مبتدئة ماتعرف الا البيض ابي اسال جم سؤال ؟

[كتكات احمر]

صراحة سويت مجبوس دياي وافشلت التجربة فشلوني اخواني محد كلى منه مع انه كاول تجربة اطلع مستوى ممتاااااااااز بس شنو مشكلتي ؟؟

المشكلة بالعيش والدياي مو بكمية الماي بنوعية الدياي والعيش

بسوي مرة ثانية ويا انا يا هالمجبوس بس بسالكم :

اول شي شنو نوع الدياي الي تشترونه من الجمعية المثلج ؟
وشنو نوع العيش؟
وهل يكفي بهارات مجدي ولا في بهارات احسن منه؟
وشنو تحطون من بهارات على الدياي وقت الغسال ؟ عشان تضمنون ان ازفرته تختفي؟ وجم ساعة تخلونه؟
وشلون تغسلون العيش ؟ (( طلع يابس واسود كان مو نظيف)) جم ساعة تخلونه ينقع ؟
وتنقعونه بالماي بس ولا تحطون شي ثاني؟

ساعدوني ترا ريلي بوبطين ماايوز من بطنه

وشكرا للجميع :eh_s(7):

 

[رجااوي]

هلا اختي انا طريقتي في المجبوس اول البصل والثوم والقرفه وبصلل مجفف وحبتين مسمار واخلطهم مع بعض بعدين احط صوص الطمام واحررررركه وقدني مغسله الدجاجه واحطها واحط البهارات الملح واللفلفل الاسود والثوم مطحون وبزار بحريني وشووووووي كرركم والفلفل الحاار واصب الماي فوق الداااج بشوي واخلي تطبببخ واذا خلصت نضجت اطلعها واحطها ب الفررررررررن ومكان الدجاجه احط الرز وبسسسسسسسس
:
اتمنى تفهمين ع شرحي ههههههههههه وب العافيه

 

[ياغفور اغفر لي]

حبيبتي انا نفسج بالطبخ مو ذاك الزود

انا استخدم دجاج سادياا اوا الوطنيه بس ماحبيته ماادري احس ساديا افضل اقصصهاا واغسلهاا من كل شي وبعدهاا احط خل وطحين وليمون افركهاا او ليمون وملح وخل حسب واخليها ربع ساعه وبعدين اغسلهاا ثاني مرة

وبالنسبه للعيش للازم تغسلينه عدل ولا يبطلع له ريحة اغسليه مرة وثلاث وعشر ليما تشوفين الماي ابيض وبعدين نقعيه بماي دافي وحطي عليه شوية ملح

والبهارات اشتري كاري و لازم يكون عندج كمون مطحون كزبرة كركم فلفل اسود مطحون وعندج بعد فلفل اسود مو مطحون وبعد لومي مطحون ولومي مو مطحون صحيح وهيل بعد ودارسين وقرفه يعني هالاشيا تعطي نكهه للطبخ وفي عندج بهارات للبرياني جاهزة وفي بهارات للكبسة

 

[جارة القمر]

صراحة سويت مجبوس دياي وافشلت التجربة فشلوني اخواني محد كلى منه مع انه كاول تجربة اطلع مستوى ممتاااااااااز بس شنو مشكلتي ؟؟

المشكلة بالعيش والدياي مو بكمية الماي بنوعية الدياي والعيش

بسوي مرة ثانية ويا انا يا هالمجبوس بس بسالكم :

اول شي شنو نوع الدياي الي تشترونه من الجمعية المثلج ؟

انا ريلي يحب ساديه وساعات اشتري دياي الوطنيه المتبل

الجاهز
وشنو نوع العيش؟



عيش انديانا جيت أو كنتري اكس ال
وهل يكفي بهارات مجدي ولا في بهارات احسن منه؟


انا بهاراتي اشتريه من السعودية أو من مطحنة سمراء عدن
وشنو تحطون من بهارات على الدياي وقت الغسال ؟ عشان تضمنون ان ازفرته تختفي؟ وجم ساعة تخلونه؟

انا بعد ما اغسل الدياي افركه عدل من داخل ومن بره بشوية ملحوليمون اخليه شوي وبعدين اغسله عدل مدل وافوحه شوي بماي تشوفين الزفره والدم تطلع منه واشيليه واخليه بمشخال وبعدين احمسه مع البصل والبهارات الدارسين والهيل والفلفل الأسود والمسمار والبهارات المشكله وورق الغار

وشلون تغسلون العيش ؟ (( طلع يابس واسود كان مو نظيف)) جم ساعة تخلونه ينقع ؟
وتنقعونه بالماي بس ولا تحطون شي ثاني؟

العيش تغسليه عدل مدل وتخلينه ينقع نص سعاه تري كل ما طول بالنقع تطلع الحبة اشحلاته

http://www.q8yat.com/t89877.html



اقرأ هالموضوع راح يفيدج


http://www.q8yat.com/t497582.html


http://www.q8yat.com/t89880.html
ساعدوني ترا ريلي بوبطين ماايوز من بطنه :d



اسم الله عليهم الريايل يحبوهم بطنهم

وشكرا للجميع :eh_s(7):

العفو حبيبتي

 

[كتكات احمر]

مشكورين الله يعطيكم العافية

 

[Angel_store]

اب اب اب

 

[MiSS B.K]

البنات ماقصروا شكرا عالافاده

 

[احلى من باتشي]

آب