمي فيه تقربي من زوجج وايد بهالفترة يعني مسجات حلوة اسلوب حلو بالمكالمات تكلمي وياه عن احياتكم الجايه ان شاء الله و شلون تتمنينها يعني عيشيه بجو رومانسي و حلو و خليه طاااااير و طبعا كل شوي دخلي بالكلام انتي شو الي تبينه بالضبط مثلا قوليله حبيبي اتريا اليوم الي نخلص فيه فرش شقتنا و نكون تحت سقف واحد الخ الخ الخ و تخيلت يكون لنا غرفه مثلا بهاللون و اثاثها هالشكل او لما تكونو قاعدين تنقون الاثاث اهمسي باذنه خاطري بهاي او هاي
خلج ذكييييييييييييييية و لا تعصبي و لا تبيني انج مضايقه بالنسبه له بالهفنرة الاولوية حق امه للحين ما تعود عليج و على وجودج بحياته يعدين صدقيني اذا تعاملج معاه زين راح يكون الراي الاول و الاخير لج حتى بالامور الي ما تخصج
المهم الصبررررررررررر و الحيلة و امه لا تتكلمين عنها الا بالزين
و الله يسعدج و يهنيج و لا تجيبي طاري الطلاق مو بزين تفكري بالانفصال من اول مشكلة بحياتج وياه فكري شلون تكسبيه و شلون تخليه يتعلق فيج اكثر و اكثر
و اسفه اذا طولت

 

[الزيـــــ^^ـــــن]

شوفي حبيبتي .. دامج انتي تزوجتي ..وخلصتي من لوويه العرس وتأثيث الشقه .. خلاص انسي اللي راح .. يمكن امه فرحانه فيه ..؟!
لاتضنين ضن السوء.. ترا هذي امه قبل لايكون زووجج لها حق عليه.. واهو طلع من بطنها.. لازم تشاركه فرحته وتزهب لعرسه..
لاتزعلين من كلامي يمكن يضايقج شوي بس هذا الواقع.. المهم مثل ماقلتلج انسي اللي راح ولاتفكرين فيه .. وافتحي صفحه جديده
دامج مستقله بشقه برووحج هني الوضع غييييير وانتي توج لج شهر ... يعني عودي الريال ع اطباعج وخليه اهو اللي يصرف علييييج
وقوليله حياتنا الخاصه مابي احد يدخل فيها ،، بس باسلوب حلوو اووكي.. والله يوفقج ويسخره لج ويرزقج الذريه الصالحه
هذا رأيي وياليت تتقبلينه

 

[مناير ...!]

اول شي شيلي ايدج
شنو ابوج يأثث
وماعليه من خير ابوج ماتزوج الاهو قد المسئوليه
خير ابوي شحقه خذيتني جان مخليني بعزي ودلالي
وقعدي معاه وقولي كل الي بخاطرج

 

[دلوعة أبوهآ]

آلله يعينهآ

 

[faty87]

انا اقولك نفس كلام الاخت
في كثير منا يمرون بنفس الشي ولا تفكرين انك الوحيدة
انا جربت كثير من الطرق وفعلا الطريقة الوحيدة
انك تملكين زوجج بالكلام الحلو والتصرف الحلو
وعلى فكرة امه تعمل نفس الطريقة وزوجج حيصير ملكك
لما تبين شي دلعينه وايد واطلبي منه واهو حينفذ
ولا تطلبين من ابوك اي شي
ولا تفاتحينه بموضوع انه اهو يقول لامه لا تتدخل ما انصحك
احكي عن امه دايما بالخير ترى ان قلتي ولو مرة عنها شي مو خير
ماينساه ويذكرك فيه دائما
انتي بطريقتك خليه ينفذ كلامك
ومن البداية اهون بكثير
​

 

[£ الحلوة المزيونة £]

والله جنج تتحجين عن حالتي


حتى بيوم الملجة مجابلتنا اعيزوا اهلي يقولولها خلهم بروحهم


ماكو عمك اصمخ


بس نصيحة من اخت مجربة


لا تسمحين للوضع هذا من البداية لأنج ان صبرتي راح تزيد


بيني حق ريلج انج ما تحبين هالطبع


ابدي نفسي اذا شفتي شي ما يعجبج


واذا ما فهم او استغبا

كلميه بهدوء بوقت مزاجه رايق


لأني اعاني والله مابيج تصيرين مثلي


في ناس ما تيي بالطيب



الطيب مع الطيب تجارة والطيب مع الردي خسارة

 

[أإلع ـشق دلع ـهـأإ]

العرس آصلآ العروسه مآتقط شي فيه كله ع الرجل آهو خطبني وآهو يسوي العرس

بس بصرآحه شكل زوجج طبب بس آهله حييييل يتدخلووون

مآدري شقولج

الله يعينج