مترددة اصارحه او لاا

[samoOor]

السلام عليكم ورحمه الله وبركاته

حبايبي انا تو متملكه من كم شهر .. وتقريبا من سنه اكتشفت انه عندي كسل في الغدة الدرقية

خاااااايف :yaaaaaarb: جداً .. هل لها تأثير على الحمل ؟؟

و شنو تنصحوني .. اقول لخطيبي .. ولا لااا ؟ مرررررررررره متردده :eh_s(11):

ومنو صار معاها نفسي :eh_s(16):

 

[Maryam]

ﻻ تصارحين الناس عندها نقص وعي
راجعي طبيب و بلشي عﻻج و بس

 

[الأبتسامة الدام]

صح كلام اختي مريوم لاتصارحينه ولا يدري بلشي علاج وخلاص

 

[samoOor]

مشكووووورات حبوبات على الرد ..

وحاليا هو الي اعمله .. جالسه اتعالج اخذ حبوب الثايروكسين والدكتور قال الحبوب تستمري عليها مدى الحياة

هنا المشكله ):

بعد الزواج ان شاء الله اذا شاف الحبوب شنو راح اقوله ؟؟

 

[samoOor]

مشكووووورات حبوبات على الرد .. :eh_s(17):

وحاليا هو الي اعمله .. جالسه اتعالج اخذ حبوب الثايروكسين والدكتور قال الحبوب تستمري عليها مدى الحياة

هنا المشكله ):

بعد الزواج ان شاء الله اذا شاف الحبوب شنو راح اقوله ؟؟

 

[حنانو 89]

انا اقول حبيبتي صاريحه وان شاء الله خير احسن من بعدين يقولج ليش ماقلتيلي واذا لكم نصيب بتكملون ان شاء الله...
وتمي عالجي

 

[سعادة قلبي وياه]

الافضل انج تقولين له

 

[نبض قلبي M]

لا تقولين له


لانه مرض بسيط مو خطير ولا معدي عشان تصاريحينه

وروحي للمستشفى وسالني عنه وان شاء الله مااله علاقه بالحمل


جارتنا فيها كسل بالغده الدرقيه والله عندها 3 بنات ولد


عادي ماله علاقه بالحمل لاتخربين علي نفسج

 

[M!ss CoLoRz]

اولا : الله يشافيج إن شالله

ثانيا: لا أختي هالمرض لله الحمد ما يأثر نهائيا على الحمل ولا على زواجج

ثالثا: طبعا وضروري تصارحينه هالمرض لا راح ينقصج ولا راح يزيدج شي خصوصا إنج تاخذين العلاج

كسل الغدة راح يسبب لج مع الأيام زيادة في الوزن فيعني ضروري زوجج يتفهم إن هالشي مو في يدج ويساعدج إنج تسوين لنفسج الوقت عشان تسوين رياضة مثلا.

وبعد ما راح تقدرين تجهدين نفسج وفي ايام بتكونين تعبانة فيعني بعد ضروري يفهم انه الحياة آخذ وعطا وفي هالأيام لازم يساعدج .

راح تصيدج مشاكل هضمية فلما يخاف عليج حزتها ويقول لج قومي المستشفى بتقولين له حبيبي مفاجاة انا فيني الغدة؟؟؟!!!!!!!! هاي اسمه غش وعلى بلاطة

و اكيد بعد في انتفاخ بسيط في رقبتج ، الرياييل عيونهم تتلاقط بييج في يوم ويقول لج ليش انتي هني جذي شكله غريب " ولو انه انتفاخ بسييييييييييييط جدا جدا بس فعلا اهوه غريب" إذا اهوه يعرف عن المرض بنفسه راح يقول لج لا يكون فيج غدة خلنا نروح نكشف .. بعد حزتها بتقولين اي انا فيني وخاشة عليك؟؟!!!!!!!!


نصيحتي لج توكلي على الله وقولي له الصج بطريقة طبيعية هالمرض حاله من حال نقص الخميرة او نقص فيتامين

 

[((غلاي))]

لا حبيبتي مالع داعي
لاغش ولا شي
وااااااااااااااايد فيهم غذه
الغده لا مرض و لاشي
مثل فقر الدم

يعني لو فيج فقر دم بتقوليله؟؟؟؟؟؟؟؟
او بيكون مرض
لا طبعا
شي طبيعي
عادي تاخذين الحبوب و بس

و ماتزيد الوزن
اختي فيها
بالعكس عادي جدا جدا
وتحملين طبيعي دام تاخذين العلاج

الله يوفقج حبيبتي
و يسهل امورج

 

[ظبية بوظبي]

انا اشوف ان لو ما تقولينه احسن بس مب السالفه انش تخشين عنه لا بس لان اصلا هالمرض عادي ما يعطل حياه المصاب به فبتالي ماهو مهم تخبرين زوجش عنه
وترى المشكله فيش انتي الي مكبره حجم هالمرض وبتالي زوجش بيقتنع بهشي
والعكس نفس الشي

ومن ناحيه الحمل ابشرش الوضع عادي وتوها اختي ولدت وهي فيه خمول فالغده وتاخذ علاج
ولا اثر في اخواتي هالمرض وزنهم طبيعي
بس في ناس تاثر على وزنهم وهرموناتهم

 

[سور المدينه]

ماعرف شيء عن المرض
والله يشافيج
بس انا افضل الصراحه بين الزوجين
لانه اكيد بيشوف العلاج
ودام مرض طبيعي على ماقالوا البنات ماعتقد بيغير رايه

 

[ما أروعك!]

عادي حبيتي
انا فيني
وما علمت
وحتى لما عرف بعد الزواج عادي
وعندي عيال وحياتي طبيعية
اعتبريه نقص فيتامين
لا يستحق الذكر
بس تابعي مع دكتور من فترة لاخرى للاطمئنان فقط
مبروك
والله يتمم لج على خير يا رب

 

[Tom ♥ Jerry]

.

صارحيه و عالجي .. مافيها شي ترا

 

[~ بنت الهدى ~]

عادي تصارحينه ولا لأ براحتج

ما احسه مرض خطير او معدي !

 

[shak!shoka]

مستغربه من البنات الي يقولون لا تصارحينه !

لازم يعرف

بلغيه بطريقه عاديه وبكل اريحيه

لان بالمستقبل بتحتاجين مساعدته لازم يكون عارف و متفهم وضعج

 

[دآآآنــه]

احس عادي صارحتيه او لا انا معي و اكل حبوب و الحمد لله حملت و زادت لي الحبوب و الحمد لله كل شي تمام

 

[samoOor]

الله يسسسسسسسعدكم ياعسسولات .. ويفرج هم كل وحده فيكم زي مافرجتو همي بعد الله

كنت متخوفه من حكاية الحمل وانها لها تأثير عليه .. لان كذا سمعت من اغلب الي حواليني

بس الحمد لله بعد استخارة الله .. واستشارتكم اطمنت وقررت باذن الله اصارحه .. واتوكل ع الله واللي ربي كاتبه بيصير



لا اله الا انت سبحانك اني كنت من الظالمين

 

[rose of kw]

لا تقوليله وتعالجي مثل ما قالو الخوات
باجر لا سمح الله يتركج و محد ياكلها غيرج و الناس تتحجى فيج و بسمعتج
وربي يوفقج و يفرحج بعرسج قريب و اعزمينا

 

[M!ss CoLoRz]

وحدة من البنات قالت لو فيها فقر دم ما يصير او ما راح تقول !!!!!!!!!!!!!


شلون ما بتقول عن فقر دم؟؟!!!!!!!!!!!! هاي مرض وراثي وممكن ينتقل للعيال لازم تقول له

وحدته تختلف من شخص لشخص بس عادي الوحدة تقعد اسابيع في المستشفى من هالمرض الله يبعده عن الجميع

وبعدين فحص الزواج بيبين وبيعرف يعني قالت ولا ما قالت بيبين

اما الغدة مو وراثي وفعلا اهوه مو مرض مزمن لأنه اهوه نقص اليود والأعراض تختلف من شخص لثاني

بس لو كان اهوه فيه شي وما قال ما بنخلي كلمة الا وقلناها عنه