متابعين الحقن المجهري

[عيون مبارك]

مرحبا بنات شلونكم
انا يوم الاربعا مسويه ترجيع بس الانتظار ممل وانا اليوم شردت من الغرفه مليت من التسدح ..
وعندي ماشالله عيال كسروا خاطري وانا هادتهم مادري عنهم لان ما اقدر اوديهم عند امي محد يدري اني مسويه انابيب ..
يالله من معاي في نفس المرحله
نبي نوازر بعض
وكل وحده تقول اعراضها ؟
انا فيني تكيس بس وزوجي الحمدلله سليم
و عمري 26

 

[عيون مبارك]

افا مو هذا العشم فيكم

 

[قاهره عذالي]

رد : متابعين الحقن المجهري

حبيبتي كلهم اسبوعين
ريحي نفســـــــــج حيييييل
انتي خساره وتعبانه على العمليه
حاولي تلتزمين بالراحه
والله يرزقج

 

[newq8ia]

انا تلقيح وانطر يوم التحليل يقولون لا تفكرين وانا بموت من التفكير يالله يكتب لنا اللي فيه خير ويرزقنا الذريه الصالحه

 

[iLLuMinaTion]

الله يوفق الجميع

 

[نف نف22]

حبيبتي ميخالف تقوليلنه طريقه العمليه وشلون من بدايتها لي نهايتها انا اسمع عنها وايد بس مو عارفه شنو بالظبط 

 

[عيون مبارك]

مشكورين بنات .. وانا اليوم صارر لي سادس من الترجيع
و حيل تعبانه فيني دوخه و ظهري وايد يعورني بالضبط اخر ظهري
و شد في بطني
الله يكتب اللي فيه الخير
وتخيلوا على اني في اجازه بس الدوام طالبيني بكره اجتماع عاجل
خايفه من الروحه و القعده
قولوا لنا شنو اعراضكم انا حملت مرتين وناسيه الاعراض مالت الحمل شلون

 

[عيون مبارك]

انا تلقيح وانطر يوم التحليل يقولون لا تفكرين وانا بموت من التفكير يالله يكتب لنا اللي فيه خير ويرزقنا الذريه الصالحه

طمنينا عليج اختي

حبيبتي ميخالف تقوليلنه طريقه العمليه وشلون من بدايتها لي نهايتها انا اسمع عنها وايد بس مو عارفه شنو بالظبط 

العمليه سهله وبسيطه انا سويتها بقطر
تروحين لها في اليوم ال 21 من الدوه تعطيج ابره تحضيريه
وعقب تجينها اول ما تنزل الدوره تروحين لها 2 يوم تعطيج منشطات لين ما تكبر البويضه عقب تعطيج ابره تفجيريه وبعدها 36 ساعه تسوي السحب ببنج كامل ما تحسين بشي زوجج يعطيهم العينه بس بعدها تحسين بمغص وشد في بطنج و عقب تكلمينهم تشوفين صار انقسام ولا لا واذا الحمدلله صار يقولون لج تعالي حق الترجيع .طبعا هم يحقنون الحيوان بالبويضه
والترجيع حيل بسيط تدخل انبوبه فيها السائل والبويضات وتخليج بعدها تقريبا ساعه و عق تروحين بيتكم ويببدي الملل والتعب الله لا يضيع تعبنا اشالله
و عقب 14 يوم تحللين و بس

 

[نونه الزعفرانه]

انشالله حامل

 

[عروق التوت]

انا بديت بالابر
والاسبوع الجاي ان شاءالله العمليه
الله يرزقنا اجمعييييييييين

 

[newq8ia]

التلقيح مايسحبون بويضات بس يدخلون انبوب فيه الحيوانت المنويه طبغا بعد التنشيط والتفجير

 

[عيون مبارك]

حبيبتي إحنا نتكلم عن التلقيح المجهري مو الصناعي


بنات جاتني لوعه امس و مصنوعه مو قادره تتنفس مع اني امس بالذات كنت مو مشتتين اكل
غير مغص الدوره والم ظهري وفخوذي واليوم لي سابع




*عروق و زعفرانه منورين

 

[عيون مبارك]

ياربي من الايفون
مشتوتهً=مشتهيه

مقموته = مصنوعه

 

[عيون مبارك]

يالله بنات ليش ماكو تفاعل




التلقيح المجهريisci
الانابيب ivf
التلقيح الصناعيiui

 

[نف نف22]

مشكوووووووره حبيبتي علي التوضيح بس جم ابره تقريبا ونفس الابر العاديه ملووت التلقيح الصناعي وجم كلفتج بالظبط؟

 

[عيون مبارك]

اختي الابر على حسب استجابتج و استجابة المبايض عندج
واما التكلفه فانا مو بالكويت
انا سويتتها بقطر وبحكم زوجي قطري فهي مجانيه بالمستشفى الحكومي



اعراض اليوم حراره بجسمي
وكله احس اني بردانه