متردده اخذ بنتي أو لأ .؟

[دلع الكون]

شلونكم بنات ... بسافر مع زوجي لندن بتاريخ 11/9 لأن زوجي عنده موعد عند دكتور عيون وبعدين نبي نروح باريس...

السفره كلها 5 ليالي ليلتين لندن و3 ليالي باريس ... متردده اخذ بنتي الكبير عمرها 5 سنوات او اخليها تقعد عند أخوها ...

لما أسألها تقول ما أبي أروح ... وزوجي يقول يخليها بالكويت عشان تطلع مع بنات عمتها وخالتها بالعيد وماتمل هناك من

الطيب والسوق .. والله محتاره لأن حيل متعلقه فيها وتروح معاي كل مكان اذا طلعت .

 

[عيش و مرق]

تبين نصيحتى خليها تونا رادين من السفر لوعو جبدنا اليهال وتعب عليها وبيضيق خلقها مامعاها احد يونسها

 

[أم سيف وسلطان]

خليها عند اخوها وبنات عمهتها وخالتها احسن بتستانس وياهم

 

[davidoff]

لالالالالالالالالالالالالا انا ماانصحج تاخذينها وراكم مواعيد طبيب عيون ونطره شيصبرها بنتج على النطره .....

واصلا انتى اعتبريها سفره شهر العسل خاصه انكم بتروحون احلى الاماكن خو كلها خمس ليال وراده بالسلامه انشالله

 

[دلع الكون]

يسلموووو بنات

 

[ام كوشه منكووشه]

رد : متردده اخذ بنتي أو لأ .؟

حبوبه نصيحه خليها بالكويت دام سفرتكم مومطوله والله راح تتغربل ويضيق خلقها بالسفره طريج بالطياره طويل ومواعيد طبيب و لويه والله يسمح دربكم

 

[كويتيه ذربه]

وانا بعد من راي البنات خليها هني تستانس مع بنات خالتها وعمتها
ليش تاخذينها بالطياره وطريج طويل وتمل
بعدين انتي رايحه بس 5 ايام
اتوقع العيد تستانس هني

 

[دلوعة أبوهآ]

أنا رأيي إنك تخليها
كلها 5 ايام وماتسوى عليكِ
خليها مع اخوها واهلك وانتي روحي استانسي بوقتك ..

 

[شرطيه حلوه]

مدام طلعت منها خليها

 

[ام ريونتي]

نصيحه خليها والله اليهال بالهعمر مو مال سفر خليها اهني تستانس
وانا ماحب اخذ ياهل بالسفر لانه راح يزهق ويزهقني معاه

 

[فاقده ابوهاااا]

حرام عليكم لا والله دامج متعلقه فيها اخذيها انتي اصلا راح تتعب نفسيتج سأليني انا ، انا وايد متعلقه بولدي الصغير وسافرت 4 ايام سنغافوره وضيقت خلق ريلي بالحنه وكل شوي ادق عليه واطمن عليه وان شاء الله شهر 9 مسافره المانيا وهالمره باخذهم كلهم باذن الله ولا اقعد احاتييهم بالديره :eh_s(22):

 

[عيون منوعه]

لا حبوبه ما انصحج تاخذينها . . . !

رااااااااااااح تاذيييييييييييييج وايد واايد . .

 

[عطر ايامي]

خليها مدام فيه احد بيمسكها لك وثقه

سفر مع صغار مرهق جدا جدا

 

[حـلا و ذوق]

دام هي راضيه وانتي مب مطولة خليها

لانها لو ملت بتمللكم مع الصياح .. ياهل وينها وين المستشفيات والاسواق

 

[دانه بعين رباني]

انا من راي البنات بعد خليها واقضو احلى شهر عسل كلها خمس ايام استانسي فيهم