- إنضم
- 14 أبريل 2008
- المشاركات
- 2,457
- مستوى التفاعل
- 1
- النقاط
- 0
السلام عليكم و رحمة الله و بركاته
امس كانت حفلة عيالي تخرجوا من الروضه ولدين و بنت و الحمد لله الحفله كانت روعه و استانسنا فيها بشكل ما تخيلته و اهم شي ان ماشي نغص علي و لله الحمد و المنه
طبعا انا كتبت الموضوع علشان افيد البنات الي يبون يسون حفله و تحتاج تجارب و تعرف من وين تبدا :bbbiu:
و زي ما وعدتكم راح احط تجربتي و رأي و بالصور :eh_s(9):
بدأ التخطيط للحفله بان اجيب شركه حفلات تهتم بكل امور الحفله علشان ارتاح من التجهيز و اهم شي علشان افتك من مقابل البزران و صجتهم
بحثت و بحثت التجارب في النت قليله :rgewrg: فجمعت ارقام الشركات و بديت ادق و اشوف العروض و اقارن الاسعار
كان احلي عرض و انسب سعر بارتي هاوس لكن محجوزين لمدة اسبوعين و انا ابي اسوي الحفله قبل اسافر
بعدها عرض بارتي اويسس و اتفقت معهم
العرض كان :: مقدمة برامج , 3 شخصيات , قوس بالون , 30 بالون ورده ,50 هدية, 20 كرسي اطفال, بالون متفجر,ليزر,فقاعات صابون, دي جي , 3مكاين نفيش و ذره و شعر بنات , رسم وجيه
السعر :ggdw:160 دينار
من اكثر الاشياء الي شدتني للعرض 3 شخصيات لان عيالي 3 و ما يتفقون علي شي نهائي
العرض شامل الزينه و التسليه و مكاين النفيش و الذره و شعر البنات
وهذي صور من الحفله طبعا انا سويت الحفله في شقتي ببيت حمولتي
جانب من الحضور
و هذي مقدمة البرامج مع عبود :fun::fun:
عيالي لبسوا زي تنكري بات مان و سبايدر مان و بنتي فراش:hearting:
نجي لرأي في بارتي اويسس
الطاقم فلبينيات و هنديات
كل ما ذكر في العرض جاني و التزين حلووو و في وقتهم لان حفلتنا تبدا بدري الساعه 4 العصر
مقدمة الحفله روعه و خفيفة نفس و الهت البزران مني ما حسيت فيهم نهائي و بما انهم جايين قبل و قت الحفله و الي ترسم الوجيه ما وصلت بدت المقدمة ترسم وجيه الاطفال و رسمها محترف و حلو بعدها جت الي ترسم و كملت عنها
من السلبيات :: ان جاني 2 يلبسون شخصيات و 2 فلبينات للاكل من غير المقدمة و الي ترسم
انا قلت العرض 3 شخصيات و جايبين 3 ازياء علي اساس وحده من الي يسون الاكل اذا خلصت شغلها تلبس الزي الثالث بس مالبست
جاتني مقدمة البرامج قالت لي مدام انا بسوي شكلي مهرج بدل الشخصيه الثالثه و اعجبتني الفكره و استنانسوا عيالي
الشغله الثانيه ان بعض الاطفال يشكون من حقات الاكل انها ما تعطيه و تقول انت اخذت و قلت لها اي احد يطلب عطيه لو ماكل مية مره خصوصا انا الاطفال موب كثير يعني بيكفي الاكل
و اخر كلمه ان اي حفله مستقبلا راح اتفق معهم ان شاء الله لان التعامل معهم حلو و حريصين علي الزبون شغلهم حلو و عاجبني
كل الحضور استانسوا و تشكروا علي الحفله حتي الاطفال يشكروني من كثر ماهم مبسوطين:eh_s(15):
و هذا رقم بارتي اويسس 97768250
التعديل الأخير:
