متزوجات ساعدوني

[مرينا 23]

صباح الخير

خواتي انا طلعت الاربعين قبل اسبوع ولحد الحين فيني دم بس خفيف يوقف يومين ويرد بس جم نقطه

عادي يصير بيني وبين زوجي ال....... والالا

ومستغربه ليش لحد الحين فيني دم

 

[Cute mama]

امممم اهو طبيعي عقب الاربعين ينزل بعد دم بس مو متأكده جم يوم
نطري ليمن تنظفين عدل احسن اذا طولت معاج السالفه روحي عند دكتورج خليعطيج تحاميل تنزل كل شي او حبوب توقف الدم
​

 

[غرشة عود]

انا كنت نفسج بس تكبيت كبو مكون من قشر بصل ومره ورشاد وحبه سمراء يومين ورى بعض والحمدلله وقف بس انا مو دم لا تكرمين افرازات بنيه

 

[أميرة زوجي أنا]

صلو على النبي للرفع

 

[اشتياق]

اخاف هذي اخت النفاس؟؟
يمكن دورة الاربعين؟؟
اهم شي شوفي القصه البيضا اذا انزلت يعني طهرتي
واتوقع 40 يوم خلاص بعدها استحاضه!
يعني تجوز الصلاة والجماع والله اعلم

 

[زوجة عزيز]

الف الحمدلله على سلامتج وللاسف ماعندي اي فكره بس صبري لين تنظفين احسن لانه يسوي التهابات

 

[أنفاسي دخون]

صح تأكدي يمكن اخت النفاس وانتي ما تدرين

 

[انا لحبيبي .]

الف حمدلله على سلامتك

والله ماعندي فكره ، ان شاء الله البنات يفيدوكي ​

 

[قلبي سلومي]

مدري نطري شوي

الحمدلله عالسلامة