مبروك لا إطاله للدوام المدرسي

[(ضحاوي)]

بسم الله الرحمن الرحيم

مادري إذا الموضوع مكرر بس لما قريت الجريدة استانست مع إني مو معلمه بس كنت احاتي الدوام لعيالي

الخبر

أصدرت وكيلة وزارة التربية بالانابة مريم الوتيد قراراً بشأن توقيت الدوام المدرسي بالرياض والتعليم العام والتربية الخاصة والتعليم الديني والتعليم الخاص للعام الدراسي 2011/2010 على ان تتولى ادارة مدارس التربية الخاصة اعداد جداول الدوام طبقا لخطة كل مدرسة بحيث لا يتجاوز موعد بدء الدوام في مدارسها عن موعد بدء الدوام في مدارس التعليم العام وفيما يلي مواعيد الدوام بجميع المراحل التعليمية.

المصدر جريدة الوطن
http://alwatan.kuwait.tt/ArticleDetails.aspx?Id=54279#

 

[مشاعر خجوله]

الله يبشررررررج بالخير على هالخبررر ..


صج هالقرار ماكو ايجابيات كله سلبياااااات !!


اي والله نحاتي لان مو بس الملعلمات بيتأذون منه حتى عيالنا بتصك روسهم من الحر والشمس وماراح يستحلمووون طواله الدوام بس الحمدلله فكونا منه :d


مشكوووره وماقصررتي

 

[PO PO22]

الله ونآآآآآآآآآآآآآسه مشكوووووووووورهـ حبيبتي

 

[(ضحاوي)]

رد : مبروك لا إطاله للدوام المدرسي

هلا حبيباتي مشكورين على الرد

 

[وحيدة المشاعر]

رد : مبروك لا إطاله للدوام المدرسي

مشكووووووووووووورة يالغالية على هالخبرية

 

[moony77]

مشكورة حبوبة والله يجزاج خير

 

[مزيـانه]

بس دوام الابتدائي قبل لي الـ 1:20

الحين لي الـ 1:30

زادونا 10 دقايق .. اشلون ماكو اطاله؟؟ ما فهمت

 

[om mariam]

اشفيكم يا قلبي مزيدين الدوام للابتدائي 10 دقايق ؟

 

[عهود الحب]

رد : مبروك لا إطاله للدوام المدرسي

مااااا يخالف عشر دقايق بس ماكو زيادة عالمتوسط


نعمة


والزيادة هذي عشان ريوق الابتدائي :/

 

[العود الأصلي]

لولولولولولولولولولولولششششششششششششششششششششششششششش
الله يجزاج خير اختي والله ضاق خلقي وتوني بكتب موضوع بهالخصوص بس شلون ناظرتنا تقول بيطولون الدوام اوه ماعندها سالفة
الحمد لله والله يعينا علي هالوزارة المتخبطة

 

[LA TROO7]

خوووش خبر الله يبشرج بالجنه

 

[oyoon al maha]

رد : مبروك لا إطاله للدوام المدرسي

لووووول


بنات اشفيكم ؟؟

في زيادة !!

الابتدائي 1:30

والمتوسط والثانوي : 1:35

الحجي على يوم الثلاثاء ؟؟

راح يزودون 25 دقيقة ولا ؟؟؟

 

[عمار يا كويت]

زادو الابتدائي عشر دقايق عشان الوجبة
والسنة الجاية يمكن يزيدون واللي وراها والي وراها لين يطولونه ويوصلون هدفهم

 

[wjdan]

حبيباتي الاطاله واضحه بالابتدائ 10 دقايق زياده

والزياده الجايده راح تكون فقط ليوم الثلاثاء

وتبتدي من شهر 10 الى 3

للانشطه

والطلعه راح تكون الساعه 2 لجميع المراحل ماعدا رياض الاطفال


وبعدين اللحين المصيبه الكبيره

شلون خلو الطلعه لجميع المراحل مع بعض فرق بس 5 دقائق

الله يعينا على الازدحام

والله يعين الي عنده عيال بالابتدائ والمتوسط والثانوي

شلون بجيبهم كلهم

قمة القرارات الفاشله

غيرو طلعة الوزارات عشان ما تصير زحمه اللحين شلون بيكون الوضع

الله يعينا بس ويصبرنا

 

[أبلة كويتية]

مشكورة ضحاوي على هذا الخبر

صحيح هذا التقويم بالفترة الحالية

بس إبتداءا من 5/10 راح يجطون توقيت النشاط نفس إللي إنتي حاطته بالضبط بس يوم الثلاثاء راح يزيد 25 دقيقة

 

[بدويـــة مودرن]

مشكوره بروح أبشر مدرسآت العآيله لووووووووووووووول

 

[سلطانة القحطاني]

رد : مبروك لا إطاله للدوام المدرسي

كل سنة يزيدون شوي
الى ان يوصلون لهدفهم
الله لا يبارك فيهم
ويخيب رجاهم

 

[L a w y e R]

رد : مبروك لا إطاله للدوام المدرسي

الله يبشرج بالخير

مشكوره

 

[البيداء_77]

شلون مافي زيادة الزياده واضحه الله لا يبارج فيهم حسبي الله عليهم

 

[عذوق]

وااااااااااي الفرصه الاولى صارت نص ساعه قبل 20 دقيقه وشطوولها الله يعينا بالمنااوبه والشمس والحر والغبااار إهئ إهئ

المشكله الصبيان او 5 دقايق ياكلون والربع ساعه الباقية طق مطاقق وتعالي فكي بينهم هذا اذا ما طقووج ويااهم

الله يعين