ما أبيـــكم تجاوبوني بس فكروا عشان يحن قلبكم شـــوي

[(m & m)]

تعالي سطري وصيتج له الله يطول باعماركم

بسم الله الرحمن الرحيم

موضوعي لليوم

يمكن يترسخ في اذهانكم

ابيكم تفكرون فيه عدل

مو شرط تجاوبوني بس فكروا فيه

وايد قريت مشاكل تشكو منها بنات حواء من ادم

زوجي قاسي زوجي ما يطلعني زوجي ما عنده اسلوب ....

كرامتي ما تسمحلي ...

بنات ابيكم تتخيلون معاي ...

تخيلي



تقعدين من النوم

ما تلاقين زوجج يمج

تقعدين عالسفره و زوجج مو موجود

تربين عيالج و زوجج مو موجود

تعيشين حياتج و زوجج مو فيها

تخيلي كل المواقف و الخلافات تصير ذكرى

تتمنين رجعتها من كل قلبج

تخيلي لو فقدتي زوجج شبيصير ؟

امانه لو زوجج طلع من حياتج شيصير فيج ؟

لو فقدتي زوجج اطال الله باعمار ازواجكم

لكن ابيكم تفكرون بهالشي

ابيكم تفكرون فيه لان لابد يي اليوم الي تفارقين فيه زوجج

سواء هو يعيش تحت الارض وانتي فوقها او العكس

بنات هل الدنيا تسوى ؟

هل في شي اسمه كرامه بين الزوجين ؟

ما اقولج صيري ضعيفه لكن في شغلات وايد الوحده فينا تشتكي منها

شغلات صغيره حيل . سؤالي هل تسوا الواحد يعيش بهم و حزن ويشيل هموم الدنيا

وكل الي بيعيشه في هالدنيا يومين ؟

بنات نصيحتي لكم

استانسوا انسوا وونسوا الي حوالينكم


بنات ابي كل وحده فيكم قبل لا تطلع تفكر شنو تقول لزوجها قبل لا تفارقه


والله يخليلكم ازواجكم و يسعدكم و يفرج همومكم يا رب :tek:

 

[أبله كويتيه]

وااي عسانا مانفقد غالي

لا انشااءلله

كافي الي فقدتهم بحياتي افقد حبيبي بعد

الله لا يقوله

والله الدنيا ماتسوى صااجه حياتي

قوواج الله حبوبه عالموضوع تسلم ايدج

 

[كويتيهx5]

اهوووووووووووو وينه وحتى لو شنو يسوي راضيه لوووووووووووووووووووووووووول

 

[@نداوي@]

رد : ما أبيـــكم تجاوبوني بس فكروا عشان يحن قلبكم شـــوي

تدرين عاد في بناات وايد حياتهم عند اهلهم..
غير .. ومن احلى ما يكون وهذا شي طبيعي ..
بس تزووج تنهاه كرامتها من زوج او ام زوج واو خوات زوج
وتسكت والسبب .. ماتبي الطلاق
وماتبي الناس يتكلمون فيهاا .. واكثر واكثر
طبعا البعض ..
وماعندها الا هشاشه تقط فيها ..
اهمومه ..
فالمنتدا اهو اظهار الكبت .
والله المستعان .
اتمنى انها توصل المعلومه ,,
والله يوفق كل بنت ..
ويسخرلي زووجي يارب العالمين
.

 

[BiiShOoO]

الله يحفظ ازواجنا ياارب و يخليهم لنا

 

[جـــواهر]

يعين الله

 

[فوفو22]

ماننحرم منهم ولا ينحرمون منا ان شاء لله

ولكن

ما نعرف طعم العسل لما نذوق المر

والحياة فيها الحلو والمر

وحلاتها وجمالها بمشاكلها وعيوبها وحلاوتها

واكثر العضوات يحبون يستشيرون بحلول لمشاكلهم

او من باب الفضفضة

فوفو

 

[.،:"$الـعـوبــــة$":،.]

رد : ما أبيـــكم تجاوبوني بس فكروا عشان يحن قلبكم شـــوي

والله أنا توفى أخوي إنصدمت صدمة حياتي !! وتوفى أبوي إنكسر فيها قلبي !!
بس لما توفت أمي !! والله العظيم إني أحسها خذت روحي معها !!
الود ودي لوأنا مكانها ولا أعيش بدونها ألحين !!
وزوجي ،، لا والله فديته ،، الله لا يحرمني منه ياربي ،،
بس لو خاني أو أهاني !!
راح أعيش بدونه عادي .​

 

[Spanish Princess]

اعرف وحده اهل ريلها كانو يهينونها وصارت مشاكل بينها وبينه بسبب اهله

وطلبت الطلاق عبالها راح ترتاح << وعيالها معاها

واهو تزوج


وبعد سنين لمه بدو يكبرون عيالها احتاجت وقفة ابوهم يمهم

وطلبت منه يردها حتى لو ع شريچه

قالته كنت صغيره وطايشه

وردت



ع فكره انا متزوجه بس دايما اقرا مواضيع البنات صراحه كرهت الزواج

شباب هل وقت مو قد الزواج والمسؤوليه




مشكووره ع الكلام الحلوو .. وسوري ع القرقه *

 

[غمزه وإبتسامه]

ااااااااااااااب

 

[~وريثة الملوكـ~]

يااا عل يوومي قبل يوم من احبهم
انا ما اقدر على الفرااق اتعب حيييييل

 

[ستروبريه]

انا جوابي بتوقيعي
والله يخليلي زوجي ولايحرمني منه لوشنو سوووه
راضيه فيه بالحلوه والمره

 

[الأميرة جوري]

الله لايحرمنا منهم .....بالنسبه لي بتكون حياتي مالها طعممممم اسم الله عليه

 

[خفايا الروح]

رد : ما أبيـــكم تجاوبوني بس فكروا عشان يحن قلبكم شـــوي

.

صح كلامج

الله لا يحرمني منه .. مالنا الا الصبر .. والله كريم

 

[sKntyny]

وليش حبيتبي بعض كلامج سمحيلي مو سليم ..

يعني المرا تتحمل الاهانه والذل والمغثه ..عشان منو ريال

اذا لفت يمين ماتلقاه واذا ربت عيالها تربيهم بروحها

يعني مااشوف اي تفسير قوي يخليني اتشبث بالريل مع عيوب قويه مثلا انه يطقني ويهني لا والف لاء

اصلا ثلاثه ارباع مشاكل النساء من الرجال ..

والامراض النفسيه اللي في الحريم سببها الريال ...

لا الريال مو كلشي بحياه المرا الا اذا كان عازها ورازه ومحترمها انا اقولج هني صح

 

[(m & m)]

اخيتي اسكنتيني

شد انتباهي ردج

تعجبني الردود القويه بصراحه

وانا معاج بكللللللللللل كلمه الريال الي ما يحترم المراه مو كفو

وفي حكمه جميله قريتها بما معناها

ان المراه لازم ما تخلي الزوج محور حياتها وكل شي بحياتها لان ان فقدته راح تفقد كل شي

واذا كنتي قاريه موضوعي للاخر جان عرفتي انج ما قلتي شي يديد الي قلتيه انا ذكرته بهالثلاث جمل


هل في شي اسمه كرامه بين الزوجين ؟

ما اقولج صيري ضعيفه لكن في شغلات وايد الوحده فينا تشتكي منها

شغلات صغيره حيل . سؤالي هل تسوا الواحد يعيش بهم و حزن ويشيل هموم الدنيا

تحياتي

 

[(m & m)]

ابله كويتيه الله يقويج و يصبر قلبج

 

[(m & m)]

كويتيه لووووووووووووووووووووووووووووووووووووووووول شاكرتلج مرورج

 

[الأميرة الحزينة]

صااجه الدنيا ما تسوى شي ... مشكوورة

 

[روحي وجروحي]

لاوالله اللهم اني اسالك بأ سمائك الحسنى وبقدرتك ورحمتك التي وسعت كل شيئ ان تحفظلي زوجي تاااااج راسي وبناتي ولا تحرمني منهم ياارب وتطووول اعمارهم على الطاااعه ياااااارب
وصللي اللهم وسلم وبارك على سيدنا ونبينا محمد صلى الله عليه وسللم