متزوجة تعالي تعالي،بسرعه .. سوالف تايم

[عروسة فوشيآ]

مرحبا حبيبات قلبي

شلونكم

اليوم موضوعي سموه فرفشة فضفضة اي شي




ابي اعرف من كل متزوجة


شلون تتاقلمين مع سوالف الرياييل المليقه من ربعهم او اهلهم

واللي عندها موقف او تجربه تقولها



يعني سوالف ربع ريلج بالقروب اللي يدز قصايد بالاجنبيات او مغربيات او او





يعني مثال ريلي ذاك اليوم يقرا محادثة بالقروب


اللي يقول اتحداك يافلان تتزوج الثانية واللي يقول اخذ مغربية مهرها شويه

المهم كل واحد يشيش الثاني




انا منقهرة من الداخل بس قعدت اضحك مع ريلي كانه الموضوع مو هامني





يعني كل وحدة تفضفض شنو تسوين بهالمواقف اكيد كل وحدة مرت بموقف


واي حدهم ملاقه الشباب






؟؟؟؟

 

[توتة UAE]

ما يقهرني غير اللي يطرش بيسي متروس بنّات بنات !!
انصدمت لا وعند بن حاطين بين قوسين دلوعة ومادري شو
يعني ملاحظة هذي جذي !! -__- استغفر الله

لا عاد القروب كل واحد يحط صورة ربيعته ويسولفون
عنهم ! انا أعرف إنه الرياييل يكلمون ويطلعون ويا
بنات بس عاد كل واحد يحط صورة حبيبته والثاني
يقولن عرفنا عليها ونبا نشوفها ! كان شي يديد علي
ف كان يبين على ويهي اني مكتشفة شي يديد وكنت
اطالع وانا ساكتة .. لا تضاربت ولا علقت ع ربعه . .

الحمد لله بعد فترة شفت إنه طلع من القروب قال
لانه جرج فونه يخلص بسرعة وما اشوفه مهتم * مستااانسة *

 

[زوجة عزيز]

الحمدلله مامريت بهالموقف

 

[عروسة فوشيآ]

توته واي موقفج يحر بس الحمدلله طلع منه



شيختهم صح معاج حق هذي قروبات الشباب بس هالضحك والمفروض الوحدة ماتكبر الموضوع وتعطي الثقة بزوجها

انا عن نفسي اضحك عادي معاه ولا اعلق بس هم هالشي يحر واحنا نظرتنا لمن نعلق عالممثلين غير نظرة الشباب لحريم ترا

لان في رياييل تقارن بين زوجاتهم وبين اللي يشوفونهم

بس الحمدلله الله يبعد ريايلنا عن بنات الحرام ولايشوفون غيرنا




زوجه عزيز
مشكورة عالرد واحسن لج لاتشوفين محادثات القروبات حدها ملاقه لووول

 

[غلايو]

عيل ربي لك الحمد والشكر

ربع ريلي ابداً مو جذي

صح في كم واحد

لكن من عرسنا واذا حد طرش له شي يتصل له ويقوله عيب و خاف الله واذا تبي تطرش لربعك احذفني لان مايشرفني ربيعي يطرش لي هالامور

ف الحمدالله كل سوالفهم
كوره
فلم يديد فالسينما
اخبار الاجهزه
مطاعم يديده و مقاهي و سيايرررر


ف الحمدالله

 

[M!SS.LOBY]

لا حول ولاقوة الا بالله

هذي سوالف الرياييل ما عندهم شئ بعضهم الله يهديهم

 

[((shoOoshoOo))]

عشان جذي ما حب اقراااهم

والريال اذا علاقته بربه قويه ماتغره هالاشكال

 

[عروسة فوشيآ]

انا ريلي اهو يقرا لي لووووول


مو انا اقراهم


بس شنسوي مثل ماتقولون فراغة بعض الشباب


الله يهديهم

 

[عـيّــآره]

انا صدت ريلي ظايف بنات ويسولفون مع بعض راقبته تقريبا شهرين ونص

في بدايه الشهر الثالث خذت تلفونه قدامه وشفت القروب وعصبت

عبالي حذفهم لاني حذرته من قبل يمسحهم وهو يخاف مني وايد ويسمع كلامي ويحسب

لي اللللللللف حسااااااااب

عاد اقولج يووم عصبت دخلت المطبخ وقعدت ادور على شي عشان اعاقبه خذت

السجين ورحت له وقصيت اصابعه عشان يتادب

لانه عيب اللي يسويه غلط كبير بحقي



^^^

هكذا هم النســاء



















على فكره مو متزوجه قاعده اعلم بعض البنات كيف يكون فن تاليف القصص


هههههههههههه دعابه دعابه ​

 

[موفاهمة شي]

الحمدالله ريلي مو من هالنوعية
ساعات اذا يتسبح اخذ التلفون و اقرا سوالفهم كل عن المباراة و الشغل و سوالف عادية كلش
اللهم صلي على محمد و آل محمد

 

[بوح الحنين]

انا مدري وشفيه جواله ولاحب ادري بينه وبين ربه

 

[زبــــــــدة]

لووول ماصارت فيني بس عادي اطنش ادري فيهم سخيفين

اصلا اقعد انرفزة باحد اهوا يكرهه

 

[Pinky -cat]

الشباب يحبون هالسوالف وعندهم عادية ومشكلة لى صار واحد من ربع الزوج مو متزوج وعايش الحياة صياعه وهياته
وبدال الفون 3 هني يحرون صج


انا بعد ريلي مرات يقولي فلان يقولي يالله تعال شعندك قاعد بالبيت هالشي عقب الغدا انا هني سويت روحي عادي قتله
قوله بطالع التلفزيون شوي وانا منقهرة بالله واحد متزوج شنو شعندك قاعد اخاف انا ريل قنفة ولا ميري شغلتي
بس اسوي اكل ياكل ويمشي ، في رياييل ما تستحي الصراحة

بس طبعا غلط انه ما نساير الموضوع ونعصب لان بالطريقة هاذي مارح يكون صريح وما رح يقول اي شي واحنا الخسرانين
خلينا نحسسه انه عادي وقول عشان يكون كل شي واضح بدال الغموض وما تدرين وين الله قاطج

 

[Pinky -cat]

اب اب اب

متابعة سوالفكم وثانكس حبوبه على الموضوع

 

[عروسة فوشيآ]

زبدة انا جذي مرات انرفزه بسوالف تغثه


بينكي كات

ههههههههههه اي الله معاج حق مايبطون الجبد الا اللي مو متزوجين




ومثل ماقلتي الوحدة لازم ماتعصب او تتنرفز عشان تخلي ريلها مايخش عنها شي





يالله وين الباجي

 

[امـ خــزامـى]

بالنسبه لي حاليا ماافتح ولا ادري وش بتليفوونه بس ناوويه افتحه <<فيني هووشه

بس على العموووم هذي سوالفهم بكل مكاااان يعني غلطط اللي تزعل وتصررخ

لكن انا بغير المساار شوي ابي تعليقاتكم
اللي بالقروبات يتكلم وبالشارع يبصبص و يتكلم وبالدوانيه وبالسياره يتلفت و وبكل مكاااان يتكلم ويمدددح بهالحريم
ويتكلم عنهم بشهوانيه

وبالبيت الاقوووطه المغمضه البريئيه اللي مايعرف شي وبحاله وكلامه ذووووق !!!!يعني متنااااقض

 

[شادن33]

اهو ساعات يقول سوالفهم اللي بالتويتر والبي بي يعني على مصخره اقعد اضحك وياه واذا حرتني سالفه اقوم انرفزه واستهبل لين تنقلب هوووووشه هههههه
هذا قبل
الحين عقلت واحترمت نفسي مالي خلق سوالفهم !!!

 

[سوزي الشرقية]

ماعندنا هالسوالف

 

[عروسة فوشيآ]

ام خزامى
اتوقع في شباب يسوون نفسهم بريئين

وهم يعرفون كل شي

 

[صفحه بيضه]

انا اموت قهر احتر تشب حريجه في قلبي
لما
ا شوف جذي بقروب ربع زوجي كل ماراح يتسبح افتح تلفون واشوف
طبعا صوره بنات حلوين بس من غير مايعلقون بس كله صور والمشكله كلهم متزوجين
بس اسكت اخلي الهواش حق السوالف الكبيره مثلا اذا هو علق علي الصوره وتغزل في وحده او يكلم بنت هني عاد ماسكت