ما احبه و مابي أحبه و ماراح أحبه

[حساويه ملح85]

مساء \ صباح الخير

اشلونكم حلوات

عسى ربي يوفقكم بحياتكم مع ازواجكم و يتمم عليكم و يرزقكم الذريه الصالحه .. اللهم آمين

الله يسلمكم انا متزوجه من 6 سنوات و الله رزقني الحمدلله طفلين

زواجي زواج تقليدي .. يعني عن طريق الاهل

زوجي يكبرني ب5 سنوات

قبل زواجي كنت احب شخص و يحبني لكن بسبب اختلاف المذاهب انا رفضت الزواج علشان ابعد اهلي و اهله عن المشاكل

مشكلتي اهي وضعي الحالي مع زوجي

موقادره احبه

و ماافكر احبه

لانه ما يسوي لي شي علشان احبه

ناشف لابعد درجه

في عنده مميزات

بس مميزاته بالنسبه لي عاديه جدا و ماراح تزيد حبي له

ما ادري شنو اقولكم

ما اقدر افصل حياه مدتها 6 سنوات بموضوع

لكن اللي اعرفه اني ولا مره حبيته

و ما احاول اني احبه

مرات احس انه ما يناسبني

انا تفكيري غيييييييييييييييير و اهوووو غييييييير

انا مو ناقصني شي

مرات احس انه اهو يغار مني

مرات احس انه اهو يعاملني بنشفان لانه يدري انه ماراح اهده لاني ماقدر اهده

ما اقدر اهده علشان اعيالي علشان اهلي

علشان مابي مشاكل بعد الطلاق

ودي احب

كرهت حياتي الناشفه البارده

مرات اقول انا لازم اتأقلم مع وضعي و اسوي جو رومانسي و حركات و دايما اشتري له هدايا علشان يرد لي و احجز فنادق و اساعده بمصروف البيت


بس ما كو نتيجه

والله مو عارفه شقول لو مهما اكتب ماراح اشرح وضعي

والله يا خواتي مرات ودي ينفصل عني بدون ما اكون انا السبب

يعني والله ودي يدخل علي يقول لي انا بتزوج وحده ثانيه

علشان يهدني

استغفر الله مرات اقول ودي يموت علشان يهدني

اهو مو كريه بس انا موقادره احبه

و مابي احبه لاني احس انه ما يستاهل احبه

اللي ابيه منكم تدعون لي الله يعوض صبري و يصبرني زياده

هل حبي الاولي له علاقه بوضعي الحين مع العلم انه حبي الاول مادري عنه نهائي و لا اشوفه و لاحتى افكر فيه خوف من الله اولا و احترام لنفسي ثانيا و تقديرا لزوجي ثالثا

اللي اعرفه انه ابي واحد يدللني و ريلي ما يعرف معنى الدلال

بنات انا كتبت ما بي حل

انا كتبت لاني ابي افضفض

تدرون كل ما اشوف متزوجين يضحكون مع بعض و الله ادعيلهم الله يتمم عليهم

قاعده احاول افصل حياتي لكم علشان تفهمون حياتي بس مو قادره



سلام يا حلوات

يالله الصبر ​

 

[أم حيدور]

بعد جبدي بعد 6 سنين من الزواج توج تستوعبين انج ما تحبينه ؟؟!!

شنو ذنب عيالج باجر لما يكبرون ويشوفون امهم وابوهم جذي ؟؟!!

سامحيني خيتو على كلامي ..

ومساله انج ما تحبينه ماتوقع اتوقع انج ما تحبينه لكن اسلوبه معاج خلاج تنسين هالشي وانتي من داخلج ما ودج تحبينه ..

حياتي عشان خاطر عيالج لازم تغيرين حياتج للاحسن ولا تقولين حاولت وفشلت ترى لا حياة مع الياس ..

شوفي اعرف وحده صار لها الحين متزوجة 24 سنه وريلها لو اقولج عيوبه لي باجر مااخلص .. ما يتحمل مسؤولية

البيت وخاينها فوق ال100 مره ولا فوق هذا يمد ايده عليها فوق كل هذا لا تطلقت ولا هم يحزنون .. كل ما تهاوشوو

رجعت وتنازلت وبدت من يديد وتقول ما عليه باجر يتغير ومرة انا شخصيا قعدت معاها سالتها تحبينه بعد كل هذا

قالت لي شوفي اهوا على كثر عيوبه يظل ابو عيالي احبه ولا افكر اصلا اتطلق واحرم عيالي من ابوهم ..

وليل حينها عايشه معاه والله .. شوفي هذي شافت الويل منه وفوق كل هذا حبته وكان زواجهم رسمي بعد مو حب ..

فيعني لا تتوقعين انه في شي مستحيل لكن يبيله اراده وصبر ..

لو تبين تحبينه راح تحبينه لو تبين تغيرينه راح تغيرينه وقولي انا ما قلت لج ..

حطي قرار جدامج وسوي المستحيل عشان خاطر عيالج ..

الله يوفقج ويكتب لج كل خير ..

 

[اميره1980]

انت مسببه ازمه لعمرج و تحطين حجج علشان تهدينه
كافي عنوان الموضوع انج تبررين لعمرج السالفة كلها احس بريحة خيانة و ان ودج تخونينه حرام عليج الريال زين و انتي اللي قلتي
لو كنتي قايله ودي احبه او احاول احبه و مو قادرة احسن بس منج انتي و حاطه في بالج جذي
الله يعينه اهوه كسر خاطري

 

[sweet dashttya]

رد : ما احبه و مابي أحبه و ماراح أحبه

انتي شوفي نفسج تبينه مرتاحه معاه ؟ ان شاء الله ما تندمين عن اي قرار انتي تتخذينه

 

[إستبرق]

الله يصبرج ويحببج بزوجج ويحبب زوجج فيج
اعرف وايد نفسج الله يعينج

 

[حشمه]

رد : ما احبه و مابي أحبه و ماراح أحبه

مو لازم الوحده تحب الشخص عشان تستم الحياه الزوجيه

دام في احترام وموده وفي اعيال تستمر الحياه ليش لا

ليش بتهدمين حياتج عشان شي مو واضح جدامج

انتي مو مرتاحه معاه ولا مو عاجبتج تصرفاته ولا شنو بالضبط

من كلامج ماشتكيتي يرفع ايده او يسب او بخيل او يشرب او راعي بنات وسهرات

ماشتكيتي من شي اساسي يخليج تهدينه

انتي جذي بتظلمينه واليهال عشان انتي ماتحبينه

يعني انتي تغيري من داخلج حببي نفسج فيه

اوكي ماتبين تحبينه خلج الزينه خلج احسن وحده

خليه يحبج ويتمسك فيج

لاتخربين حياتج بسبه شي ايي مع الوقت

ايي لما انتي من داخل تبين هالشي

 

[عمري فـداك]

رد : ما احبه و مابي أحبه و ماراح أحبه

الله يصبرج حبيبتي ما اقدر اقول غير جذي

 

[قصه طويله]

عندي له عرووس حبيبتي شرايج نخطب له لانج ماتحبينه ؟؟؟

 

[بولندية]

السالفه مو سالفة انج مو قادرة تحبينه


انتي حاطة ببالج انج ما تبين تحبينه


شيلي هالشي من بالج و شوفي ايجابياته و خليه عنج سلبياته ان بارد و ناشف دايما قولي انج تحبينه و انه اهو يحبج و حياتكم حلوة و دعي ربج يقربكم من بعض شوفي مشاكل غيرج و حياة غيرج شلون عايشين وراح تحمدين ربج على ريلج غيرج تدور الريال دواره و اللي تدرو على العيال و تدعي ربها يرزقها و اللي عيالها بعيد الشر معاقين

انتي الله عطاج كل شي الوحدة تتمناه انا اقولج الحب حلو بس مو كل 2 يحبون بعض عايشين مرتاحين اذا انتي مرتاحة مع ريلج خلاص حمدي ربج و لاتقولين ودج ان يتزوج عليج لان الشريجة تحر لو بالقبر حتى لو ماكنتي تحبينه كافي حزتها راح تقارنين نفسج بمرته الثانيه و بتسمعين كلام الناس اللي يحر و بيحطون العلة فيج و انتي اساسا ما فيج شي

وحتى لو بنقولج الحل عقب 6 سنين شنو تبين ترقعين بحياتج ؟؟؟ خلاص هذا نصيبج بهالدنيا و لي فات الفوت ما ينفع الصوت زواج تزوجتي عيال و عيلتي و ومرت سنين على زواجج يعني بعيد الشر الطلاق مو حل

حسسي نفسج انج تحبينه سافري معاه و غيري جو طلعو عيالكم غيري الروتين الزواج مو بس انج تحجزين فندق ولا هدايا وبس لآ بينكم عيال

والله يوفقج و يصبرج

 

[al_jood]

اختي الكريمة .....
مو كل شي نبيه نلقاه جدامنا على طبق من فضه , ماراح تلقين زوج مفصل على هواج وما كو احد مرتاح صدقيني حتى اللي تشوفينهم بضحكون مع بعض الا تكون بينهم مشاكل ومرت عليهم عثرات,
تدرين ليش انتي ماتحبينه ؟
لانج حاطه غي بالج انج ماتحبينه جربي مره تغيرين طبيعه حياتج معاه مو بالشموع والهدايا لااااااااا
غيري النمط والسلوك اللي تتعاملين فيه مع زوجك وصدقيني مع الوقت بتشوفين شخص ثاني
لا تنطرين منه شي ابدئي من نفسك بالاول وشوفي ردة الفعل
عيشي بالحب مع زوجك وعيالك وعوضيهم ترى اهما ملزومين منج وعسى الله يساعدج ويجعل حياتج كلها حب والفه واستقرار

 

[جود22]

اختي حساويه والله العظيم جنج تتكلمين عني .. لان متزوجه من 6 سنين وعندي طفلين .. بس للاسف هو في وادي وانا في وادي ..

الطوفه حست فيني وهو ما حس ..

واخرتها الموضوع وصل حده مؤخرا وطلقني كلاميا وزين انها جات منه لان انا ابي الخلاص وينسى ارجع له ..

قلت خلااااااااااااااص بعيش لنفسي وعيالي مب حاله علي اقابل واحد مادرى عني وفوق هذا مب طايقه بيته ولا اهله ..

انا ما اشجعج تسوين نفسي لا والله ..

بس اختلاف التفكير بيني وبينه وصلنا للمرحله هاذي .. وحاولت احبه وكذبت على نفسي وقلت احبه بس للاسف من طلقني دمعه وحده ما نزلت وما اشتقت له بالعكس .. اقول معقوله من صج ما حبيته وعايشه معاه بس عشان اشوف طلباته ..

الحمدالله على كل حال ..

 

[Q8yah in Q8]

رد : ما احبه و مابي أحبه و ماراح أحبه

الله يهديج ويهدي امة محمد استغفرالله العظيم مادري شقولج والله انا فهمت انه تبينه رومنسي ويدللج بس مدام ساكت وقايم بسؤلياته حمدي ربج والله الله يعينج

 

[شقرديـه عالطل]

ام حيدور ماقصرت

 

[sweet december]

رد : ما احبه و مابي أحبه و ماراح أحبه

بصراحه اكتشفتي انج ماتحبينه وايد متاخر

الله يهديييييج الحياه الزوجيه مو بس حب ودلال وين الاستقرار وين اليهال

اكو غيرج يحسدونج على النعم الي عندج وانتي ودج يموت او يتزوج عليج

الله عطاج الريل واليهال انسي الريل شوفي عيالج وحمدي ربج غيرج يتمنون ومو لاقين

انا اتوقع لو ايي يقولج بتزوج عليح بتعرفين شلون تحبينه صج

لانج ماتبين تحبينه ولا جربتي تحبينه

انتي تحبين نفسج وبس !!

 

[قطووه حلووه]

رد : ما احبه و مابي أحبه و ماراح أحبه

انتي من العنواان تقولين مابي احبه

مقفلتها على نفسج من كل صوب وتبين منا الحل

احل الوحيييييييييد براايي انج تمثليين انج تحبينه وتحسين بهالشعوور لو بالجذب بعدها سبحاان الله العقل البااطن يشتغل بانج صج تحبيينه او شي صعبه بعدين رااح تتعودين وتشووفين نفسج حبيتبيه بس اجتهدي بالهشي اذا تبين حيااتج تستمر مسالت وقققققققققققققققت بس وتتعوديييييييين

عودي نفسج ولا راح يكوون الطلااق الحل الوحيييد تاقلمي ترى مو وحش ليش كارهته ولا بينكم ثااار جااف عدليييييييييييه مسألت وقت وبسسسسسسسسسس

 

[شمس 20]

خلاص 6 سنين زواج وعشره ووجود اطفال خلاص ارضي واصبري يعني لي تطلقتي وين بتروحين ومنو ياخذج وعيالج شنو مصيرهم

 

[الأميرة جوري]

رد : ما احبه و مابي أحبه و ماراح أحبه

بصراحه ليش ماتحبيه هل لانج تفكرين باللي حبيته قبل ؟؟

الله يهداج خلاص انتى ام عياله واهو ابوعيالج ...معقوله مافيه شيء يحببج فيه .....الله يحببج فيه ودعي ربج ولاتفكرين باي شيء يهدم بيج مثل الطلاق

 

[بدورة القمورة]

شو هاللمصخره ؟؟ أستغفر الله .. وين عااااااااااااااااااااااايشين ..

اسمحيلي.. فخاطري كلام وايد ,, الله يسامحج..

انتي ما تستاهلين الريل الي عندج.. يعني حياتج مستقره ويحبج وتفكرين فغيره!!

انتي ضميرج ما يأنبج ؟؟ عادي كووووول يعني مع زوج وتفكرين وتحلمين بغيره؟؟

والله لو ريلج يسوي نفسج شو يكون موقفج؟؟ اتقي ربج تراه فوق يشوف ويمهل ولا يهمل..

فكري بكرامتج.. وبربج.. وبهالزوج المسكين

الله يهديييييييييييييج انتى على ذمه ريال ...

والواحد يرضى بنصيبه يحط امامه ان الله كل شي كاتنبه ليس من فراغ وانما لمصلحه العبد نفسه ويرضى بنصيبه

استغفري الله وحمديه على النعمة اللي انتي فيها وخلي ابلسي يولي عنج واشغلي وقتج بريلج وعيالج

لا تخلين الشيطان يدمر مستقبلج ترا هذي خيانة بحق زوجج!!

تقولين تحبينه؟؟ إذا كنتي تحبينه صج جاان تحدى الكون عشان تخذينه ,,

بتقولين لي اختلاف المذاهب ,, امبيه !!

الحب اقوى من كل شي ترى مافرقت سني شيعي واااااااي مادري لي متى هالتفكير @@ ..

شيعي سني المهم مسلم,,, بالعكس سالفة المذاهب عادي ووايد من مذهبين مختلفين متزوجين بس زواجهم ناجح

واايد ناس امهاتهم سنه والاب شيعي بصراحه الحب ما يعرف مذاهب ولا غيره

انتي ماتحبينه !! تركتيه !! دورتي علي مصلحتج,, و تقولين تحبينه؟؟

 

[اخت خالتهم]

رد : ما احبه و مابي أحبه و ماراح أحبه

انتي قاعد تسوين هالشغله بإيدج
اهو عايش معاج وما اشتكى منج
مو لازم يقولج احبج واموت فيج
كافي افعاله حقج و شنو موفرلج ترا في رياييل ما يعبرون الا بالفعل ما يهمهم الحجي والكلام

اهتمي بعيالج اذا تحبينهم فكري بمنو شاركج فيهم
نص عيالج منه والنص الباجي منج
لما تفكرين فيها جذي راح تحبينه
لولا الله سبحانه وتعالى ثم زوجج جان ما صرتي ام
و يولج عيالج الحلوين

الله يهديج يـاارب

استمري بحياتج ولا تفكرين بالطلاق
ولا تنسين باجر في حساب
والله بعوض كل واحد صبر بإذنه سبحانه

 

[KOKO_284I]

رد : ما احبه و مابي أحبه و ماراح أحبه

الله يهدي سرج