ما اعرف ارضع ولدى تونى والده تكفون علمونى

[ملح الدنيا فيني]

السلام عليكم ورحمة الله وبركاته




اول شي تحمدولي بالسلامه لاني ولدت من جم يوم وجبت ولد

بس يا بنات ماني عارفه ارضعه من صدري

صدري متفوخ و ذابحني مقدر انام ودي ارضع ولدي عشان ارتاح وعشان افيده خصوصا اول اسبوع بس مو عارفه ما يطلع معاي شي جربت الجهاز ومو قاعد يطلع شيوجربت الشفاط اليديوي هم عورني وما طلع الا شوووويه

تكفووووووووووووووون شلون ترضعون بجهاز واي جهاز استخدمتو انا تعبت وكل من يلومني لش ما ارضع ولدي عبالهم ما ابي والله اني تعبانه وودي اعطيه من صدري بس اهو البجر و اول مره وموعارفه



ضروري تردون علي وتساعدوني


مشكلته الاسياسيه ما يعرف يمسك الحلمه ؟؟

 

[حساسه]

طيب هم في البدايه كذا اصبري عليه

حاولي مره ومرتين وثلاث لا تياسين

وحطي لك مخده الرضاعه حول خصرك علشان تساعدك وامسكي صدرك له واذا تعبتي اعطيه الصدر الثاني

حااااااااولي بس لو اول 6 شهور ترضعينه شوفيني اعض اصابع الندم اني مارضعت بنتي مناعتها ضعيفه وماتمشي زين واسنانها طلعت متاخر الحمدلله

 

[q8 knosha]

انا اولل يوم حطيته مايطلع شي قلت حق امي ماكو شوفي
بعدين امي علمتني اشلون
تمسكين الحلمه من فوق شوي وتسحبينها لي تحت مع عصر خفيف
جنج تحلبين بس من الحلمه ونازل طبعا موصدرج كله جم مره راح تطلع نقطه ابيض جذي
حطي البيبي وخليه يمص يمص راح ينزل معاج
انا جربت جهاز خربوطه وعفسني وماينزل كثر لما البيبي يمص من صدرج احسن

 

[q8 knosha]

يمكن انج موقاعده او حاطته عدل
حطيه قعده يرتاح فيها وحطي الحلمه بحلجه وخليه يجرب لما يعرف انشاءالله

 

[جوري أبيض]

أول شي الحمد لله على سلامتكم و يتربى بعزكم
سوي كمادات دافية او شور دافي للصدر مع مساج
خفيف ، و بعدين حلبي شوي بره لأنه إذا الصدر
وارم البيبي ما يعرف يمص ، و حاولي تسحبين
الحلمة شوي إذا مو بارزة
و بعدين سبحان الله من يمص البيبي ينزل له حليب
و الله يحفظه لج و يبلغج فيه

 

[ملح الدنيا فيني]

بحاولوابلغكم شنو يصير معاى

 

[بتبوتااا]

وسوي تدليك للحلمه يعني لفيها يمين ويسار وانتي تعصرينها ولمن ترضعينه خليه يمسك الحلمه ياقلبي

في طرق بالصور بقوقل سوي بحث وبيطلع لج

 

[fatomd]

استخدمي المخده اللي على شكل u عشان يرتاح البيبي و ظهرك بنفس الوقت
و حطي كمادات دافيه عشان الحليب يدر
لا تقطين ثقل الصدر على البيبي ما يقدر انتي ساعديه و رفعي شوي و مطي الحلمه عشان تساعدينه
و شوي شوي يتعلم
اصلا اول الايام ماكو حليب وايد وكل ما مص زياده يزيد الحليب
و دايما دهني حلمتك و صدرك بزيت زيتون دافي عشان لا يتشقق و يطلع دم و اذا حصلتي زيت مقري بعد احسن

 

[ملح الدنيا فيني]

بحاولوابلغكم شنو يصير معاى

 

[ملح الدنيا فيني]

السلام عليكم

حدى متشققه


مسكت نتوفتى وقلت يا انا يا انت وشفت طريقه باليوتيوب لوضعيه رضاعه وجربتها والحمد لله مسك الحلمه ومصمص

يارب تنفعه فيها يارب صج شويه بس ابى مناعته ترتفع لانه حبيبيى صغير وزنه 2و600 يختى

 

[honey lust]

لووووول ياختي يا زينه عرف يرضع

الحمدالله على سلامتج و الله يحفظه

 

[PuPa^^SWeeT]

اذا صدرج منتفخ صعب اترضعين حطي كمادات دافية وبعدين شفطي نصهم


و خلي ولدج يرضع منج انتي مو من الممية


والحمدلله عالسلامة

 

[tmtmt]

الحمدالله على سلامتج

كنت نفسج وكنت احتر وابجي لووووووول

الحمدالله انج عرفتي الطريقه

 

[ملح الدنيا فيني]

يا حياتى اى والله الحمد لله

الله يسلمكم خواتى يزاكم الله خير

 

[fabulous-]

الحمدالله على سلامتج
اشوه عرفتي

 

[جديده 1]

اي زين عرفتي اهم شي تطولين بالج عليها .. و اذا عالشفاطات احسن شي ميديلا

 

[تفاصيل الغرابه]

ربي يعينج

 

[ملح الدنيا فيني]

يزاكم الله خير