مبارك عليكم الشهر مقدما خلونا اذكر بعض

[ghalaty]

السلام اشلونك شخباركم خواتي مبارك عليكم الشهر وعساكم من الصايمين القايميين الفايزين .......... خلونا اذكر بعض بالاشياء المهمه اللي نجهزها من الاسوقه استعدادا للشهر الفضيل ويريت مع ذكر المحل والاسعار ذكوروا كل شي نحتاجه ..............وسلامتكم يالسنعات

 

[قبوله]

علينا وعليج
وايد حلو موضوعج

احنا دايما نشتري استكاين وفناييل حق رمضان
ناخذهم من الجمعبات او من محل فياصل اللي بالجابريه
وساعات نشتري مطاطير حق الشاي والقهوه
وهم ساعات نشري صواني حق الحلو

وجان زين احد يعلمنا عن محلات غريبه وشغلاته عجيبه​

 

[ghalaty]

يلا وين تفاعلكم خواتييييييييييي ترا مو تو الناس الايام ركضه

 

[غير كل الناس]

لاتنسون البخور من امل الكويت

 

[محظوظه ومحبوبه]

اهم شى منتجات المطاحن والفيمتو والباقى سهالات

 

[ghalaty]

بس وينكم

 

[القطانيه]

والله انا يبت اطقم كامليين من لندن حق الاكل وشريت البخوور والزعفران من دبي الحمد الله بس ابي جدور يدد والحمد الله اكون خالصه حتى دراريع شرييت

 

[جروح من غير الم]

حبايبى بنات المنتدى انشاءالله يهل اهلاله وانتو بخير

وسعاده مثلكم عارفين ان رمضان له طقوس خاصه واحساس

خاص انا احب اغير بالاثاث يعنى اغير مكانه او اضيف شى بسيط المهم

احس بتغيير ​

​

 

[اخت الغالي الغائب]

مشكوره على الموضوع الحلو والمفيد
واحسن شي الوحده تجهز بدري عن الزحمه ولتفرغ في الشهر الفضيل للعباده
انا عن نفسي ساكنه بشقه وماعندي حموله واكثر شي زوارات عائليه برمضان فما اهتم وايد بتجهيز الا اشياء بسيطه على قد عايلتي الصغيرونه

 

[bnt_kwt]

اهم شي انا طلبت الكبب من رفيجتي وراح استلمهم منها قبل رمضان بإسبوع
يما انه احنا مو شريبه جاي وقهوه فبشتري طقم جاي وقهوه رخيص وكويس حق رمضان واحتمال كبير اخذه من المعلم

وباخذ طقم يديد صحون وقلاصات وجدور وباخذهم من ايكيا الصراحه

وابي اخذ بخور انا دايما اخذ معمول عود مبخر من البحرين اصغر علي بس هالمره بضيف عليه المعاريس مال امل الكويت

وبما اني اول سنه برمض بشقتي من 8 سنين وانا يوم ابيت اهلي ويوم ابيت حمولتي مادري حاسه انه بيكون مميز رمضان هالسنه

وباخذ لي دراريع حق زوراتي و و و بعد مادري شنو بس اتذكر ارد لكم

 

[roseq8ty]

انا ان شاء الله على معاش الشهر الياي راح اجهز حق رمضان اذا الله احيانا

- قمر الدين - فيمتو - شربت ورد - قيمر - دريم وييب - اغراض الحلويات
هريس ........... الخ

انا ريلي ما يحب يتفطر الا بالبيت اللهم يوم الزواره بس يورح يتفطر

وبالباجي ما اذكرها الحين لإنه انا و انا رايحه الجمعية اسجل بورق عشان ما انسي شي

 

[Big_Love]

وانا قاعده اجهز شغلى من الحين خذيت اجازه اسبوع علشان اخلص اغراض رمضان والعيد وان شاء الله اخلص اخر الاسبوع

 

[سلطـ زمانها ــانة]

تقبل الله طاعتكم مقدما

والله يبلغنا رمضان


شوقتوني للرمضان

عاد انا اليوم صايمه


اتوقع اهم شي بتجهيز رمضان حق الحريم الدراريع والملابس

اما الاكل مقدور عليه