ما انكسر مهما قست الظروف

[Beauty paradise]

صباح الخير ... بقولكم اللي مضايقني باختصار انا طالبه كسلانه بالثانويه يبت مقبول بس والله انا كنت شاطره قبل بس حاشني اكتئاب يوم كان عمري 16 وتلعوزت وما كنت اشتهي ادرس وكان كله مالي خلق وظروف ما يعلم فيها الا الله وقعدت اتعالج بادويه وايد وتخرجت بنسبه تفشل وانا كان ودي ادخل تخصص احبه بس للاسف معدلي ما يسمح .. توكلت على الله ودخلت معهد فااااشل والدراسه فيه خواااااااره والله انا طموحي عاااالي بس مو مشتهيه ادرس ورفيجاتي كلهم امتياز بس انا اييب مقبول والله اقول ليش اشد حيلي بمكان فاشل وبتخصص ما ابيه وانا مخططه باذن الله بس اتخرج اسافر اكمل دراسه بجامعه من احسن مايكون بس المشكله اني حاسه بنقص ورفيجاتي نظرتهم لي اني كسلانه وغبيه وما يعتمد علي والله حيل يحز بخاطري ومو راضيه عن وضعي موليه وعلى فكره انا على ابواب التخرج وادري المعدل مراح يفيدني بشي راح اتخرج حالي حالهم وهاذا مو طموحي عشان اسعى له ..... مادري ششسوي عشان اوخر هالاحساس

 

[M!SS.LOBY]

الله ييسر أمورج

اختي لازم يكون عندج أمل قوووووي بالحياة وعندج هدف وطمووووح بحياتج حتى توصلين للشغلة اللي تبينه

وتشيلينه كلمة الفشل والكسل والخمول واليأس من قاموس حياتج فكري بكلامي عدل

وحطي احد كبير بعائلتكم قدوة لج عشان توصلين نفس المستوى تطمحين حقه بالتوفيق

 

[M!SS.LOBY]

لا تقعدين تقولين نظرات رفيجاتي حقي ومدري شنو ................................................. إلخ

كل هذا ماراح يفيدج راح يضرج وينزل من المستوى التعليمي والاجتماعي مالج

 

[M!SS.LOBY]

حاولي تفكرين وتطورين بنفسج بجذي اقولج الى الامام

 

[جذابه بنت ذيابه]

بالعكس مفروض تشجعين نفسسج و هم مو احسن منج .. شدي حيلج انتي علا وجه تخررج و فرحي اهلج ونفسسج ونصيحه خلي عندج طموح واصدميهم بالنتيجه

 

[Beauty paradise]

حتى لو شديت حيلي معدلي مراح يرتفع اعلى من تقدير جيد مشكوورين عالنصايح

 

[نونه المنكوشه]

عنوان موضوعج اهوه احلي ردمهما صعبت عليج الظروف لاتأسين وخلي ثقتج بالله كبيره طول ماانتي فيج طموح وتبين راح توصلين بإذن الله ميخالف تخرجي حتي لوبمعدل موشي واذا تقدرين كملي براااا او بجامعه خاصه انا شفت مره برنامج مره بالاربعين اميه كانت وكملت دراستها وخذت الماستر تخيلي مشاءالله واهيا ماكانت اتعرف تقره وبلشت تدرس ابسن الاربعين ووصلت يعني انتي توج والعمر جدامج لاتحبطين والله يوفقج

 

[ليليان ..]

أنسي اللي فات
و أبدئي من الحين حياة غير حياة جديده
و خلي عندك اراده في دراستك اذا كانت ضعيفه قويها
و صدقيني الأنسان من غير اراده مستحيل يكون ناجح
أنتي كل كلامك هذا تحطيم لنفسك أبعدي عن اللي يحطمك
وثقي بنفسك وثقي أنك راح ترجعين أحسن من أول

شدي حيلك ولا تأجلين أمرك
ويااااااااا رب الله يوفقك :yaaaaaarb:



:eh_s(7):

 

[دمعة إنسان]

صباح النور :bbbiu:​

تمر على الإنسان في الحياة حالة لا يعلمها ألا رب العباد
فيضعف الإنسان ويهمل نفسه ويشغلها عن الدراسة بالتفكير والملل والاكتئاب وما شبه دلك
حتى لو كان شاطر ، نراه يحصد العلامات المتدنية والتي من أجلها تجعل الإنسان محبط أكثر وأكثر
قد يلجأ حتى إلى اعتزال الناس اعتزال اصحابه اعتزال أهله يجلس بين الجدران الاربع وهذه أكبر مصيبة .​

فل يعلم هذا الإنسان مهما حدث له هناك جانب مشرق فل يبحث عنه لكن بشرط ان تتوفر العزيمة والقدرة فل تسعى أيها الإنسان إلى نيل العلم فمن زرع سيحصد فالحصاد لن يأتي بدون زرع​

والوظيفة لن تأتي بدون علم أو فهم :eh_s(15):​

اتذكر في الصف السادس الابتدائي الثاني على الفصل
في أحد الامتحانات الشهرية حصدت * من 8 اقل درجة في الصف​

استدعوني و سألوني عن السبب
فساعدوني بشروط أعطوني 5 من 8
شريطة حصد العلامة الكاملة في الشهر الذي يليه​

فعقدت العزم على ذلك والحمد لله :yaaaaaarb: 8 من 8​

عندما يصبح الفشل أول خطوة لنجاح

https://www.youtube.com/watch?v=v_lct_3EVSo​

 

[قيروان الزمان]

السلام عليكم ورحمة الله وبركاته
بقولج شيء..الله سبحانه وتعالى أعلم بكل إنسان وشنو الخيرة له
وأكيد الخيرة لج تكونين بهالمكان..
ما تدرين يمكن لما تتخرجين الله يفتحها عليج وتتوظفين بمكان تحبينه وترتاحين فيه؟
وبقولج شيء ثاني..احنا بيدنا نصنع سعادتنا
صح ان ما تحقق الحلم اللي تبينه
بس مووو بس انتي وايد ناس ما تحقق الحلم اللي يبونه
لكن هل وفقت حياتهم على جذي؟ بالعكس تأقلموا ومشوا أمورهم ورضوا
وبعضهم حتى حبوا المكان اللي اهما وارتاحووله
انتي تقدرين تصنعين سعادتج بنفسج وتقولين انا اقدر أبدع بكل مكان
والله يعوضج خير يارب بس تأكدي إن هالشي خيرة لج أكيد
والله يوفقج ويرزقج من حيث لا تحتسبين

شيء أخير..
لا تنسين الدعاء شيء عجيييب

 

[جوري الصالح]

لا تــأيسين مـن الدعـــــــاء ومـن رحـــمة رب العـــــالمــــــين انتــــــي تقدريــــن قـــوي عـــــزمـج

 

[يارب حقق طموحي]

البنات ماقصروا بس مافي الا حل
توقفين السنه وتكملين السنه الجايه
وتجيبين درجات حلوه
وامتياز
مع اني ما انصحك بهذا الاحل لانك بتاخرين سنه

 

[برنسس كاتي]

ما يمديج تعيدين الثانوية العامة ؟ وتجيبين نسبة حلوة وتجربين تدخلين التخصص الي تبينه .

 

[العنودبنت علي]

الله يوفقك ويسهل امورك

 

[Q8tiyah]

أختي انا مريت نفس اللي مريتي فيه ... بالثانوية واااايد زعلت لان خذيت بخاطر أمي ادرس أدبي و انا ميولي علمي .. و تدري أني علمي .. بس جدام شئون ما قدرت أكسر كلمتها و دخلت أدبي و كرهت نفسي و كرهت الدراسة ... حاولت سنتين أعيد الثانوية بس محد وافق من أهلي ! المهم دخلت الجامعه و هم كنت عاديه لكن العبرة في النهاية آخر كورس في الجامعه طلعت Honor Student انت تدرين الحال هالشكل ما ينفع ... فإذا قعدتي بمكانج ما راح تتقدمين ..

صديقات !! المفروض ما يضحكون علي و الا عليج ! انا لما بديت اجاوب إجابات نموذجية و صحيحه ( قبل اعرف بس دائماً مترددة تطلع غلط و بعدين اطلع انا صح بس كله خوف ) و اليوم اللي قررت انجح فيه و أساعد غيري على النجاح آخر يوم جامعه و حتى حفل محد بيوقف لج و يسلم عليج او يصفق لج الا ناس غيرهم بس فرحانين لج مو صديقاتي او زميلاتج .. هذا لإنج صرتي تنافسينهم .. و الحمدالله اثبت أني اقدر و رديت على كل من قالي ( she is so stupid to study) هذا أهين كلمه ...


ما تدرين خيره هذا الطريج .. أكبر حرب نفسيه عنادج مع نفسي ( تقولين ما راح يتغير شئ )
و الا الناس دائماً تتكلم مو شيء جديد و ما تردين عليهم الا انت واثقة من نفسج و رافعة راسج فوق تواضعا و لا تكسرين في نفسج ابتسمي الدينا مرة حلوة و مرة مره .. انا جربت الحلو و دائماً راح اشتغل عشان محد ينكد علي و حتى لو كانت مره راح تصبرين و لج الأجر .. :eh_s(17):

 

[M!SS.LOBY]

الله يسهل أمورج

 

[noor salam]

السلام عليكم
حبيبتي العنوان الي حاطته اهو عنوان النجاح الي تبحثين عنه
لا تنظرين إلى ما يقوله الآخرين عنك لان انت الي تحددين شنو تبين وانت أدرى بالحالة الي انت تعانين منها
حبيبتي حتى لو تخرجت بمعدل جيد تقدرين تدخلين أي جامعة خاصة وتكملين دراستك وهذا يعتمد على ارادتج وأختي شكل ارادتج قوية بس شيلي الناس من بالج وسوي الي تبينه مادام في حدود الدين والمقبول
كملي والى الامام حبيبتي والله يوفقج ياااااااارب

 

[Huda alotaibi]

الحال من بعضه وحياتج ماراح يطول راح توصلين مثل ما انا وصلت

هالظروف اللي مطويه حياتنا راح تختفي وتسير رماد باذن الواحد الاحد

شكرا على الظروف التي جعلتني اكثر نجاحا وتطورا نحو مستقبل مشرق

 

[جوري الصالح]

تمــــر على الانســـــان ظروف

ماتــــــوصل للـــــدرجة اليـــــــأس

 

[جوري الصالح]

إلـــــــى الامـــــام
حــــــــبوبــــــــــة