قوه بنات
كل عام وانتوا بخير
بدش بالموضوع على طول ... عمري 28 موظفه مو متزوجه ولي الحين أهلي يعطوني عيادي
لا تضحكون صدقوني مشكلتي جاده ومضايقتني ... أول كان عادي عندي بس من 3 سنين جد جد بدى الموضوع يضايقني وينرفزني :rgewrg:
أولا لأني كبرت وصار منظر العيدية الممدوده بدال لا يفرحني يحرجني .. خاصه إنها مو مبلغ رمزي يعني 3 دنانير ولا خمسه .. لأ من عشره وفوق توصل عشرين و ثلاثين ، وأنا الحمدالله موظفة و مومحتاجه ، اللي أعذرهم وأقول بيعطوني إياها يعينوني .
ثانيا في مشاكل " تحت الرمل" وحرب صامته بيني وبين بعض الأهل فأحس العيديه لما يعطوني إياها كأنها "رشوة" لابسه هدوم عيديه .. يعني شي يسكتني ويكسر عيني :eh_s(4):
ثالثا والمشكلة الأكبر ... ابوي لما يعطيني العيدية .. حيل أنجرح يا بنات ... تخيلي ابوج يناديج وانتوا بروحكم ولا جدام اخوانج الصغار احيانا ... ويقط على الطاوله ربطة العشرات .. ويقول واهو يبتسم ... اخذي لج 30 عيديه !!!!
هم ابوي بينه وبينه مشاكل أو خل نقول تقصير من صوبه بحقي ... وأنا ساكته وصاكه حلجي بس ما اقدر أخذ عيديته بالذات لما يعطيني اياها بهالطريقة .. لاني ما اتحمل فكرة إنه قاعد يسكتني بالفلوس ويخفف تأنيب الضمير اللي اهو حاس فيه ب 30 دينار ... قولو لي شلون أرفض من غير ما يزعل ويسوي لي سالفه .. كل شي سويت
قلت لا يبا مشكور الله يديم عزك اعتبرها واصله .. ولا رضى
قلت خلاص عطني خمس دنانير وتصير عيديه ، العيديه بمعناها مو بكثرها .. ما مشى الحال
يغصبني أخذها ويقول "إخذيها عشان ارتاح" .. أنا ما أقصد ما ابي له الراحة .. بس أبيه يحسن معاملته معاي ... أنا محتاجه منه شي غير الفلوس ... ويجرحني إحساس الذل بعيديته
والله يا بنات وصلت فيني الحالة اني اخذها وأخشها وأصرفها على البيت بأشياء اهو يبيها .. يعني أطلب له مطعم ولا اشتري له شي ... لاني مو طايقه حتى أصرفها ... أحسها تحرق ايدي وكرامتي وقلبي .
قولو لي شلون أرفض العيدية من غير زعل ... منو قاعد يصير لها هالموقف مثلي
كل عام وانتوا بخير
بدش بالموضوع على طول ... عمري 28 موظفه مو متزوجه ولي الحين أهلي يعطوني عيادي
لا تضحكون صدقوني مشكلتي جاده ومضايقتني ... أول كان عادي عندي بس من 3 سنين جد جد بدى الموضوع يضايقني وينرفزني :rgewrg:أولا لأني كبرت وصار منظر العيدية الممدوده بدال لا يفرحني يحرجني .. خاصه إنها مو مبلغ رمزي يعني 3 دنانير ولا خمسه .. لأ من عشره وفوق توصل عشرين و ثلاثين ، وأنا الحمدالله موظفة و مومحتاجه ، اللي أعذرهم وأقول بيعطوني إياها يعينوني .
ثانيا في مشاكل " تحت الرمل" وحرب صامته بيني وبين بعض الأهل فأحس العيديه لما يعطوني إياها كأنها "رشوة" لابسه هدوم عيديه .. يعني شي يسكتني ويكسر عيني :eh_s(4):
ثالثا والمشكلة الأكبر ... ابوي لما يعطيني العيدية .. حيل أنجرح يا بنات ... تخيلي ابوج يناديج وانتوا بروحكم ولا جدام اخوانج الصغار احيانا ... ويقط على الطاوله ربطة العشرات .. ويقول واهو يبتسم ... اخذي لج 30 عيديه !!!!
هم ابوي بينه وبينه مشاكل أو خل نقول تقصير من صوبه بحقي ... وأنا ساكته وصاكه حلجي بس ما اقدر أخذ عيديته بالذات لما يعطيني اياها بهالطريقة .. لاني ما اتحمل فكرة إنه قاعد يسكتني بالفلوس ويخفف تأنيب الضمير اللي اهو حاس فيه ب 30 دينار ... قولو لي شلون أرفض من غير ما يزعل ويسوي لي سالفه .. كل شي سويت
قلت لا يبا مشكور الله يديم عزك اعتبرها واصله .. ولا رضى
قلت خلاص عطني خمس دنانير وتصير عيديه ، العيديه بمعناها مو بكثرها .. ما مشى الحال
يغصبني أخذها ويقول "إخذيها عشان ارتاح" .. أنا ما أقصد ما ابي له الراحة .. بس أبيه يحسن معاملته معاي ... أنا محتاجه منه شي غير الفلوس ... ويجرحني إحساس الذل بعيديته
والله يا بنات وصلت فيني الحالة اني اخذها وأخشها وأصرفها على البيت بأشياء اهو يبيها .. يعني أطلب له مطعم ولا اشتري له شي ... لاني مو طايقه حتى أصرفها ... أحسها تحرق ايدي وكرامتي وقلبي .
قولو لي شلون أرفض العيدية من غير زعل ... منو قاعد يصير لها هالموقف مثلي
