ما عندي غير الفين وباسي قوي..ابي سويسرا..يكفون..

[شهرزاااد]

السلااااااااااااااااااااااااااااام عليكم





انا ودي اروح سويسرا الصيف الياي وميزانيتي انا وريلي الفين
بس ابي سويسرا بقعد فيها اسبوع وبقعد بأنترلاكن
وبحجز مبجر يعني شهر 3
يكفون الفين ولا احلمممممم بسويسرا


فيدوني بموووووت على السفر لسويسرا.................

 

[كمبردج]

رد : ما عندي غير الفين وباسي قوي..ابي سويسرا..يكفون..

واللهـ يا طويلة العمر اعتقد انج لازم تصرفين النظر عن سويسرا لانها حييييييييييييييل غاليه وبعدين حلات الوحده لاسافرت عندها مبلغ سنع عشان تشترين لج جم شغله تذكار واذا صار ماصار عندج ميزانيه .. لا تحصرين نفسج بالمبلغ لانج اساسا ماراح تستانسين بتضلين محكوره بدائرة الميزانيه .. تقدرين تنطرين للعطله الجايه ع مايكبر المبلغ ولا تسافرين لدوله عربيه ​

:hjy5jewf:

 

[بنت ابووها]

صراحة انا اقول سويسرا ماعجبتني بايخه بايخه بايخه احس جنه الشارع حقي بروحي فاضيه
للعلم انا رايحتلها شهر ثلاثه ويييييييييييع تحسفنا انا وزوجي قد شعر راسنا ان حجزنا فيها ثلاث ايام والله اني الساعه 5 المغرب انا بالفندق
ليييييييييش؟؟
لان كل شي يسكر والشارع يصير يخرع وظلمه

واتوقع الفين انتي وريلج شويه حيل

ال 2000 هذي ماتكفي مشتريات هالمره سفره كامله

والله يوفقج

 

[شهرزاااد]

صدمتوني
انزين النمسا يكفون
بس اسبوع وبحجز مبجر يعني التذاكر ارخص

 

[Samurai]

انشالله يكفون بس بدون سوقه وتسكنون بشقه مو فندق والافضل تكون سفرتج شهر 6 لان عروض الطيران دايما تحدد السفره لنهاية 6 وبعدين ترفع الاسعار
انتي بتقعدين اسبوع ؟

 

[ظلال القرآن]

اخذيها من خبيره يكفون ويزيدون بعد
وليش اسبوع ما تسوى العنوه

 

[وافية*]

رد : ما عندي غير الفين وباسي قوي..ابي سويسرا..يكفون..

بالعكس تكفيج ليش ماتكفي اذا بس اسبوع بس هااااااااااااا ماتخربطون واجد يعني تاخذون شقه وتريقون وتعشون بالشقه مثلا والغدا بره (هههههههه عذاب__ترى انا احب اكل بالبيت مااحب اكل مطاعمهم الله يزيد النعمه)وتأجرون سياره ارخص واذا انتي موراعيه سوقه وتشري بالهبل راح تكفيج انا صراحه اذا رحت اوربا مااحب اخربط بالسوقه الا الشي المميز غير لندن طبعا لان لندن سوقتها استثنائيه اشتري طبعا بس موكل شي اشوفه لازم اخذه لاني اكون رايحه استجمام وتغيير جو بس اتمشى واوسع صدري بالاجواء الحلوه وانا اقول توكلي على الله وحققي حلمج بس دورو حجز بشهر6 يكون عروض الطيران قويه انتي كل فتره دشي وجيكي عالاسعار

 

[In Geneva]

يكفون وسويسرا حلوة

وأشوفها مو أغلى من لندن وألمانيا


بس إذا بالصيف لا تسكنين بجنيف

نصيحة سكني بلوزان بفندق الموفمبيك على البحيرة المكان وايد حلو وقريب من جنيف يعني بالقطار أو السيارة حوالي 45 دقيقة بس


سعر متوسط الغرفة من 60 إلى 65 دينار وممكن تحجزين من موقع بوكينيغ

انترلاكن عندك فندق كربس والمتروبول اسعارهم مناسبة عموما فنادق انترلاكن اسعارها مورخيصة حيل بحدود 55 وطالع

إذا بتأجرين سيارة وهذا الافضل بحدود 300 دينار أو تاخذين تذكرة القطار والسفن الشاملة والباصات أيضا بهالحدود برجع اكتب اسمها لأني ناسيته
خذناها مرة وباقي السنين كله نأجر سيارة أونس واحلى

التذاكر ممكن القطرية أو طيران الامارات بحدود 450 إلى 500 دينار للتذكرتين حسب الكلاس اللي تلاقينه



الألفين تكفي ل10 ليالي إذا خططتي وحجزتي مبجر

ومن قال شهر 3 مبجر للحجز وايد يحجزون قبل هالوقت وحنا منهم

بالتوفيق وسويسرا نعم الاختيار

 

[شهرزاااد]

يكفون وسويسرا حلوة

وأشوفها مو أغلى من لندن وألمانيا


بس إذا بالصيف لا تسكنين بجنيف

نصيحة سكني بلوزان بفندق الموفمبيك على البحيرة المكان وايد حلو وقريب من جنيف يعني بالقطار أو السيارة حوالي 45 دقيقة بس


سعر متوسط الغرفة من 60 إلى 65 دينار وممكن تحجزين من موقع بوكينيغ

انترلاكن عندك فندق كربس والمتروبول اسعارهم مناسبة عموما فنادق انترلاكن اسعارها مورخيصة حيل بحدود 55 وطالع

إذا بتأجرين سيارة وهذا الافضل بحدود 300 دينار أو تاخذين تذكرة القطار والسفن الشاملة والباصات أيضا بهالحدود برجع اكتب اسمها لأني ناسيته
خذناها مرة وباقي السنين كله نأجر سيارة أونس واحلى

التذاكر ممكن القطرية أو طيران الامارات بحدود 450 إلى 500 دينار للتذكرتين حسب الكلاس اللي تلاقينه



الألفين تكفي ل10 ليالي إذا خططتي وحجزتي مبجر

ومن قال شهر 3 مبجر للحجز وايد يحجزون قبل هالوقت وحنا منهم

بالتوفيق وسويسرا نعم الاختيار

ياااااااايعد عمري بردتي على قلبي
يارب اصيف السنة الياية بسويسرا..واذا بحتاج شي تحمليني بأذيج عالخاص
شرايج احجز شهر 2 ارخص صحححح

 

[Samurai]

شهرزاد
في عرض على klm الهولنديه كويت جنيف ب ١٨٧ دينار بس المشكله ترانزيت. جيكي موقعهم في شهر ٢

 

[In Geneva]

حتى تقدرين تحطين أسئلتك هني بنفس المكان

وممكن أساعدك ببرنامج رحلات بعد

التذاكر ممكن لما تحجزين مبجر تكون أرخص

وساعات قبل الصيف تكون بعض الكراسي متوفرة بسعر أرخص لكن هذي مو مضمونة

السكن سعره واحد حجزتي ألحين أو شهر 2 أو 6 نفس السعر اللي يفرق إنه الشواغر والغرف المتاحة ماتكون متوفرة علشان جذي نحجز مبجر


ولا تحاتين الميزانية ممتازة لشخصين لكن المهم التخطيط وراح يضل معاج مبلغ للتسوق من المحلات العملية مو الماركات

 

[Samurai]

In Geneva
ممكن تكتبين لنا الاماكن الحلوه في سويسرا والاماكن القريبه منها .. صج رحتلها بس اكيد في اماكن ما اعرفها
زرمات تستاهل الزياره ؟ وبيت هايدي ؟

 

[miss foOoshya]

انشالله تروحين وتستانسين ويتحقق حلمج

امشي ورا الخبيرات uP Up uP

 

[dantella]

يكفووووووون واصلا ماراح تلقين اشياء وايد تشترينها اسواقهم مو مثل لندن يعني كلشي موجود بالكويت
حطي حيلج بالرحلات واكلو من ماكدونالدز وحللي الريوق
والله 2000 تكفي وتزيد
بس لاتنسيني بالكاكاو خخخخخخخخخخخخخخخ

 

[In Geneva]

in geneva
ممكن تكتبين لنا الاماكن الحلوه في سويسرا والاماكن القريبه منها .. صج رحتلها بس اكيد في اماكن ما اعرفها
زرمات تستاهل الزياره ؟ وبيت هايدي ؟

زرمات مازرتها لانه نسكن بعيد عنها لكنها في البال في مخطط الصيف الياي إن شاء الله


هايدي لاند إذا كانت على الطريق اوكي لكن ما يسوى الواحد يتعنى لها علشان جذي ابدا ما فكرت ولا أفكر فيها

طبعا صار لنا جم سنة نقضي الاجازة بسويسرا لكن نسكن بالقرب من جنيف

طبعا إحنا ما نحب السكن في جينيف كلش


عندي أماكن وبعض المطاعم برجع وبكتبها مرة ثانية

وسويسرا اللي يعرف لها ما يمل منها يكفي شعبها حبوب

 

[om_dodo]

تكفى وتزيد بعد اوروبا حلاتها جوا وتمشى مومشتروات وخرابيط كلة بالكووووووويت
موفقة

 

[dantella]

الي تسئل عن زيرمات
هالمنطقه تهببببببببل بس مشكلتها انها وايد بعيده وحييييييييييل هاديه والوصول لها بالقطار شوي متعب لان فيها وايد تبديلات بالقطار انا قعدت فيها 6 ايام بس احسها وايد
اعتقد يومين عليها زين
ولاتطوفون الروستي عندهم جد جد لذييييييييييذ

 

[Lucky12]

رد : ما عندي غير الفين وباسي قوي..ابي سويسرا..يكفون..

إن شا الله يكفون بس مو أكثر من اسبوع

تأجرين سيارة وأنصحج بـ يورو كار تلقين عندهم عروض حلوة بالصيف أرخص من المكاتب الثانية

وشوفي لج من بوكينغ ولا مكاتب السفريات فندق سعره مناسب مايزيد عن 50 أو 60 دينار

وانتر لاكن تقدرين تروحين لها بنفس اليوم وتردين

أنا دايم أحب أروح الرحلات اللي مدتها يوم واحد ومن جينيف أنزل على ميلانو أو مدينة ليون الفرنسية

 

[ذرابه]

رد : ما عندي غير الفين وباسي قوي..ابي سويسرا..يكفون..

تذاكر وسكن واحتمال تاجير السياره لمده اسبوع = 1000 kd
والاكل والقهاوي والرحلات والديزل وتشري بسيط لمده اسبوع = اقل من 1000
بس انصحج تحطين لج ميزانيه يوميه ٢٠٠ يورو كل يوم واللي يبقى من المصروف خليه لاخر يوم خليه يوم شوبينغ
وان شاءالله تروحين وتستانسين بس ترا جنيف مو نفس اول احس صارت بايخه وتخرع كلها افارقه يخرعون وهالمغاربه ... يعني باختصار ديرو بالكم منهم اغلبهم حراميه

 

[In Geneva]

رد: رد : ما عندي غير الفين وباسي قوي..ابي سويسرا..يكفون..

وان شاءالله تروحين وتستانسين بس ترا جنيف مو نفس اول احس صارت بايخه وتخرع كلها افارقه يخرعون وهالمغاربه ... يعني باختصار ديرو بالكم منهم اغلبهم حراميه[/quote]





صح كلامك عن جنيف

علشان جذي أنا ما انصح بالسكن بجنيف

السكن بلوزان حلو

وقريبة من جنيف تروحين تتسوقين وتتمشين وتغدين وترجعين