ما هى اغرب خيانه زوج لزوجته سمعتيها ؟؟؟؟؟؟؟؟؟؟؟

[الجوري 6]

ما هى اغرب خيانه زوج لزوجته سمعتيها ؟؟؟؟؟؟؟؟؟؟؟

اه اه اه
الزوجه اماتكون طيبه او تكون خفعا
احيانا يلجا الزوج الى الخيانه بطرق غريبه او مع نساء مستحيل الزوجه تفكر فيهم
واليوم حبيبت نتعرف على الخيانه الغريبه حتي يكون عندنا خبره

بالنسبه لى احدى جاراتى اكتشفت ان زوجها يخونها مع زوجه عمه ولم يخطر لها ابدا
ان هذا بصير والعيا ذ بالله

 

[ام انس انا]

اعوذ بالله الله يبعد عنا عيال الحرام الله يهديهم

 

[كويتيه مذهله 87]

توني الحين قريت بقسم الحيااه الزوجيه

ان رفيجتها الي معاها بالدوام متزوجه وعندهاا اعيااال وتغااازل المصري الي معاها بالدوام

استغفرالله الللهم لا شماته ولا بعد تعبيله كروت ايزي وتعطيه فلوس وهدااايا


ادور الرابط وادزه لكم

 

[^طيوبه^]

اي قريت هالقصه استغفر الله الله لايبلي احد

 

[بنت الاحلام]

استغفر الله الله لا يبلانا

 

[cute_butterfly27]

اغرب قصة خيانه سمعتها ولين الحين مو مصدقتها واحس انها خيال ؟؟؟؟
واحد تزوج وحده وطول فترة زواجهم اكثر من سنه ونص واخته لازقه فيه ؟؟
يقفل على مرته الباب ويخليها بالبيت ويطلع مع اخته ؟؟ (يوميا)
المره زهقت واشتكت حق الاهل ان اختهم خل تفج شوي؟؟
قامو وزوجو اخته
تزوجت الاخت وحملت وهم ما فجت؟؟؟
زوجها يحط ايده على بطن اخته وحركات جنه اهيا زوجته؟؟
بيوم من الايام دشت عليهم لقتهم بالجرم المجود؟؟
انا جسمي كش لمن سمعت هالسالفه ولي الحين مو مصدقتها واللي قالتلي اياها وحده ثقة وموراضية استوعب ان في ناس جذي
وهذي اغرب قصة سمعتها:0bee2e8d89:

 

[Babystyle]

الله لايبلانا

 

[ملاك الغيد]

اعوذبالله العظيم

 

[Gepse]

أغرب قصّه سمعتها والله ما أدرى وين يمكن قسم القصص وأنا بصراحه اعتبرها خيانه لانها من ورى ظهر المدام.. انه واحد ملتزم رايح سوريا بيشهد على زواج أخوه يعنى رايح يزوج أخوه وأخوه طبعا متزوج وهو كذالك متزوج المهم لما راح يشهد عالزواج قاله المأذون ان البنت اللى يبون يخطبونها عندها أخت وكلهم صغار ومالهم شروط معينه مايبون الا الستر قام الاخو أخذ الثانيه وجابوهم الكويت سكنوهم فى بيت بأم الهيمان وطبعا الوقت مايجونهم الا الصبح فقط..طيب الشرع حللك اربع ليش بالسر أحس استغفال حرام.. المشكله مرت الملتزم تحبه وكانت رايحه معرض العطوور تجيبله عطر عما بعينه صج رياجيل مالهم أمان.





نصيحه يابنات جيكوا على رياجيلكم بالصبح وبالليل

الله يستر علينا يارب ما أشوف هاليووم

 

[الجوري 6]

شكرا لكم يالغاليات على المرور

 

[sara2000]

انا قريت بإيميل واحد يخون مرته مع ديايه مثلجه الحمدالله .. وهدته

 

[لليانه]

خخخخخخخخخخخخخخ عاد مالاقى الا ديايه ناس مريضين الحمدالله والشكر الله لايبلانا

 

[شكليطه]

صراحه انا سمعت قصه من وحدة ثقه ان شاءالله وماتجذب

اهي حضرت الحادثه

تقول وانا في سوق شرق بحاسب والا اشوف ريال ملتحي ومعاه مرته متغطيه من فوق راسها لما سابع ارض

واشوفه مخلي المرا جدامه واهو يأشر حق وحدة ويقول لها لأ لأ

والا كان يأشر حق خدامتهم كانت تبي تاخذ قميص نوم من الطاهر مادري انور واهو يقول لها لا مو حلو ويبيها تغيره بسرعه

تقول قامت وحدة من الحريم الملاقيف وقولي حق مرته

قامت الزوجه لالالالالالا شعوريا وتفصخ حجابها وتصرخ عليه وتقوله انااااااااااااااا اشفيييييني؟ شنو ينقصني عن هالحقيره

عاد تقول ان المره تتتتتهبل ماشاءالله آيه بالجمال


وكان بمكان السالفه شباب قام واحد قليل ادب ويقول حق الريال طلقها وانا اخذها

حسبي الله ونعم الوكيل

 

[كلي نظر]

ههههههههههه استغفرالله مو معقوله مع اخته؟ويع شالشهوه هذي وين عااايشين ارف

 

[لليانه]

يوووووووووووو جني سمعت بسالفة مشابه لسالفتج

يقولون هم وحدة متزوجة راحت محل اخر فرصة الى بالسعوديه الحرمة راحت تشتريه وريلها راح قسم قمصان نووم راح حاسب عليه يحطة بجنطة الخدامة وهم وحدة من الحريم راحت قالت حق المرة ترى ريلج شرى قميص نوم لخدامتج وراحت فتشت الجنطة ولقت القميص بجنط الخدامة راحت عطت ريلها كف راخذت تكسي راحت بيت اهلها

 

[شكليطه]

لاحول ولاقوة الا بالله

يعني متكرره هالسالفه بجميع انحاء الخليج العربي


الله يهدي الجميع

 

['Basma']

اعوذ بالله!

 

[yam_yam]

استغفر الله يارب
الله يهديهم

 

[*دانة الخليج*]

استغفر الله لا حوله ولا قوه الا بالله

 

[استبرق أم علاوي]

انا سمعت سالفه من اختي ما ادري وين سامعتها او قاريتها بس اثرت فيني
تقول:
في وحده حامل وهيا بالدوام يالها الطلق دقت على ريلها قالها عندنا اجتماع مهم والمدير مايخلينا نطلع شوفي احد يوديج من اهلج
ما لقت الا انها اتقول حق زميلتها بالعمل جان اتقولها زميلتها شوفي انا مواعده صاحبي نطلع وقلت استأذن من المديره بس أخاف ما تعطيني استأذان بدام انج تطلقين خل اقولها هل عذر منها اوديج على الطريج ومنها اطلع مع رفيجي والمديره تقبل عذري طبعا البنت قالت رفيجها مو رفيجها انا بحالت عمري خل اروح وياهم
طبعا المديره وافقت على طول يوم شافت البنت تطلق اوقفت البنت الحامل مع رفيجتها ينطرون الصاحب خمس دقايق ولا الحبيب واصل واتشوف البنت الحامل ولا ريلها اللي عندى اجتماع اهوه صاحب رفيجتها.

قولوا شتسوي وهيه بهالحاله؟
لو انااكيد وقتها ما اقدر افكر واكيد راح يزيد الطلق اقولهم اولشي ودوني المستشفى وبعدين ايصير خير:eh_s(6):