متأكدة كويتيات بجاوبوني ولو صار العكس انا بحلق شعري صفر هع

[البركية22]

السلام عليكم ورحمة الله وبركاته

أحلى تحية فأحلى منتدى ع الوجود
اعشقه واعشقكم ماقدر استغنى عنكم ابد
وبس اقطع يومين احس أني أتلهىف ارجع وأشوف كل المواضيع الروووووووعة

المهم حبيباتي لأنكم جميلات وإنيقات مستحيييييل مالقى جواب عندكم لان أنتو أعرفكم باحثااات عن الجمال

عندي مشكلتين مع شعري

اول وحدة ان شعري بعد السشوار وايد ينقش يصير جنة مقشة الساحرة الطائرة ويفشلني فالخفلات :dddds:
ابي طريقة قبل أوبعد السشوار او رش او اي شي يمنع هاي المشكلة



المشكلة الثانية وايد مارقتني صراحة :gr4uu::eh_s(7):
ان شعري خفيف من جدام وطبعا عارفين اكثر التسريحات يبالها بف وحجم للشعر من جدام حتى بدون شي لما أفل شعري احسه لازق بالفروة
ف ابي طريقة غير البف سبري او بودرة او اي شي مجرب يعطي حجم للشعر بطون بف وتنتيف


بنتظر ردود والموس فيدي لو ماجاوبتو شعري صفر ع طول هههههههههه
قولو محد خسران غيرج

طبعا امزح

بنات انتظروني قريب بنزل تجاربي لحبوب تكبير الموخرة وملصقات كرست:eh_s(7)::tek:


سلام لاحلى كويتيات
أختكم من الامارات
البركية

 

[نعومة88]

حق شعرج عقب ماتغسلينه حطيله حمام زيت وعقب الاستشوار سيرم وااايد يسنع الشعر خاصه اذا كان ناشف..

 

[البركية22]

شكرًا نعومة

وين البقية

يوجعني لازم تفشلوتي

 

[PuPa^^SWeeT]

تبييينه يصيير ناعم مو نافش استخدمي سيروم من لوريال للتمليس حطيه بالاطراف




و بالنسبة لخفة الشعر عندج امبولات للشعر بالصيدلية


روحي الجلدية و سالي الدكتووورة افضل

 

[البركية22]

حبيباتي مابي طريقة تكثف الشعر ابي طريقة تلاعب اي شي لو بستعمل دوا بنطر شهوووور وسنين حتى يغلض واكيد انا مهتمه فيه لكن ابي طريقة تبين انه غليظ وفيه حجم من جدام

 

[مشاعر مخمليه]

نفس المشكله
اب لعيونك

 

[الأميرة جوري]

لرفع

 

[بنت^كآليفورنيآ]

اب اب

 

[Uou0Uo]

حبيبتي للشعر بعد الاستشوار مجرررب سيروم كرستال سائل شفاااف خذي شوي و على الشعر تبين قبل الاستشوار حطي ع كل خصله واستشوري تبين بعده حطي ع كل الشعر
وللتكثيف ممكن تفرقينه بالعرض وتنفشينه بالمشط وممكن تقصين لك غرة كثيفه ونصها رجعيها لورى ونصها لقدام بس اذا شعرك طويل يمكن مايجي الشكل حلو بس لو قصير بيكون كأنه قصه جديده
واذا جيتي تستشورين اللي قدام استشوريه ع قدام عشان اذا رجعتيه يكون منفوخ شوي او حتى بدون الاستشوار افرقي ومشطيه ع قدام وبعدين رجعيه اتمنى اكون افدتك

 

[lmlm1]

الفراغات فيه بودره تنحط على فروة الراس تغطي اللمعه حقت الصلعه لوول,

واذا تبين يعطي فولم وحجم للشعر في طريقه علمتني عليها وحده كوافيرا, عشان شافت شعري خفيف,
بعد ماتستشورين الشعر تجيبين اللفافات اكبر حجم وتقسمين الشعر 4 اقسام وتلفين الشعر فيهم كامل لف على تحت مو فوق. خليهم بس 10 دقايق ربع ساعه بالكثير.
السشوار ماراح يخرب جربتها يعني صار منفوخ شوي شعري بدال لاهو ملبد كنه مصمغ براسي ههههههههههه
في طريقة له باليوتيوب بعد, بس ماقدر احط روابط عشان عدد مشاركاتي

 

[أبله شقحه]

عالجي شعرج لاتخسرين الباقي اقري تجربتي في شغلات جربتها نفعتني واخذي حبوب للشعر

 

[البركية22]

شكرًا لكم حبيباتي

بالنسبة للبودرة هل لها أضرار وهل فيه انواع

واكيد انا أعالج شعري بالزيوت واكيد يباله وقت طويل

 

[عتيبيه ذوق]

حطي حمام زيت مناسب لنوع شعرج ,, واستخدمي السراميك افضل بكثير من الاستشوار ... وبعدها حطي سيروم .. وكان الله غفورا رحيما ^^

 

[النبع الصافي]

حبيتي بالنسبه لنفشة السشوار بعد الشامبو حطي حمام زيت وانا استخدم فاتيكا حلوو وقبل الاستشوار تحطين علا شعرج سيروم نفس ماقالو البنات انا استخدم دابر وأي نوع تحبين عادي وتستشورين عدل وإذا تبين نتيجة حلوه لمناسبه عندج استخدي فير السيراميك بعد الاستشوار وبيطلع بالنتيجه اللي تبين بإذن الله
وسالفة إن شعرج من قدام خفيف ومشدود يمكن انتي دايم تشدينه بمساكة الشعر حيييل فخفت المنطقه وانشدت فهمتيني خففي الشد ومع الوقت بتنحل المشكله

 

[Adele]

داااااااااااااااابر امله

و زيت الزيتوون اسستمري عليهم

و ترا الثوم يكثف الشعر اذا شعرج خفيف سوي حنه و حطي معاها ثوم الله يعينج على الريحه

بس صج صج يكثف الشعر

اذا حصلتي تنيجه زينه أدعيلي بلييز ..

 

[البركية22]

حبيباتي مثل ماتوقعت أنكم ماراح تفشلوني


انا خفة شعري يأت من ورى الرجيمات الغير مدروسة من سنين لكن الحمدالله عرفت هالشي وماراح ارجع له وبالنسبة لشعري انا اهتم فيه الحمدالله بس مثل ماقلت يباله شهوووور حتى يكثف يعني انا ابي طرق لوقت العزايم والحفلات



فأبي حلول موقتة تلاعب يعني للتكثيف

اما السشوار بجرب حمام الزيت


كل الشكر لكل من ردت عليي الله يوفقكم وينوي لكم اللي فبالكم بالخير

 

[sharoo_e5]

اذا طبيعية شعرج خفيف ماله حل الا الكريمات والاشياء المؤقتة

لكن اذا خفيف مؤخرا ويتساقط

عندي حبوب امريكية للشعر تكثف وبطول من اول علبة بتلاحظين الفرق


والحمد لله كل الي جربوها كان هذا تعليقهم

 

[تبيني آرضى عليك]

آآآآآآآآآآب

 

[دارسين]

شوفي حبيبتي انا كنت والدة من 7 شهور وخلال شهرين عقب النفاس صبغت شعري 7 مرات 

وعقبها مايحتاج اقولج شنو صار حب وتساقط مكسر مو الشعرة كامله لا مكسرة.

ولا التقصف حدث ولا حرج المهم رحت حق وحدة من رفايجي ماشالله ونصحتني نصيحة اخت


وعطتني رقم وحدة مجربتها واللحين صارلي استخدم منها خلطة زيوت ماشالله 3 اسابيع وماشالله حاسة بالفرق


هذا رقمها 99821477 واذا مسحو الرقم راسليني خاص بصراحه عقب الصبغ غير هذا كله فروة راسي تعورني

والحمدالله اللحين راسي خف العوار والتساقط واللتقصف

بليز بنات اي وحدة تطلب منها. تدعيلي يحقق ربي مبتغاااي 

 

[جوري - q8]

في بكليرز والدو شبكه مثل البف تحطينها واحجام حلو تعطيج خدعه كثافه مثل الماشه عليها بف تحطينها باي مكان من القذله مثلا تنفع ودعيلي براحة البال