ما ادري متزوجني ولا متزوج اخته

[miss_7sawiya]

الموووضووع بااين من عنواانة ؟؟
علاقتي مع زوجي الحمدالله كل شي تماما طبعاا لا تخلووو من المشاااكل بس عاادي نزعل ونترااضى بما اني حاامل وبااجر ادخل شهري مستغربة من ريلي اول مرة يسوويهاا معاااي من تزوجته صارله اسبوووع كل ما ادخل البيت اشوووفه يكلم اخته وحتى اذا قااعد معااي يكلم اخته الصرااحة قمت اشك فيه انا مو غيراانه من اخته بس احس بينهم موضووع لان يكوون في البداااية قااعد معااي بعدين يدخل الداار ويقفل البااب مستغربة من شي احس وراه اهو واخته شي ( طبعا اخته العودة ) معنهاا كبيرة وطيبة . بس انا وااايد متنرفزة من الوضع يعني باليووم ولا 6 مراات يكلمهاا احسه متزوجهاا ودي اعرف شنو بينهم شي واذا سكر التلفوون ايي مستاانس مستغربة ( حيرني ) معنه مومقصر معااي بكل شي بس وراا شي .. شسووي احس قمت اشك فيه وانا مو شكااكة لان الوضع اسبووع وانا طااف السالفة ودي احاجي بس شنو اقووول اخته وادري انهاا اخته واهوو من النووع ثقة ويخليني امسك تلفوونه

 

[جديده 1]

يمكن مسوي مفاجاه لج بالولاده .

 

[omsalman87]

طااااااف ، اليوم الحجي بفلوس باجر تسمعينه ببلاش ، لاتعورين راسج مردج بتعرفين السالفه

 

[تفديني روحه]

امور عائلية يمكن عندهم سالفه

 

[سويت فانيلا]

الله اعلم

 

[ماني من الناس]

قوليله شعندك مع اختك خير صاير شي ؟؟! وبس واجهيه عادي

 

[Petty Boop]

عادي حبيبتي قوليله بينكم سالفة سر ماتبون احد يعرفه و ضحكي ,,,لا تكبرين الامور او اذا هيا مو متزوجة يمكن احد خاطبها و زوجج يسأل عن الريال و بينهم مكالمات مادري هذا تحليلي ...

 

[نور وشموع]

عادي حبيبتي قوليله بينكم سالفة سر ماتبون احد يعرفه و ضحكي ,,,لا تكبرين الامور او اذا هيا مو متزوجة يمكن احد خاطبها و زوجج يسأل عن الريال و بينهم مكالمات مادري هذا تحليلي ...

صح كلامج

 

[seedo]

غريب 6 مرات باليوم؟
اكيد اخته !!؟؟

 

[*حبيبة جراح*]

يمكن عندهم سالفة خاصة عادي
بس انتي متأكدة انه اخته سمعتي صوتها؟
نطري جم يوم ومصيرج راح تعرفين​

 

[G!RLooNa]

اي شي @@@

شفيكم انتوا اذا ما لقيتوا شي تشكون فيه تطلعون اي شي عشان تسوون منه مشكله !!

خل يكلم اخته !!! انشالله يكلمها 100 مره باليوم مو 6 مرات !!!!! اخته بعد كيفهم

عيل لو يشوفها كل يوم جان شصار :eh_s(10):

 

[.،:"$الـعـوبــــة$":،.]

يعني الرجال اذا تزوج مايصير يكلم اكثر من مرة الا زوجته ؟؟:eh_s(10):
مايصير يكلم اخته امه ، موضوع خاص عائلي ،
يمكن صاير شي بينهم مايبونك تدرين كيفهم شي راجع لهم ،
دام الرجال مو متغير عليك ولا صاير بينكم شي ،:eh_s(7):
الشي اللي بينه وبين اهله مو ضروري تدرين فيه ،
ان قالولك زين على زين ، ان ماقالولك مالك حق تزعلين ولاتضايقين،
قبل فترة زوجي كان يسوي هالحركات ،
وانا عااااااااااادي ولا حتى سألت شفيكم ،
آخر شي طلع ان اخوه اللي اصغر منه بيتملك ،
وعااااااادي شرهتك عاللي حتى تضايق ،
باركت له وباركت لأمه وعادي ،
والله لو غيري كان شالت وحطت وزعلت ، بس شكو ؟ كيفهم ،
دام الشي مايخصني مالي شغل فيهم ،
اذا انا زوجته لي كم سنة ترى هذولي اهله من فتح عيونه على الدنيا ،
وعلى قولة المثل ياخبر اليوم بفلوس بكره يصير بلاش ،
وبس ،:eh_s(17):​

 

[miss_7sawiya]

متأكدة يكلم اخته لاني اشووفهاا دااقة عليه واهوو دااق بعد
اهي متزوجة ومستقرة بحيااتهاا بس مستغربة من الوضع يعني مو مرة ولا مرتين
وانا ما احس ان ريلي متغير علي عادي ما تغير شي بس اول مرة من تزوجته يسوويهاا العاادة اذا بكلم اي احد كلا قبالي حتى ربعه وانا ما ودي اشك فيه

ثاانكس على الردووود

 

[ضحكه طفل]

يمكن مسوي لج مفاجئه

 

[نفهمها صح]

اخته ويمكن سالفه بينهم وعائليه
اخته ولا غيرها عسي يكلمها 10 مرات
طنشي

 

[ماني من الناس]

زين عادي حبيبتي قوليله صاير شي في عيلتكم جذيه سألي يمكن يجاوب

 

[m&ms2]

دااام اخته يا معوده اهون من رفيجته ربي لايقوله لوول

بس قولي ها شبينكم وضحكي عادي خلي الوضع ادري ودج تعرفين

 

[لولوه الحربي]

الله يعين يمكن في شي صاير باالعايله خاصه وانتي لا تورين انج مستغربه وتكبرين الامور خلج عااااااااادي وياحجي اليوم بفلوس بكره ابلاش طنشيه وخليج مثل ما انتي

 

[محتاره بحياتها]

تلقين موضوع يخص الاهل او في سالفه مايبونج تدرين فيها عشان جذى مايكلم قدامج
اذا مو متغير عليج عاااادي طنشي اذا ماعرفتي اليوم باجر بتعرفين

 

[Beauty is Me]

يمكن صااير شي بالبيت عندهم لا تشكييييييييييييين هاذي اخته مو حبيبته اذا متضايقه قوليله بو فلان عسا ما شر قمت احاتي اختك فيها شي ؟؟ واكيد اهوه بيقولج

لا تكبرين الامور ولا تصيرين حساسة