متزوجة حديثا ومشكلتي مع اهل زوجي

[كريزية]

السلام عليكم شلونكم بنات ان شاء الله بخير حبيباتي :eh_s(17):

انا حابة اطرح مشكلتي ... انا توني متزوجة وكنت اعرف زوجي قبل الزواج بجم شهر

عن طريق الجامعة بينا نظرات وما طول بفترة قصيرة خطبني والحمدلله

بس بعد الزواج انصدمت انه وايد وايد عصبي وانا احاول اتعامل معاه بطريقه السكوت والحقران لين يطخ .. صج بعد الزواج تطلع البلاوي :eh_s(4):

ومشاكلي معاه لما يفقد اعصابه واقوله شوي شوي علي مو متعودة عالوضع للحين

هذا كله يهووووووووووون .... الحين المصيبة اكتشفت بعد الزواج انه خذاني غصب عن ابوه

( ابوه من النظام اللي لازم اهل بطنها ويفرق بين البدو والحضر والمذاهب ) يعني التفكير القديم

ونفس الشي امه بس اقل من ابوه بهالسوالف .... انا ماني عارفة اتعامل معاهم شلون

مع العلم اني ساكنة بغرفة فوق معاه ودارنا جدام داارهم :eh_s(2):

وقت الغدا نطلب من مطعم او تيبلنا الخدامة اكلنا فوق واهما تحت

وقت العزايم استحي انزل ... بس اسلم واصعد وايد وايد متحسسة منهم واحسهم ما يبوني

وخواته حيل علاقتي رسمية معاهم


ابي اعرف شلون اتعامل معاهم ؟؟؟؟؟؟ تكفوووون انا مالي خبرة كلش

 

[Miss^NeozZ]

ممممممممممم :/ خلج على طبيعتج وريلج لي عصب سكتي عنه مو بمعنى تسكتين انه تطنشينه لا ديري بالج يفور عليج


بس ان لاتراددينه بعدين لما يطخ فتحي الموضوع بكل هدوء وناقشيه

اما اهله خلج طبيعيه وياهم عادي سولفي وضحكي بس لاتطيحين الميانه لا يفهمونج غلط وساعتها ماتفتكين منهم :/

 

[فدوووو]

مثل ماقالت اللي قبلي

 

[انسام الكويت]

الابو ماينلام حلات الثوب رقعته منه وفيه

يعني مثلا احنا مانرضى ناخذ لأخونا وحده غير

عن مذهبنا او غيره ناخذ من اللي نعرفه ومنا فينا وايد احسن

وهالشي ماهو تفكير قديم ورجعي شي عادي الاغلبيه يمشون على هالموال

والحين خلاص خذاج وصرتي مرت ولدهم فا لاتحطين براسج انهم مايبونج وغيره

مفروض تكسبينهم يعني نزلي وسولفي وغيري جو وجيسي النبض ان شفتي منهم

خير وطيبين فالحمدالله من صالحج واذا حسيتي العكس خلج رسميه بس لانقاطعينهم

و لي صارت عزومه وقفي مع ام ريلج هالشي بيونسها وريلج عصبي هالشي هاذا طبع

فيه مانقدرين تغيرينه لي عصب انتي سكتي ولاتناقشين بعدين لي طخ بيحس انه زادها وياج

 

[زوجة عزيز]

حاولي تكسبين محبة اهله حاولي منتي خسرانه شي عامليهم مثل اهلج وتقربي منهم مثل ماقلتي انتي توج في البدايه يعني اهم مايعرفونج عدل بس اذا عرفوج بتصيرين مثل بنتهم وحتى لو لاسمح الله ريلج عصب عليج اهم بيقولون له حط بالك على مرتك وبيوصونه عليج والله يسعدج حبيبتي

 

[PuPa^^SWeeT]

نزلي عندهم نزلة محددة ساعة ولا ساعتين

وانتي داشة البيت ييبي هدية للام


تهادو تحابو


عمج اذا قط كلمة بلعيها و لاتقولين حق ريلج

خلييج كبيرة عند ريلج يحط على راسه و اذا حطج بيقولهم انه اختياره صح


انا ما اايد الزواج بغير رضا الاهل


بس سبحان الله ربج قاسملج هالريال و هالحموولة

شوي شوي بيحبونج

ايي اذا طلبتوو مطعم سالي قبل تبوون ويانا انتعشى مع بعض


الغدا حاولي اذا ماعلييج تعب انج تنزلين شوي عالغدا


اتغدين وياهم


خلييج هادية وزني كلمتج

و حمواتج مو اتقربين منهم حييل بس همن حاولي اتلينيين العلاقة بينكم

خليهم يعرفون طينتج و معدنج


وانج رغم انج مو من صوبهم الا انج احلى شي صار لهم و لولدهم




بالنسبة لريلج حاولي اتحملين عصبيته

وتسكتيين

بيطخ لما اتشوفين تستكتين عنه


وموفقة بحياتج

 

[مطيرية متواضعة]

الحين كل بيت فية مثل حالتج

المشكلة بيدج حلها وهي انج تكونين متسامحة اكثر وماتفكرين بالمشكلة تخلينها للايام تصلحها

وضعج ممتاز بالنسبة للكثير غيرج

 

[بنت حظوظ]

خلج رسمية معاهم شلج بالمشاكل

 

[تحت .. المطر]

شوفي يالغاليه نزلي عن ام ريلج وسولفي معاااها واذا يابوا القهوه والجاي انتي قهويهااا ولا مره العصر طلبي حلو وسوي القهوه واذا ماتعرفين خلي الخدامه تسوي القهوه وزهبي وقعدي عمتج

وسالفه انج تطلبين مطعم بروحكم فشله ترى يعني بتطلبون دقي على عمتج قولي لها بنطلب مطعم شطلب لج معااااي؟؟
وبالعزااايم ضروري تنزلين وتقعدين معااااهم وتساعدينهم عشان تبينين لام ريلج انج سنعه وتعرفين الاصول

وضروري تنزلين كل يوم بس لا تقطين الميانه حيل يعني سولفي وضحكي معاااهم بس لاتدشين بالعميق
واي بعد شوفي شنو طبعهم يعني لبسهم وجدي يعني اذا انتي ستايلج فري وهم متحفظين لما تنزلين لهم لبسي شي يعجبهم ويعجب ابوه
بس اذا بتطلعين على راااحتج لبسي اللي يريحج

ولاتنسين الهدااااياااا واذا سمعتي كلمه مني مناك طوفي كبار وماااعليهم شرهااا

 

[دانة قطـر]

الف مبرووك على الزواج والله يسعدج ويرزقج الذرية الصالحة
الحل لمشكلتج انج تحاووليين كثر ماتقدريين انج تكسبينهم بالحب والاحترام والتقدير صدقيني مع الايام شوي شوي راح يتغيير رايهم فيج
هم الحين مب متقبليينج لولدهم بس انتي غيري يعني نزلي تغدي وياهم شاركيهم قعدي وياهم دخلي المطبخ سوي لهم حلو وغيرة وخل يسمعوون منج احلى كلام واي كلمة تسمعينها تجرحج طنشي والله العظيم راح تشوفيين اشلون راح يتغيروون معاج للأفضل
الله يوفقج بحياتج الجديدة

 

[رنيم الروح]

حبيبتي صدقيني امه وابوه تقدرين تكسبينهم بالكلام الحلو و الاسلوب والطاعه لهم والذرابه وافضل شي تنادينهم يمه ويبه اشوي اشوي راح تكسبينهم صح اول مره مراح تضبط بس حاولي وبالنسبه حق خواته اذا شافو ابوه وامه راضين راح يتغيرون وصدقيني عن تجربة وحده من صديقاتي كانوا اهله رافضينها والحين اتقول مايرضون علي بشي

 

[فاطمه محمد]

واي الحموله قطييييعه متى نفتك منهم

 

[نجدية2011]

الحين وش لك بالماضي
خلاص رسميا انتي زوجة ولدهم
زوجك خلص دوره بالزواج!
بقى انتي اكسبي اهلللللله
تقربي من ابوه وامه
واقولك اياااااااه صريحة ياااااااااااااااما شفنا حموله بداية زواج ولدهم مايحبون زوجته
وبعد كم شهرررررررر تغيروا صاروا مايرضون عليها وشالوها فوق راسهم يعد
وصارت هي الداشة والباقي برا

 

[دلوعة صلوح]

مهما اتسوين مايعجبهم فخليج عادى احسن لج.

 

[اسيل الصمت]

الله يعييينج

ماقصروا البنات ,,

 

[درة أهل الطولات]

صيري اجتماعية انتي عازلة روحج

 

[سمو ذاااتي]

عصبي انا ريلي عصبي اول الايام حسيت اني مستحيل اكمل معاها لين قعدنا وتفهمنا وعرفتله ما اعانده واسايره والامور اللي يقول فيها لا اخذها منه بالمساير والدلع

اما اهله انا رسميه معاهم احسهم واحسن لي

 

[اسبــانيــة]

دام ماخذج غصب ف غصبا عليج تشترين خاطرهم


وتتحملين عصبية ريلج


ونزلي وجابليهم وخليج اجتماعيه وتكانة


وحاولي انج تتحملين كل شي ايج منهم


يمكن اتغير عصبيته لي شافج مع اهله

 

[أبيك وحدك]

البناات ماشالله كفوو و فوو

تقرربي منهم و خلهم يعرفوونج .. و أنزلي عندهم و أقعدي مع عمتج سسولفي معاها خلج سنعه هبت ريح !!
و زووجج لماا تششوفينه عصب أسسكتي عنه و قووله أنشالله وتاامر و بعدهاا كلميه بأسسلووب حلوو
و دلعيييه و هالحركاات و بوسه مني و بوسه منااك ..... خليه يعرف أنه أبووه عررف يختاار

 

[FeShinGoOo]

مادري شقولج والله العاده ابو الزوج يكون حنون عالجنات