بنـت الكويت قال:
انا نفسج ودي ماادش بس ادري الكل بيزفني وبيني وبينج ودي ومااودي بس شسوي لازم ادش عشان احس اني عروس واشوف الناس
اهم شي رايج انتي
ماعليج من الناس
اذا تبين تدخلين الصالة ادخلي
واذا حاسة انج ماعندج رغبة او خايفة تتنرفزين لا تدخلين
@ دهن العود @ قال:
بصراحه من رائى اذا المعرس ما يبى يدخل عيل انتى مالج لزمه
بصراحه مو حلوه انج تدخلين وترتزيين واخر شى تطلعين بروحج شنو بيقولون الناس داخله تستعرض او بيقولون والله جريئه الريال استحى واهيا ما استحت
هههههههههه
لا عادي
ترى شكثر عرايس يدخلون والمعرس ما يدخل
اغلب العرايس يدخلون علشان يحسون بفرحة العرس والناس يباركون لهم
والحبايب واالرفيجات يرقصون جدامها وتصور معاهم
بس كل هذا انا راح اعوضه في اليوم الثاني
لان اليوم الثاني ماراح يكون موجود الا اللي صج قريبين مني واللي صج فرحانين لي
مو اللي بالصالة ( تخافين منهم ومن نظراتهم وشماتتهم)
روزالكويت قال:
انا كلش ماودى ادخل وامى وخواتى وخالاتى وعماتى كلهم يبونى ادش يقولون ان مادشيتى ماراح نكشخ ولا نتكلف ونرتز بعرسج وبنسوى بدلات عاديه وماأحنا رايحين الصاله
انا حمدالله واثقه من نفسي وماهزونى الحريم بس ما احب الخز والحش والقيل والقال خصوصا ان العذال وايد اللي بيحضرون للتفرج بس
تدرين انج نفس تفكيري بالضبط
بس انا بصراحة علشان اضمن ان اهلي واقاربي ورفيجاتي يحضرون العرس
اضطريت اني اقول اني راح ادش الصالة( وانا اساسا ما راح ادش)
على الاقل علشان يحضرون ويكشخون ويرزوني عند اهل المعرس
اما فرحة العرس مثل ماقلت راح اعوضها في اليوم ثاني
مرات افكر احجز سويت بفندق لي ولرفيجاتى ولخواتى وعماتى وخالاتى نستانس ونرقص بروحنا حبايبنا الخاصين بس ونصور وعقبها اروح معاه لان صالتنا تنبنى وماتكفي كوشه؟
فيه وحدة سوت نفس فكرتج
والسبب ان اهل المعرس ما سوو عرس لحالة وفاة عندهم
فهي ما تبي تحرم نفسها من الفرحة
احجزت سويت بفندق واعزمت بس رفيجاتها
شرايكم بفكره السويت بفندق بنات؟؟
حلوة الفكرة وتوكلي على الله وسويها
بس الله يعينج على اللي راح يزعلون منج لانج ما عزمتيهم
وحدة سوت نفس الفكرة بس في صالة بيتهم
قالت للناس راح تدخل صالة العرس
لكنهم تفاجؤا انها مادخلت لما شافوا ماكو كوشة
واستغربوا لما شافوا اهلها وخالاتها ما جو صالة العرس الا متأخر
ووصلهم خبر انهم كانوا عندها في البيت وارقصوا عندها وصوروا معاها
شكثر ازعلوا من هالسالفة
بس البنت ما اعزمت الا شوي لان البيت واالصالة ما تكفي
ومع ذلك اهلى يقولون عادى دشي واستانسي وصوري مع رفيجاتج نظام سعودى بدون معرس ماحبيتها كلش كلش شكلي غلط جدام الناس جنه مايبينى ولا يانى ياخذنى .
الظاهر انج ما تحضرين عروس الفترة الاخيرة اغلب العرايس يدخلون بروحهم
عاااااااااااااادي
الزين كويتي والدلع جهراوي قال:
اصلا الحين موضه ان المعرس مايدخل الصاله
وحلو ان العروس تدش بروحها مادري ليش عاجبتني هالموضه اللي اشوفها دارجه الحين بكل عرس اروحله
اغلب العروس الحين العروس تدخل بروحها
وصدقيني الحين دخلة العروس للصالة ماعاد فيها فرحة
بالعكس
تلقين العروس تضيع وقتها بالتفكير في الدخلة
وتعالي دوري دخلة مميزة للعرس
واختاري فستان عروس خيالي
وووووووووو
كل هذا علشان ترضين الناس ويشوفون كشختج
وبسبب هالشي نص المهر يطير على الفستان
وياليت عاد ترضين الناس ويعجبون فيج
ما تحصلين من وراهم الا الخز والنميمة
الأصيله قال:
يا طرقيه يا الغاليه ألزم ما عليج كشختج وبدلتج ومسكتج
إذا ما دخلتى يا الغاليه منو بيفرح فيج
مثل ما قلت الفرحة راح اعوضها في ثاني يوم
على الاقل ثاني يوم مافيه الا اهلج واهل المعرس
وهذيلي صج فرحانين لج
مو اللي بالصالة؟؟؟؟
