ما هو علاج الأمساك عند الحامل ؟

[ام دودو المزيونه]

السلام عليكم خواتي
حبايبي عندي امساك مع الحمل وانا باليوم السادس من الشهر الثالث يعني توني داخله الثالث المشكله الأمساك ذابحني والي يخوف اني الاحظ بقع دم بسيطه بعد الحمام ومصدرها من جدام طبعا رحت للدكتوره مرتين وعطتني مثبت بس قالت لي اني للحين بمرحلة الخطر وهدده بالأجهاض ووجود الدم دليل مو زين وانها ما تقدر تعطيني ملين علشان لايسبب تقلصات و يكون خطر علي البيبي وممكن ينزل البيبي وطبعا قالت لي اكل شغلات تساعد علي تليين المعده بس ولا اضغط وانا اخرج ( سوري علي الكلمه ) والله ما فادني هم ذابحني الأمساك
في احد مر بنفس السالف امساك مع خطورة اجهاض ( بعيد الشر عنكم ) زوجي يقولي اييب لج حقنه شرجية بس أنا خايفه منها ما ادري شسوي ؟
ابي مساعدتكم

 

[غنوة ستايل]

ياقلبي لازم كل يوم كوب عصير برتقال طبيعي .
انا كنت جذي اسوي بحمالي . والحمد الله كلش ما عرفت الامسااااك خلال الحمل كامل .

 

[الأميرة جوري]

رد : ما هو علاج الأمساك عند الحامل ؟

شوفي موضوعي حاطه صوره واسم الحبوب ارتحت كنت نفسج وكليتهم ليمن ولدت بعد ما كنت اعاني ...

 

[aladeer]

السلام اختي دايما اذا قعدتي كاس ماي علي الريق وبعدين اكلي برتقالة وبعد ساعة تريقي وبالليل بعد لا تاكلين اي معجنات وكثري السلطات الحليب والجبن والتفاح لا تاكلينهم لين مايروح الامساك

 

[صاحبة المعالي]

رد : ما هو علاج الأمساك عند الحامل ؟

عصير البرتقال*
كثري من الماي*
و انا صراحه جربت الخس اكل شده و الحمدلله خف الامساك
و الدكتوره وصفتلي نورماكول*
حبوب صغار بنيه كلها الياف
قفشه وحده باليوم و ان شاءالله يخف عليج
حبيبتي الله يثبت حملج ان شاءالله

 

[c a t w o m a n]

كثري سوائل على طول لا توقفين عصير البرتقال عالريج وخلال اليوم شربي جم قلاص هم العنب .. الفواكة بشكل عام تمشي البطن ابتعدي عن العجين والدهن وهالأمور اكلي شي فيه الياف .. ما تشوفين شر انشالله

 

[موريا آدم]

رد : ما هو علاج الأمساك عند الحامل ؟

حبيبتى اكثرى من السوائل وخصوصا المااااااء
وكذلك الاطعمة الملينة خصوصا كل ماهو اخضر وعالاخص الخص
وربى يشفى كل مريض يارب

 

[خلود العامر]

رد : ما هو علاج الأمساك عند الحامل ؟

حبيبتى عليج بالبرتقال قشرى واكلى والكيوى هم يمشى البطن

ما تشوفين شر

 

[ام فوااز]

انا مثلج اعاني اعاني فوق ماتتصورين من الامساك قبل الحمال ماكنت كلش جذي
عليج بالبرتقال ومثل ماقالت الاخت اول ماتقومين من النوم قلاص ماي دافي
انا بسوي جذي وربج كريم

 

[(أم نونو)]

رد : ما هو علاج الأمساك عند الحامل ؟

اكلي برتقاله على الريج وبتدعيلي

 

[ام دودو المزيونه]

دري فيكم ما تقصرون وفعلا انا احب اكل البرتقال والعنب وايد واشرب ماي بعد والحمدالله علي كل حال هم الأمساك ذابحني وفعلا امس قلت لريلي اييب لي برتقال مال العصير ومن اليوم ببلش اشرب العصير بدال لا اكله انشاء الله يتحسن الوضع
جزاك الله الف خير ويتمم علي الحوامل فيكم ويرزق المحروم بدرزن يهال

 

[q8 83]

و حده من الخوات تقول اكلي كيوي

ديري بالج بمثل حالتج كلش ما يلح لج الكيوي لان حار

نصيحة اخت عليج بالشوفان لان كله الياف

تحبين تسوينه شوربة او تسوينه مع حليب و شكر وتاكلينه مثل الكورن فلكس

اهو شوفان كويكر ماغيرة بس و الله ممتااااز

و الله يسهل عليج و يثبت حملج يا رب

 

[om la6ofa]

نفس مشكلتي كثري الفاكهة و السوائل

 

[زينانه]

اشربي قلاصين ماي عالريج
اشربي عصير برتقال طبيعي ويفضل بعد تشترين عصير برتقال المراعي روووووووعه
يمشي البطن حيييييييييل... اشتري الصغير اللي ب200 فلس
وخلي على طول بالثلاجه
كثري ماي بين الوجبات
اكلي عنب ... واااي عجيب
وخففي اكل فطاير​

 

[جذابه بنت ذيابه]

رد : ما هو علاج الأمساك عند الحامل ؟

ادعيلي


اكلي برتقال افندي والله عجيييييييييييب

 

[Mednight Rain]

رد : ما هو علاج الأمساك عند الحامل ؟

انا جربت هذا الدواء وفادني حيل الحمدلله وكله مواد طبيعية

 

[Vaniela]

اول نصيحه بنصج لا تضغطين وانت تخرجين ( سوري يعني ) بس بتذبحج البواسير عقب .. وما ادراك ما البواسير ..
ثاني شي عصير برتقال مرتين باليوم و عسل و الياف كثري منها فواكه خضره ..
وخففي معجنات ورز و خبز ابيض .. اكلي خبز اسمر و حطي قفشتين زيت زيتون على السلطه او ضيفيه على الاكل
والله يعينج ..

 

[ام دودو المزيونه]

ما قصرتوا بس والله اغلب الي قلتوه اسويه اكل خضار واحب الفاكهة خاصتا البرتقال والعنب والافندي غرامي وفعلا اختي q8 83 ذكرتيني بالشوفان ما طري علي بالي نهائيا الحين قاعده اتبع نصايحكم بخصوص عصير البرتقال الفريش بكثر منه يمكن يريحني بالنسبه لأي نوع من الأدوية دكتورتي منعتني نهائيا خايفة من التقلصات فعلا اختي
( ميد نايت رين ) هالدوي للأمساك عجيب كنت استعمله بحمالي الأول بذكره لدكتورتي بموعدي الياي يمكن توافق عليه والله كريم ويعدي هالحمل علي خير
وجزاكم الله الف خير

 

[Mednight Rain]

رد : ما هو علاج الأمساك عند الحامل ؟

عادي انا حامل واستعملة دكتورة النسا بمستشفى دار الشفا اهيا اللي صرفته لي وكله مواد طبيعية مامنه ضرر ان شاء الله

 

[مرايــــــــم]

اشربــــــي عصيــــر برتقـــــــال