مباديء احصاء للعلوم الانسانية عادل برجل 104

[ونات فطوطه]

السلام عليكم
بنات تكفون ابي اعرف هالماده صعبه ولا لا
وشنو طبيعتها وشنو الكتب المطلوبه فيها
وشلون الدكتور وتصلح آخذها مع 4 مواد
والا بس اخذ معاها 3 وهي تكون الرابعه ؟
لان انا ادبي وما اعرف رياضيات وشنو طبيعة اللاب المختبر

 

[Betty]

برفع الموضوع لعيونج و ان شاء الله البنات يفيدونج
موفقه

 

[pink-girl]

هالماده من اسهل المواد الي مرت علي وانا شخصيا خذيت فيها A اهي بس يبيلها دراسه شوي اما مساءلها تطبيق مباشر للقوانين وبالنسبه لكتابها ماكو راح تاخذون نوت كل اسبوع تقريبا يعني كل فصل نوت وتتوريل بصراحه يعتمد على المعيد واغلبهم ترى زينين بس تحلون مساءل معاه واطبقون على برنامج ال spss وترى اللاب وايد يفيد يعني لااطوفينه اهو مره بالاسبوع ونصيحه اشتركي بالدوره الي تنظمها القائمه اهي يومين قبل كل امتحان من 5 ل8 وايد راح تفيدج واذا حصلتي الماده عند عند دكتور طلال الخميس بدون تفكير سجليها لان بصراحه ماشفت دكتور يساعد كثره وبعدي عن جمال حبيب اذكر حضر بدال دكتورنا جم مره ومن اول مره حضر فيها طرد بنات لان مامعاهم اوراق قشر هالدكتور الله يهداه
لاتحاتينها ترى وايد حبيتها هالماده وعلى فكره الامتحانات كلها مساءل ماكو تعاريف وفراغات وصح خطأ ماكو بس مساءل وكلها نفس الي تاخذونها مع اختلاف الارقام والفاينل تمتحنون بكل الي درستوه بس هم لاتحاتين
وسوري على الاطاله

 

[ونات فطوطه]

يسلمو بنات
بس بعرف نوت وتتوريل يعني شنو ؟
والدوره وين تكوووووووووووون وجم رسومها ؟
وشنو طبيعة تطبيق برنامج spss
??

 

[مطيريه ميه ميه_]

رفع

موفقه

 

[~~ SaM ~~]

اختي اذا انتي ادبي لآ تاخذينها نصيحه

الا اذا كانت اجباريه على كليتج و تبطلج مواد ( حزتها اخذيها)

امبي حدها صعبه و يبيلها دراسه اول بأول

انا سجلتها من قبل و داومت فيها 3 اسابيع وبعدين سحبتها صعبه مووووت و حمدت ربي اني سحبتها


والحين رديت سجلتها لانها اجباري علي و تبطلي مواد


مابي اخرعج

بس حطي ابالج تدرسين اول باول .. مو تقولين حزت الامتحان او تراكمين لآ

و الدورة قبل المدتيرم بيومين من 5 لي 8
و قبل المدتيرم ال2

و قبل الفاينال

ب 20 دينار

 

[~~ SaM ~~]

هذا تقييم الدكتور بموقع التقيم


- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 210 التاريخ: 2009-02-20
الطالب: duub رقم التقييم: 16793

الصراحة الدكتور لا يعلا عليه من الشرح و الدرجات و التصليح والله اني حبيته و احلا شي عطانا كيرف 12 درجة (ما انلام لاما احبه)--يبا اخذوا عنده و انتوا امغمضين

---------------------------------------



- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: مبادئ الاحصاء للعلوم الانسانيه التاريخ: 2009-02-05
الطالب: ahooon_3liiik رقم التقييم: 16474

هذا الانسان حرام فيييه حتى الحجي ....
بكل بساطه لا تأخذون عنده ولا مااااااااااااااااا انصح فيييه
يبط الجبد وماااا يعجني و مو شي


------------------------------------


- النجوم:
- المستوى: متوسط الصعوبة
- الشرح: شرح متوسط
- حصلت على: D
ننصح به
المـادة: 210 مقدمه التاريخ: 2009-01-26
الطالب: عبدالرحمن_ رقم التقييم: 16117

آآه اول تقييم للدكتور فيه طالب ماخذ D
(

هالكورس نكد وهم وغم والله ما ادري شصار فيني بدايه الكورس كل درجاتي عاليه وآخر الكورس كل درجاتي D D+

ما علينه خلونا مع الدكتور
الدكتور ممتاز ومثل ما قالو الطلبه الي تحتي
دكتور ينحط عالجرح يبرى

بس الشرح لكم عليه شوي
يمسك النوت ماله وينسخه على السبوره ولا يدري عنه بس يكتب ويقول الي يكتبه
فاثرت علينه شوي هالشغله

والباجي ماقصروا فيه الي قيموا تحتي

وبالتوفيق


-----------------------------------------



- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: إحصاء 104 التاريخ: 2009-01-25
الطالب: mdaji رقم التقييم: 16103

دكتور عادل , بصراحة اهو خوش دكتور شرحه ممتاز و مبسط المقرر وايد خاصة لان يدرس حق الاداب , ما يحب ان الطلبة يكتبون معاه واذا عاندوا البنات ممكن ان ياخذ القلم منهم , بس مع هذا يظل قلب طيب و حبوب , الحضور عند اهم شي واذا تاخرت عن المحاضرة .. راح تتهزأ شوي بس يدخلك .

يعطيه الف عافية عالمجهود الي يبذله .


-----------------------------------

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: stat 210 التاريخ: 2009-01-23
الطالب: heyo رقم التقييم: 16069

على رااااااسي دكتور عادل ... والله ماقصر معانا
.
.
.
ومثل ما يقول ...... {ما بيها شي}



--------------------------------

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: احصاء التاريخ: 2008-12-26
الطالب: نرجي رقم التقييم: 15792

دكتور قمة في الاخلاق و طيب و حبوب جدا و حقاني بي وايد يهتم بل حضور و الغياب


-------------------------------


- النجوم:
- المستوى: صعب
- الشرح: شرح متوسط
- حصلت على: C
لا ننصح به
المـادة: 104 التاريخ: 2008-12-20
الطالب: KLN رقم التقييم: 15750

موزين!!
وايـد يصرخ و يهزأ!!
مـا يتفاهم ولا يقدر ظروف الطلبه!!
و امتحاناته مو سهله!!



------------------------------------------

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: 104 التاريخ: 2008-11-21
الطالب: نرجي رقم التقييم: 15718

باختصار اهو حبوب بس يعصب وايد كانك قاعد اب مسرحية بذات لمن شخص يتاخر و اهو يقعد يزف الطلبة. شرحة وايد زين بس لازم تنتبة انة اثناء شرحة لا تكتب شي لانك راح يقولك: ماااااااااااااااااااااااااااااااااا تكتبييييييييييييييييييييييييييييييييييييييييش و راح تاخذ نصيبك من الزفة و يمكن اذا عدتة اكثر من مرة ياخذ القلم و يحذفة خخخخخخخخخ
المهم ركز عل نوتة الي يشرحة اثناء المحاظرة و قبل الامتحان اب يومين ذاكر و اكيد راح تاخذ A مثل ما انة خذيت .بس انتبة لا تتاخر و اذا تاخرت لا تدخل المحاظرة بس اهو خوششششششششششششش استاذ




---------------------------------------------

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: مدخل احصاء - للععلوم الاجتماعية التاريخ: 2008-09-01
الطالب: PiNkeYa رقم التقييم: 15127

الدكتوور ممتاز انصح فييه
واايد يهزأ بس ولله فلم يعني ما يخلييكم تسرحوون ويفهم يعني بختصار خووش واحد



---------------------------------------

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: 104 Principles of Statistics التاريخ: 2008-06-09
الطالب: amethyst `06 رقم التقييم: 14023

The professor explains really well, but he's a bit rude at times.


-----------------------------------------

- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: 240 التاريخ: 2008-03-27
الطالب: Abad رقم التقييم: 13512

يعطي ألف ألف عافية والله مادري شقول عن هذا الدكتور
يحب يتقشمر مع الطلب ... ساعة المحاضر تمر كأنها دقيقة من كثر ما محاضرتة ممتع واذا غبت أكثر من مرة يعاتبك
وبعض المرات يسؤلنا سؤال يكون سهل جدا ولكن أحنا ما نجاوب عليه ... يطلع من المحاضرة متكدر
والله كثر ما أقول ما أقدر أوصفة أبصراحة
ألف شكر لهذا الدكتور الرائع



------------------------------------

- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 210-240-341-230-لاملعمي التاريخ: 2007-07-11
الطالب: JoKeR 2 رقم التقييم: 10847

والله هذا احسن دكتور بقسم الاحصاء
يا ناس شرحه ممتاز وامتحاناته سهله وكلها من النوت

ومرات اييب نفس الارقام
وحده عجيب
كل اللي عليك تحضر لانه يحب الحضور
وتركز على نوته
وانا اقولك اييييييييه

صدقوني اللي ما ياخذ عنده خسران

انا تقريبا 5 مواد اخذت عنده وكلهم ولله الحمد غريدات سنعه
اقل شي بي


--------------------------------------



- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: مبادئ ،انكفاء، نظرية2 التاريخ: 2007-06-10
الطالب: fhusaini رقم التقييم: 10143

الدكتور عجيييييييييييييييييييييييب شرحه مو طبيعي ما شاء الله عليه احسن دكتور يشرح يعني غصباً عليك تفهم المادة
و ما يظلم احد
اللي ما ياخذ عنده يعني ما درس احصاء
امتحاناته كله من النوت و الهوم وورك و بعض الاحيان اييب مسائل بنفس الارقام اللي في النوت
خذيت عنده 101 يبت A
و خذيت تحليل انكفاء و يبت A
و خذيت 421 (نظرية 2) و يبت A-
لا تطوفوووونه


----------------------------------



- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: 210,240,341 التاريخ: 2006-07-24
الطالب: JoKeR 2 رقم التقييم: 6119

كـــــــــــــــــنغ الاحصــــــــــــــــــــــــاء

والله احسن دكتور مر علي بقسم الاحصاء تخيلوا اخذت عنده 3 مواد وكلهك غريدات حلوه

شرحه تمام وطيب وحبوب , يحب اللي يحضر , امتحاناته من النوت وبالارقام مرات

شد حيلك بالفاينل يعطيك كيييييرف مو طبيعي وغريد حلو

باختصار اللي ماياخذ عنده خسران



-------------------------------------------

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: 101 التاريخ: 2006-04-13
الطالب: mE! رقم التقييم: 3395

Waaaaaayed Zain 9ij Ena mazaji oo wayed Yzef oo itha wa7da yat mita2kher y6redha , bs jar7a wayed okay oo imt7anata mn il.Note oo y36ey darajaat Bil Final .. An9a7 Feeh


-------------------------------------

- النجوم:
- المستوى: سهل
- الشرح: شرح جيد جدا
- حصلت على: B
لا ننصح به
المـادة: احصاء 101 التاريخ: 2006-02-07
الطالب: toota رقم التقييم: 2249

بصراحة كنت مسجلة عنده تخيلوا بس داومت عنده 3 ايام وغيرته، ماكو تعامل مع الطلبة، اسلوبه كلش مو زين، ا\ا تأخرت ثانية وحده عن المحاضرة انصحك لا تدخل لأنك راح تنطرد وا\ا ما انطردت تكره اليوم اللي سجلت فيه عنده



------------------------------------
- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: نظريه 2 التاريخ: 2005-09-12
الطالب: bsma رقم التقييم: 826

شرحه زين والامتحانات كلها نفس نوته بالضبط وساعات بالارقام بس احيانا اتكون صعبه ومايواطن الي مايحضر...بس عصبي ووايد يزف ويصرخ ومايتعامل باحترام مع الطلبه
بس عموما زين

 

[chocolate girl]

بصراحه انا خذيت عند هذا الدكتور و سحب ....

وايد يصرخ ... و ماعنده روح و تعال


و الماده كلها نووت

بس الدكتور يسااعد تره ...

 

[ونات فطوطه]

يسلمو بس شنو طبيعة المختبر وشنو البرنامج ؟؟
والنوت وايد والا شويه ؟؟

 

[كاتو_كويتيه]

اخذيها عند جمال حبيب وايد زين ..

والله يعينج

ونصيحه سجلي بالدوره

 

[bambena]

ماشالله تبارك الرحمن لي الحين يدرس

اينن الدكتور تحفه

اذكره مايحب الغياب وياويلج ان سولفتي كان شديد على دمه خفيف والماده وايد سهله

 

[ونات فطوطه]

ايه للحين يدرس يقولون من 30 سنه شكلج عجوووووووووووز يا بامبينا
ابي اعرف بنات عندكم معيد او مدرس احصاء يجي للبيت زيييييييين ؟؟؟؟

 

[عفاف سويسي]

رد : مباديء احصاء للعلوم الانسانية عادل برجل 104

السلام عليكم
مشكور اخي

 

[محمد راضى]

مشكوور اخى

 

[محمد راضى]

مشكووووووووووووووووور

 

[محمد راضى]

مشكوور

 

[محمد راضى]

مشكووور ياملك

 

[محمد راضى]

مشكووووووور يااااااملك

 

[محمد راضى]

مشكوووووووور

 

[محمد راضى]

شكرا
د