ما عندي موضوع

[اسامي]

والله اني تعبانة وضايعه وبس ابي اسولف واطلع اللي بقلبي
مافي احد اقدر اشكيله واسولف معاه براحه حتى خوات ما عندي
عمري 26 وللحين ما تزوجت ولاا حتى انخطبت مع اني جميلة وبشهادة الكل وجسمي حلو الحمدلله وعندي احسن الشهادات واشتغل بأحسن الاماكن بس ولا مره انخطبت حتى محد يتكلم عني
والله اني صرت امشي بالطريق الغلط بس عشان اعوض احساس النقص اللي فيني
كل اللي يشوفني يقول انتي حرام لي الحين مو متزوجه والكل يقولي انتي كامله والكامل الله
ادري الله ما كتب لي نصيب بعد بس والله مقهوره لدرجة اني حطيت اسمي عند اربع خطابات ولا وحده فيهم سوت لي شي
كل يوم ادعي ربي واقرا سورة البقره والحمدلله ملتزمه بالاذكار
ومع هذا مشيت بالطريق الغلط امشي وارد اتوب وارد مره ثانيه اغلط
ابي اتزوج ابي الستر والله ابي الستر ومابي شي غيره
ادعولي يا بنات تكفون
ادري في وايد بنات نفسي
وادري الله لي الحين ما كتب لي
بس ادعولي يمكن فيكم وحده دعوتها مستجابه

 

[$قطوه$]

الله يهديج يا رب ويرزقج الزوج الصالح

 

[Alesar]

حبيبتي لساكي صغيره ليش الاستعجال باذن الله راح يجيكي نصيبك وابن الحلال الي يحبك ويستر عليكي لا تفكري كتير وتعقدي نفسك كله نصيب وكل تأخيره وفيها الخيرة ان شاء الله

 

[دلال الكويت q8]

الله يرزقج يارب الزوج الصالح

 

[أم حسوون]

السلام عليكم ، لا تحاتين يا قلبي توج صغيرة ، بس لا تغضبين ربج لأنج ما تزوجتي ، ومو مقياس كثرة الخطاب ، في بنات جاهم خطاب شكثر وللحين ما تزوجوا وفيه ماحد جاهم وبيوم وليل انخطبواوتزوجوا أحلى زواجات ، ادعي ربج ، والله يسترج بالزوج الصالح آمين.

 

[بنك بااستا]

اصبري ونصيبج بيجيج ليه عندج

 

[اميره بكلمتي]

انا ترا بنفس عمرج ٢٦ وبعد جم يوم بدش ال ٢٧ سنه وماتزوجت وعادي راضيه بقسمت ربي وكل شي بهالدنيا قسمه ونصيب وماتدرين وين الخيره فيه

 

[هب العطر]

هلا حبيبتي

ترا توج ياااااهل

توني راده على وحده نفس مشكلتج


وصيتها ب 3 اشياء
و هالثلاث اشياء لازم محد يدري فيهم الا الله

1 الاستغفار

2 رقية الفاتحه

3 لا تبينين لاحد انج تبين الزواج خصوصا الحريم النحيسات اللي حوالينج
حسسيهم ان الزواج اخر همج
و حتى بينج و بين نفسج قولي هالكلام و قولي مثلا :
لو انا ما تزوجت هالسنه
ونااااسه
حريه
و بسااافر
و اسوي جذي و جذي
و بطلع من رفيجاتي
و ركزي على هالاشياء اللي قلتيها و عيشي دور انج مستمتعه بحياتج


هذا يسمونه بعلم الطاقه : فك الارتباط


و توكلي على ربج

نصيحه غريبه شوي


لا تتزوجين من مواليد الثمانينات تراهم ضييييم الا من رحم ربي !!

 

[غرور الزين]

اقري وتحصني يمكن نفس احد فيج سواء مره او رجال المهم اكثري الاستغفار والرقيه وترى تووج الحياه جدامج الله يرزقج بالنصيب الصالح

 

[طموحه بزياده]

اكثري من الاستغفار فهو يفتح الاقفال


وانصحج اكتبي بقوقل قصصكم مع الاستغفار صراحه غيرني 360درجه والقصص تعطيج حمااااااااس للاستغفار


ويكفي ان الله سبحانه ذكر فضل الاستغفار في جلب المال والذرية وطبعا الذريه ماتجي الا بزوج والرسول ايضا ذكر فضل الاستغفار من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب



شنووووو تبين احلا من هالحديث؟؟؟؟؟

 

[Catii_]

لا تحاتين الزواج ترا قسمه ونصيب على قولتهم وانا من جم شهر نفس احساسج وليما شلت من راسي فكره الزواج وفجأه يا النصيب ومادري شلون والحمدالله وترا الزواج مو كل شي كافي انج مره ومتوظفه مستقله بحياتج شنو في احلى من جذي خلج واثقه من نفسج وحطي ثقتج بالله هذا اهم شي وشكرا

 

[أميرة-]

ويه لاحقه على الضيم انا فرقي عنج جم سنة مو مواجد

والله كنت افكر مثلج ليش ماتزوجت وانا حلوه والله حتى رفيجاتي يقولون شلون ماتزوجتي مادري ليش الناس تفكر هالتفكير وتخليج غصب تشكين بنفسج بس بعد ماتزوجت قلت انا غبيه لا والله مو متحسفه ماقولج الزواج مو حلو اكيد كل شي فيه سلبيات وايجابيات بس انتي بنت يعني حياتج ملكج ماكو مسؤلية وقتج لج تقدرين تدشين نادي تتعلمين تزورين اهلج رفيجاتج تطلعين على كيفج عقب الزواج والعيال حتى نوم ماتلقين وقت تنامين

استغلي وقتج بمايرضي ربج صدقيني الله بيبارك لج بحياتج كلها ترا الزواج مو كل شي ولا كل وحده متزوجه يعني مرتاحه حتى لو تشوفين البعض يدعي انه مستانس ماتدرين قعدتج جذي ارحم من انج تاخذين واحد سكير الله لا يقول ولا راعي خرابيط ولا يمد ايده وماتدرين يمكن نصيبج ان شالله حلو بس لا تستعجلين اهم شي الراحة النفسية متزوجه ولا مو متزوجه اذا مرتاحه فهذا خير وبركة ونصيبج بيجيج صدقيني لو مهما سويتي

انا اكلمج لانه كنت احس بشعورج قبل الكل يقول فلانه شلون ماتزوجت لا اهل ولا رفيجات ولا بنات الدوام هالكلام خلاني افكر صج ليش ماتزوجت وخفت من العنوسة بس صدقيني يوم جاني النصيب شي غريب تسهلت الامور بسرعه الخطبة والملجة وانا مو مستوعبه شلون بسرعة صارت وكانت فيه عقبات سبحان الله راحت وبسرعه تمت الملجه

 

[اسامي]

انا ابي االزواج عشان استر على نفسي ،، انا نفسي ضعيفه والشيطان شاطر ومابي امشي بطريق الغلط مره ثانيه ،،
تعبت وتعبت اهلي معاي ، اخواني حتى بغرفتي صاروا يشكون فيني
وانا استاهل انا اللي جبته لنفسي
ادعولي بالستر تكفوون ادعولي

 

[غالي الذهب]

الزمي الاستغفار وانسي موضوع الزواج ولا تفكرين فيه واذا هالشي مكتوب بيجيج واذا لا ماعلى الله اعتراض والاكيد انه ربي ماكتب لج شي الا وهو خير لج بس اوصيج بالاستغفار