ما اقدر على فراقكم و احبكم وايد تعالو معاي أسرار الفنغ شوي للتصميم خطوه بخطوه

[أناقه و ذووق]

:eh_s(17)::eh_s(17)::eh_s(17):

حبيباتي شلونكم عساكم بخير

أنا أناقه و ذوق كنت معاكم بموضوع اسمه بلوق اسرار و اساسيات الفنغ شوي خطوه بخطوه

حبيت اكمله بس نسيت كلمة مروري فسجلت و اضفت واوين :eh_s(22): بدال واو وحده

ذووق:eh_s(15):

مثل ما قلت من اول الموضوع خاص بعلم الفنغ شوي لتصميم البيت و الحدائق و المكاتب

خطوه بخطوه و اسرار اكشفها لكم لسعاده و انسجام يملا بيوتكم بأذن الله

:eh_s(17)::eh_s(17)::eh_s(17)::eh_s(17)::eh_s(17)::eh_s(17):

بتكلم بهالموضوع عن تقسيم البيت

غرفة النوم و الوانها المناسبه و تصميمها

المطبخ و الوانه المناسبه و تصميمه

الحمام و انتو بكرامه و الوانه المناسبه و تصميمه

و غيره و غيره من الاسرار بحطها ان شاء الله بين يديكم

حب لاخيك ما تحب لنفسك و ان شاء الله اقدر افيدكم

معلوماتي كلها من دورات خاصه خارج الكويت و كتب روعه ان شاء الله ادليكم عليها

بس انا ما رح اقصر معاكم من اشوف تشجيعكم لي فان شاء الله ما تحتاجون لكتب و لا لترجمه

و غير الفنغ شوي و التصميم الداخلي ان شاء الله بنزلكم فيديوات تساعدكم في التنظيم و الترتيب و

افكار حلوه

:eh_s(17)::eh_s(17)::eh_s(17)::eh_s(17):

على فكره بنات انا نزلت هالموضوع في منتدى ثاني يعني الحين موجود بس بمنتديين باسمي انا

أناقه و ذوق

و امنع نقل جهودي لمكان ثاني

أحبكم

:eh_s(17): أختكم أناقه و ذوق :eh_s(17):

 

[أناقه و ذووق]

الجزء الأول

الفنغ شوي

باختصار شديد هو علم الطاقه و هو علم صيني مستخدم من الاف السنين و هذا العلم هدفه انه يرجع الانسان للبيئه و للطبيعه

يعني يجعل بينه و بين عناصر البيئه اتصال و ارتباط

عناصر البيئه شنو المقصود منها

( الماء - الحديد - الارض - الخشب - النار )

و هالعناصر هي صارت الاساس و عطوها مسمى اخر و هو عناصر علم الفنغ شوي فهي اساس التصميم في هذا العلم

الحين في ناس تتسائل ليش يبون يرجعون الناس للطبيعه و يحققون التوافق و الانسجام بين الانسان و بيئته

ببسط لكم الاجابه

عشان انجاوب على هذا السؤال نبي نراجع مشاعرنا في اماكن معينه

امثله

مشاعرنا في حديقه مليانه اشجار و ازهار

مشاعرنا و احنا في البحر على الشط

مشاعرنا و احنا في سبا داخلين ناخذ جلسة مساج



مشاعرنا من انسافر لدوله اوربيه او دول شرق اسيا او الجزر بالطبيعه و البحيرات و الانهار و البحار اللي فيها

مشاعرنا من نكون في الصحرا بالربيع او باي وقت ثاني



مشاعرنا من انسافر لدوله مزحزمه مليانه مباني مثل نيويورك



كل مكان من هالاماكن اللي ذكرتهم من تفكرون فيهم و تستشعرون وجودكم فيهم بتحسون بنوع من الطاقه سواء سلبي او ايجابي

من هالشي قالو العلماء احنا لازم انسوي ترابط و توافق و انسجام بي الانسان و بيئته

الان الانسان يتأثر في بيئته المحيطه و دام اهو يتأثر يعني في قوة تجاذب او تنافر

يعني في سالب و في موجب يعني في طاقه و مجال حوالين الانسان و حوالين البيئه و يأثرون في بعض

يتبع

 

[M!SS CANDY]

ناايس كملي حبوبه

 

[بحرينيه كوول21]

متااابعه

 

[بحرينيه كوول21]

متااابعه

 

[أناقه و ذووق]

هلا حبيباتي

منوريني بتواجدكم

تسلمون

 

[أناقه و ذووق]

مجالات الطاقه

كل شخص و كل شي حي و غير حي له مجال طاقه و يأثرون في بعض بشكل سلبي او ايجابي

فاذا كانت الطاقه تنساب بشكل صحيح فهذا الانسياب الصحيح ينعكس ايجابيا على العناصر المحيطه

لكن اذا كان تدفقها بشكل غير صحيح فيأثر بشكل سلبي و يأدي الى حدوث تنافر

تدفق الطاقه غير الصحيح ممكن بسبب معيقات تعيق حركة الطاقه

مثال

شرايين الانسان و الدم اللي ينساب في هذي الشرايين

اذا كانت الشرايين سليمه فيتدفق الدم بشكل سليم لكن اذا تكدست بالفضلات و الدهون فالدم راح يوقف و يتجلط و حركته تختل

فيؤدي الى حدوث الامراض و الام في الجسم

مثله مثل الطاقه اذا تحركت بشكل صحيح في ارجاء البيت فينعكس على البيت او المبنى بشكل ايجابي لكن اذا صار في حركتها خلل

او معيقات فراح ينعكس سلبا على البيت او المبنى و سكانه و مرتاديه و العاملين فيه

اتمنى الفكره اوصلت و صارت اوضح

يتبع

 

[أناقه و ذووق]

للحصول على مجال طاقه ايجابي و انسياب صحيح للطاقه في جميع اركان و زوايا البيت

1-تنظيف البيت

اهم شي النظافه في البيت
النظافه في كل زوايا البيت الغرف المطبخ الحمامات و انتو بكرامه الديوانيه الحوش السطح المخزن الدرج تحت الدرج السرداب القراج غرف الخدم النوافذ الابواب الاثاث حتى البقع الصغيره و الخدوش الصغيره لازم تتصلح و تتنظف و تتعدل
احيان كثيره اشوف ناس تهتم باماكن معينه و تهمل الباقي

2-اصلاح كل شي تالف

سواء اثاث باب مصباح شباك مكيف جهاز ارضيه تسرب في المجاري صبغ تالف
كل شي يتم اصلاحه ضروري

3- التكديس ممنوع

اقصد بالتكديس هو تخزين اي شي ما تبونه ما تحتاجونه اي شي
امثله
اغذيه - اواني - اثاث - ملابس -اجهزه - كتب - اوراق - جرايد - مجلات
اي شي مالكم حاجه فيه تصدقو فيه
فتكسبون اجر و بيت مريح صحي

4- التخلص من كل شي انتهت صلاحيته

الله لا يهينكم اخذو جوله بكل مكان في البيت و دورو على العلب و اقرو تواريخ الانتهاء اللي فيها و كل شي منتهي تخلصو منه
و الاشيا اللي مالكم حاجه فيها وزعوها
اذا عندكم نباتات ميته تخلصو منها و اذا فيها جزء ميت مثل اوراق ناشفه قصوهم و قطوهم
النباتات الصناعيه ممنوعه ما عدا المصنوعه من قماش مالها ضرر باذن الله

5- الترتيب ضروري ان شاء الله بنزلكم فيديوات تساعدكم على الترتيب و التنظيم

هذي امور تقدرون تسونها بنفسكم سهله و بسيطه و لها تأثير ايجابي بتحسون فيه باذن الله لكن في امور تحتاجون فيها لاستشاره و تواجد شخصي لي او لاي متخصص بهالمجال

6- في اشياء بنصحكم فيها هي مو من علم الفنغ شوي لكن من دينا و في احاديث كثيره بخصوصها
بنات اي تمثال تخلصو منه و الصور خشوها بالالبوم لا تعرضونها و تعلقونها ما منعنا دينا عن شي الا في اسباب من ورا هالشي
و القرآن دايما شغلوه في البيت و اقروه فتكون البيوت عامره بذكر الله

يتبع

 

[أناقه و ذووق]

فيديوات تساعدكم في التنظيم و الترتيب

Kitchen Organization - Sorting Items in the Pantry - YouTube

Kitchen Organization - Containers and Labeling for the Pantry - YouTube

How to Organize Your Home: Organizational Expert Alejandra Costello's House Tour - YouTube


هذي اعجبتني طريقتها في المطبخ و المكتب

Part 1 Organizing Your Closets - YouTube

يتبع

 

[عذاب القمر]

موضوع اكثر من الرائع??????
بوركتي غاليتي?
كملي احب هالعلم هذا
وياريت المشرفات يثبتونه الانه مفيد جداً

 

[شادن33]

والله حلو الموضوووع
بس صج ان بعد ترتيب الأثاث بالبيت له دور على إلطاقات السلبيه والايجابيه

وانا سرير غرفه نومي تحت الدريشه على طول هل هذا غلط

 

[مدام فراوله]

تكفين ياقلبي انتي كيف اختار الصبغ ....

 

[أدريانا.]

اب. اب