ما ارتاح الا لما ياتله بنت

[*لذيذة حدي*]

وصلني هالبرودكاست و ضحكت عليه .. قلت اشاركمم فيه و نشوف رايكم


********************
واحد و وحدة توهم متزوجين قرروا انهم راح يقعدون بالبيت لحالهم و ما راح يفتحون الباب لاحد .. حتى اهل الزوج و الزوجة .. يبون يقعدون مع بعض لحالهم و ما يبون احد ..

بعد اسبوع: طق الباب .. و راحت الزوجة ناظرت بفتحه الباب لقت اهل الزوج .. همست لزوجها ترا اهلك برا !
قال لها: مو خلاص متفقين ان ما نفتح الباب لاحد ؟ قالت: اوكي خلاص ما راح نفتح

بعد اليوم الثاني:
طق الباب و طلت الزوجة بفتحه الباب لقت اهلها .. فتحت الباب و على طول خمتهم و رحبت فيهم: وحشتووووووووووووووووني .. صارلي اسبوع متزوجه و لا جيتو تسلمون عليي !!

الزوج : *كل علامات الاستغراب على وجهه* : هلا هلا و الله يحييكم

و راحت الزوجه تدهر و تطبخ و تنفخ غدتهم و عشتهم .. و الزوج ساكت طول اليوم ..


مرت سنين و سنين .. و حملت الزوجه باول مولود و طلع ولد .. ما فرح الزوج و لا سوا عزيمة ..

جابت الولد الثاني .. ما زارها بالمستشفى

جابت الولد الثالث ... هددها بالطلاق و قالها لو ما جبتيلي بنت بتركج انتي و عيالج !!!!

و اخر شي جابتله المولود الرابع و طلع بنت !!
فرح و سوا عزايم و ذبايح للأهل .. و دللها و دلعها و شرا للبنت كل شي و زياده



بالنهاية لما سألوه الناس .. ليه ما فرحت يوم جولك 3 اولاد قبل البنت و لا فرحت فيهم زي البنت !! في احد ما يفرح ب 3 اولاد ورا بعض!!

قال: لاني ادري ان هالبنت اهي الوحيده اللي راح تفتح لي الباب لي تزوجت ! :eh_s(22):
**************************************



سبحان الله .. البنات البنات شي عظيم .. مع ان ماكو فرق بين البنت و الولد كلهم نعمة من رب العالمين بس يبقون البنات فرق عن الاولاد بالتعبير عن حبهم لاهلهم ..

انتوا شرايكم بنات.. صح هالكلام ولا لأ؟
​

 

[ام شيخوه]

هههههه حلوة

ياحلو البنات والله يخليلي بناتي حياتي

مشكورة اختي

 

[قلبي عبدالله]

البنت وماادراك مالبنت


بس للاسف مايعرفوا قيمتها

 

[الشهد كله]

:krkrkr::krkrkr::krkrkr::krkrkr::krkrkr::krkrkr::krkrkr::krkrkr:​

 

[G!RLooNa]

البنات اجمل الكائنات هههه صج عجبتني هالمقوله وحده حاطتها بتوقيعها

فديتهم البنات يشلعون القلب زووووغه كتاكيت

 

[احبج q8]

صاجه والله
اعرف وحده ذريتها كل اصبيان والحين اكبرت
تبي احد يلبسها او يعدلها او تكرمون يسبحها
كل جنه شايلة ايدها دايم تقول لو كان عندي بنت جان حافتني حوف

 

[خزامى]

البركه مالها جنس"""""" البركه من رب العالمين والله يصلح لنا عطاه ويبارك لنا في الولد والبنت

 

[aldanaha]

رد : ما ارتاح الا لما ياتله بنت

الله يرزقني بولد
ويرزق كل محرومه ويخليلي بناتي فديتهم نور عيني وشمعه حياتي
والله يرزق كل محروم يارب

 

[الأميرة جوري]

يا حلات البنات حبيبات قلبي والله يستر علي بنات المسلمين

 

[صمت المرافئ]

رد : رد: ما ارتاح الا لما ياتله بنت

البركه مالها جنس"""""" البركه من رب العالمين والله يصلح لنا عطاه ويبارك لنا في الولد والبنت

صح لسانج
مو شرط
أعرف وحده عندها أربع بنات وولد
لما كبرت ومرضت
محد ضفها وشالها بعيونه إلا الولد
عسى الله يسخرله عياله
مثل ما سخره لأمه

​

 

[(*ام عهــــد *)]

رد : ما ارتاح الا لما ياتله بنت

ياحلو البنات

 

[كويتيه وافتخر]

يحليل البنيات

بس في عيال اطيب من البنات

اعرف واحد الله يكتب له الاجر حتى الحنه كان يحني ايدين اامه لمن كبرت

 

[بوح القوافي]

هههههههههههههههههههه
ياحلو البنات بهبلون

 

[يكفيني حنانك..]

الله يرزقني الذريييييييييييييه الصالحه انا وخواتي المسلمااات

 

[تبطي عظم!]

ياحلوو البنات يهبلون ~

 

[روبالوا]

يارب ارزقني بنت

 

[عويتقة]

يااااا سلام على البنوتات الله لا يحرمنا ياااااااارب

 

[Jna3eYa]

هههههههههه

عجيبه ..

يا حلات البنات والله نهبل

يسلموو ..

 

[*لذيذة حدي*]

اكيد ببر الوالدين ماكو فرق بين الولد و البنت
لكن عادة البنت تبين حبها لامها و ابوها اكثر
و الله يحفظ عيالنا و يخليهم لنا ان شاء الله

 

[سويت فانيلا]

والله البنات احسن من الولد بس يتزوج مايدري عن اهله البنت تجابل