ما ابي اسوي تنظيفات شنو تنصحوني فيه

[حوري2004]

ماراح اقول مرحبا بنات
بقول مرحبا خواتي لاني فعلا احس ان كل الكويتيات بهالمنتدي الطيب خوات ولله الحمد
ادعولي عسي الله يعوضني خير لان هذا ثاني اجهاض لي وما ابي اسوي تنظيف لانه عمره شهرين 9 اسابيع يتم يوم الاربعاء الجاي بيكون موعدي عند الدكتوره وانا مو بخاطري اسوي تنظيفات اول مره سويتها تعبت
وما ادري شنو اسوي البيبي مافيه نبض صارله اسبوعين وانا خايفه

 

[الشامخة بوطنها]

الله يعووضج ويرزقج خيرة يمكن يكوون فية شي او حملجج ضعيف الحمدلله ع كل حال اختي لازم تنظيف لو كان لج بسس شهر ماله داعي بس انتي اكثر اتووقع لازم لان مرة قريت اذاا مايتم التنظيف راح يسبب مشااكل بالرحم وامراض الله يكافينا الله يعينج ويرزقج ع قد نيتج

 

[ام بديير]

بعد عمري الله يعوضج أنا أجهضت وانا بالثالث وما كان فيه نبض لما رحت قالي الدكتور ما تحتاجين يبين بالسونار ونطرت لما أنزلت مني قطعه الجنين

 

[ام بديير]

وبعد أربعين يوم سويت سونار والحمدلله نظفت ،، روحي له بالراشد دكتور محمود شاطر وما يستعيل على شي نصيحه

 

[كتالونيه]

الله يعوضج خير
انشالله البنات يفيدونج

 

[ابدا يالغالي مانساك]

جربي عشبة المدينه
تنضف وتنزل كل شي
ان شالله وربي يعوووووووضج ياكريم

 

[FJ style]

انا اجهضت بالثالث بس الدكتورة قالت لي ان الجنين ينزل بروحهما احتجت تنظيفات

 

[&هند&]

الله يعوضج ويرزقج الحمل السليم ،،،

 

[كاكاووو]

الله يعوضج حبيبتي وان شاالله كله اجر لج

شوفي حبيبتي الخااص لو انج حامل بشهر بيقولونلج لازم تنظيفات ( عن تجربه)
روحي مستشفي الصباح الحكومي وشوفي شنو يقررون لج تره افضل دكاتره اهناك
واذا قرروا يسونلج تنظيفات روحي الخاص سوي العمليه

 

[خبيرة اعشاب]

الله يعوضج حبيبتي

توكلي على الله و روحي الصباح
ما يضر اذا تنتظرين شوي بس لازم متابعة الحالة مع الطبيب
و عادة بس يفتح عنق الرحم يطرده الجسم بشكل طبيعي

 

[حوري2004]

الله يجزاكم خير
وكلمة خبيرة الاعشاب بالمنتدى ام خالد وقالت لي لا تاكلين شي لين ينزل كيس البيبي
لانها تخاف يتقطع ويقعد بواقي منه
وانا محتاره ما ابي اطول لاني احاتي
ومستغربه من استغراب الدكتوره ليش كيس الحمل يكبر ومافيه نبض في البيبي
سبحان الله
بنات فيه احد مر عليكم نفس حالتي

 

[جديده 1]

الاهم جم حجم البيبي اللي وقف عنده مو جم عمره .. بس مادام شهرين حرام تنظيفات .. استعملي عشبه المدينه او القشعه
عند العطار و يعلمج طريقتها و طعمها مو حلو بس تنفع .. بس من ينزل الاجهاض روحي للمستشفى حق باقي التحاليل لازم .. بس لاتنطرين حق ثلاث شهور ممكن يتعفن الجنين و يسبب لج تسمم .. و الله يخلف عليج

 

[أم زايد ويزن]

ممكن رابط خبيره الاعشاب
ابي استفسر عن شي

الله يقومج بالسلامه

 

[ام بديير]

حوري أنا مثل حالتج مره كان في نبض ومره ثانيه ما في الا جيس وكان يكبر ربج مؤ كاتب والحمدلله بعدها سيده حملت والله يتمم علي ويعوضج

 

[om_3azoz]

الله يعوضج يارب حبيبتي

انا يوم اجهضت كنت 7 اسابيع بس كان واقف نبضه 4 اسابيع قالو لي الخاص تنظيفات بس الحكومه قالو لا ماله داعي كلش ,,

رديت البيت شربت زعتر ودارسين وجذي عاد على طول طاح بعد سبوع رحت سويت سونار قال لي الدكتور الجنين طاح موموجود بس باقي اشياء صغيره كلش مع الدوره راح ينزل

 

[حوري2004]

الله يجزاكم خير على الدعاوي اللي تشرح الصدر
ام زيدان رقمها موجود اهي راده علي اسمها ام خالد الهاجري
وتواصلت معاها واتس اب
واليوم اهي دقت علي بس ما قدرت اكلمها لاني كنت قاعده عند ام زوجي واهي ما تدري ان نبض البيبي واقف
لانها بخاطرها هالبيبي
وما حبيت اضايقها واهي فيها اللي مكفيها عسى الله يفك ضيقتها ويردلها بناتها سالمات

 

[بحرينيه كوول21]

الله يعوضج حبيبتي
انه أجهضت وكان لي اربعه اسابيع عاد الدكتوره قالت ماحتاج تنظيفات وولحين ينزل مني وصخ مادري دم اسود
ومادري شنو اسوي

 

[sosowaty]

الله يعوضج و بالعكس التنظيفات ما يتعب و ترتاحين و ينظف رحمج عدل

 

[بــــدره]

السلام عليكم


انا نفس حالتج بالضبط
مفروض الحين لي ثلاث شهور و نص
و لما سويت سونار قالولي البيبي مافيه نبض و نموه متوقف عند شهرين

و حجم الكيس و المشيمه ثلاث شهور و نص

للحين مو فاهمه شالسالفه و شلون صار جذي ؟

الحين شاده حيلي بالدارسين و الزعتر ناطره عنق الرحم يتوسع عشان اسوي تنظيفات لان التنظيفات تتطمنين بعدها ان كلشي راح

اما الاعشاب و هالسوالف مو مضمونه

 

[أأأميرة الورد]

الله يعوضج حبووووبه