ما بعد اساسيات الكروشيه دخلوا ياللي تشتغلون كروشيه

[miss-fofo]

:edbf4317b9:السلام عليكم
احنا كلنا تعلمنا اساسيات كروشيه من المنتديات او من دورات

بس ما تلاحظون انه المواضيع اللي عن الكروشيه يا وحده الله يعطيها العافيه بتعلم اساسيات الكروشيه او الي حاطه بس شغلها تسلم ايدها بدون بترون بس تشوقنا

ولا وحده حطت شغلها وعطتنا الطريقه

فقررت انا اعلم ما بعد الاساسيات
الله يعطيها العافيه علويه معطيتكم دوره روحوا تعلموا تره ما شاء الله حاطتها بطريقه سهله ومبسطه وبعدين تعالوا هني وانا اعلمكم شي كبير راح ابدي مثلا في بدي بو ربطه بالخصر شرايكم

كيفكم انتوا تفقوا على شي وانا باجر احطلكم الصوره وامشي معاكم خطوه بخطوه

او شرايكم احطلكم ختيارات مثلا جاكيت او كبوس او جنطه حزام او ورود

او مثلا شايفه صوره في منتدى وعجبتج شغل كروشيه تحطها واشوف اذا قدرت اعلمها طريقتها

وهم الي مسويه شغله حلوه تعلمنا طريقتها واذا ما لها خلق تقول بالتفصيل على الاقل بالمختصر انا وااااااايد عجبتني شغلات بس انتوا مو حاطين طريقتهم خذيت الصور سويتلهم كوبي وقعدت بروحي احاول اسويهم شغلات ضبطتهم وشغلات لي الحين احاول فيها

يالله ابي ردود عشان اشجع واعلمكم انا ناطره على ما ازهب الصور:bbbiu:

 

[متوكلة على الله]

وعليكم السلام مس فوفو

سجليني بالصف الأول ....وإن شاء الله نمشي معاج خطوة خطوة


ويعطيج العافية .....وعساج على القوة​

 

[noor]

انا حابه من كل قلبي اتعلم الكروشيه
بس مااعرف الا غرزة السلسله
وانا عندي كتاب يعلم اسسات الكورشيه
انشاء الله بنزله موضوع بس مشكلته انه ياباني

 

[miss-fofo]

متوكله على الله حياج الله معانه
نور اذا في بترون حطي صوره البترون واذا ما في اكيد في احرف او اختصارات الي هي رموز الكروشيه

 

[miss-fofo]

مافي تشجيع انا قلت يمكن في احد يحب يشتغل في الكروشيه
يالله خل نشوف وين محبين الكروشيه

 

[حبيبه بدر]

انا ودي اتعلمها

 

[MyLittleBerry]

انا اموت على الكروشي وميعه صور وايد شوفوها

http://public.fotki.com/alkandari/other/handcraft/crochet/

انصحكم باليوتيوب فيه دروس وافكار وفيديوات وايد

 

[الهاجريه]

ياريت حبيبتي تعلمينا انا اعرف البدايه وبخاطري اتعلم شلون اسوي الورد والجوتي ياريت تساعينا واجرج علي الله

:wqedqw:​

 

[miss-fofo]

اوكي عيل راح نبدي بالجوتي لان سهل مستعدين
بنقل الصوره على الاب توب وايي

 

[chocolat]

مشكوره حبوبه و الله انا اذا تبيني انزلج باترونات انا عندي بس مااعرف انزل الصور على الاب توب عندي الحين كتابين من لندن زينين

 

[za3fraaana]

بعد قلبي انا مره شفت بالمنتدى طريقة عمل الكبوس للكبار لان الطريقه تقريبا ناسيتها وياريتج بمجهودج وبمجهود اخواتي تفيدوني ويعطيج الف عافيه

 

[الهاجريه]

يعطيج العافيه حبيبتي انا ناطره وان شا الله نتعلم منج وندعلج بالخير

:yaaaaaarb:​

 

[miss-fofo]

سوري بنات تاخرت عليكم
دخل في لاب توبي فايروس مو قادره انزل الصور
بس راح احاول اشرح لكم بالتفصيل الممل اعوض عن الصوره
ومتى ما صلحت الاب توب نزلت الصور

 

[mrs_sugar]

وينكم بنات

داشة ادور الصور ؟؟

 

[rock girl]

سجليني ويااكم انا اعرف غرزة السلسله بس ممكن اتعلمينا شلون انسوي بغرزة السلسله المعطف ( الشال )

والكبووس والجوتي واشياء كثيره ..

 

[مزايا الصمت]

وانا اعتبريني سنه روضه كورشيه ... مو عارفه اي شي عنه بس انا احب الشغلات اليدويه واحب اتعلمها
سجليني وياكم بس ترى حاجزه الكرسي الاول ...

ناطرتكم