ماي كيتن حبيبة قلبي مريضة مادري شسوي لحقواعلي الله يخليكم ساعودني مالي غير الله وانتو

[.jana.]

بنات انا شريت قطوة يوم اليمعه و هذا رابط موضوعي
http://www.q8yat.net/showthread.php?p=20164975#post20164975
اهيا شيارزيه مشالله عليها جنها لعبه لونها سلفر عمرها شهرين الا، مو ماخذه التطعيم رحت فحصتها الدكتور قالي مشالله نظيفة و حلوه و مافيها شي بس بعد اسبوع او عشر تيام اخذها المستشغى اطعمها، وسألته عن اكلها وعطاني حليب بودر نفس مال الاطفال بس هذا خاص بالكيتنز وقالي بعد جم يوم اخلطلها الدراي فود بالحليب مالها علشان تتعود على الاكل.

اول مارديت البيت حاولت احطها بالتراب علشان تسوي بس ماكو شي
وعطيتها حليب و ماي شربت نتــــــــفه حليب يعني تقريبا قفشه بس.ومادشت الحمام الا ثاني يوم الي اهو يوم السبت بس من غير خروج يعني بس بول يكرم السامع،، وبليل عطيتها سريلاك لاني قريت باكثر من منتدى انه الكيتنز ياكلون سيريلاك
والحمدلله كلت كمية زينه بعدين احس صار مالها خلق شي
وقعدت بفراشها بس مياااو ومياااو
ومامداني احط راسي بنام الا اهي قايمه من الفراش و قاعده ترجع.
رجعت بليل 3 مرات ورا بعض
كسرت خاطري حبيبتي بجتني والله
و عقبها حاولت اوديها الحمام و اول ماحطيتها والا اسهال يكرم السامع
مادري شفيها من امس انا مو نايمه و قاعده احاتيها
احس مالها خلق شي كله منسدحه حبيبة قلبي :_(
الحين مادري شسوي مسكينه لاتاكل ولا تشرب ماي الاكل الوحيد الي حبته خلاها ترجع و اسهال
والله احترت وياها
شسوي ؟؟؟ ؟ ؟ ؟ ؟ ؟!؟ !؟!

 

[hello1]

وديها الطبيب بسرعه اخاف تموت

 

[.jana.]

اي هذا الي بيصيير انشالله انا الحين بالدوام الساعه 3 اول ما اطلع بوديها انشالله بس تهقون بيكون الدهماء مبطل ولا لأ ؟؟

 

[فديتـ♥ترابـ♥الكويتـ]

ما تشووف شر ان شاءالله

 

[ســكره ورديه]

بسم الله عليها

صدقيني يمكن السريلاك اثر على معدتها

او اخذت لها شوية برد من المكيف

وديها اليوم وماتشوف الا العافيه يارب

 

[shayo0oma]

حبيبتي قطوتج ماخذه برد وهمن شكلج انتي اماكلتها وايد حبيبتي القطوه الصغيره بس مرتين في اليوم تاكل لان ما تتحمل الاكل ولا تقولين يوعانه وخلصت الصحن كل القطاوه جذي ياكلون وما يشبعون بس همن الاكل ع حسب العمر او اذا انتي مسبحتها اكيد خذت برد

 

[عود ومسك]

لالالا مو السيريلاك
السيريلاك خفيف على معدتها اصلاً.. فا اول ما ياكلون يحسون ان شي غريب وتقعد عاد تماوي بعدين تروح الحمام ...بالنسبه لأول مره اكيد ما تخرج لانها مو ماكله شي
فا يمكن الحليب ما ناسبها
او السيريلاك يمكن ماخذه النوعيه اللي يكون فيها عيش ومادري شنو
اخذي العادي بالقمح انا والله الكتنز عندي بديت معاهم جذي واحطلهم سيريلاك خفيف يعني ما اخليه ثقيل لانهم اول مره ياكلون
والحمدالله مافيهم شي لكن اول مره كلو على طول راحو الحمام ركض هههههههههههههه يحليلهم حسو شي غريب
والحليب كان حليب امهم وانا ساعات اعطيهم حليب قليل الدسم
والحمدالله
انتي بس طمنينا لما تردين من الطبيب يمكن حايشها برد او يمكن ماكله شي طايح بالارض ما تدرين
وهالعمر هذا يبيله اهتمام زياده

 

[.jana.]

ثانكس بنات ماتقصرون حبيباتي
اليوم اول مارديت من الدوام لقيتها نايمه شوي والا تقعد تلزق فيني حبيبتي دخلتها الحمام اول ماحطيتها والا اسهال عزكم الله بعدين وكلتها روب بالابره لاني اليوم دقيت على الدكتور عادل قالي وكليها روب او بطاط مفيوح مشالله كلت شوي بالابره بعدين نامت ادعولها تتحسن ترا نفسيتي تعبانه خايفه عليها

 

[.jana.]

ثانكس بنات ماتقصرون حبيباتي
اليوم اول مارديت من الدوام لقيتها نايمه شوي والا تقعد تلزق فيني حبيبتي دخلتها الحمام اول ماحطيتها والا اسهال عزكم الله بعدين وكلتها روب بالابره لاني اليوم دقيت على الدكتور عادل قالي وكليها روب او بطاط مفيوح مشالله كلت شوي بالابره بعدين نامت ادعولها تتحسن ترا نفسيتي تعبانه خايفه عليها

 

[shayo0oma]

اختي ممكن تعطيني رقم الدكتور

 

[عود ومسك]

جنا حبيبتي مفروض تودينها
الاسهال مو زين ممكن يسببلها جفاف
لازم تجيكين عليها والحين الدهماء فاتحين
الله يشافيها يارب ويخليها لج

 

[.jana.]

شيومه حبيبتي هاج هذا رقمه د.عادل ٩٩٨٣٨٣٢٦اهوا دكتور مصري خذيت رقمه من النت بصراحه و للامانه ولامره جربته بس اليوم دقيت عليه

 

[lojeeen]

هاذي المشكله لما تشترين قطوه من سوق الحمام اول شي انتي مو على اتصال مع مربي القطوه لازم تعرفين القطوه عند صااحبها شنو كانت تاكل و شنو الأكل اللي يربك معدتها
مو كل القطاوه تستحمل السيريلاك شيكي على العلبه لو مكتوب عليه خالي من اللاكتوز تمام بس الظاهر اهيا ما تعودت على هل نوع من الأكل

إذا ما قدرتي تودينها البيطري خليها تصوم يوم كامل بس على الماي حتى معدتها ترتاح و غصبيها على الماي كثر ما تقدرين حتى تعوض الجفاف لأن السهال مو زين حق القطاوه

و من ثاني يوم حطي لها بس دراي فود من بورينا او ميو ميكس هل نوعين وايد زينين خفاف على المعده
و راقبيها لو رجع السهال شيلي عنها الدراي بسرعه و خليها اتصوم يوم ثاني بعد و غصبيها على الماي كثر ما تقدرين
و اليوم اللي بعده اشتري لها فريسكس ميكسد جريل أو اي نوع ثاني بس ما يكون سي فود و راقبيها لازم ما يحوشها اسهال
ظلي جربي معاها لما تعرفين الأكل اللي كانت تاكله لما كانت عند صاحبها

و حطي لها الأكل بكميات قليله لأن بسوق الحمام رواعي المحلات يجوعون القطاوه حيل ما يعطونهم غير ملعقه شاي بآخر الليل بالحسره
فانتي ابتدي معاها بالقليل و اشوي اشوي زيدي لها لما تتقبل الأكل و تقدرين تسمنينها اكثر ^^

 

[♥ Saяa ♥]

رد : ماي كيتن حبيبة قلبي مريضة مادري شسوي لحقواعلي الله يخليكم ساعودني مالي غير الله

حبيبتي صارت معاي نفس حالتج بالضط ..

السيريلاك امنعي عنها منعا باتا يسبب الاسهال هذا كلام الدكتوره النمساويه اللي برويال..

تدرين ليش في لاكتوووووووز ومعدة القطوه ماتحمله شلون كيتن..

حبيبتي نصيحه لوجه الله وديها البيطري اول شي خل يكشف عليها .. واشتريها حليب خاص فيهم سعره 2 وتص والاكل مال الكيتن
واهم واهم شي مكان دافي ..

 

[Aljohara]

رقم الدكتور عادل هو
99838326

 

[tnkora]

اللله يشلفيها

 

[tnkora]

الله يشافيها يلا بروح اسبح القطوه امس مفتره لما قالت بس بالشارع وديها البيطري ترى ممكن تموت اذا ما وديتيها مثل القطوه الي كانت عند
وحده من الاهل

 

[أيام حلوة*]

رد : ماي كيتن حبيبة قلبي مريضة مادري شسوي لحقواعلي الله يخليكم ساعودني مالي غير الله

سلامتها حبيبتي ما تشوف شر

 

[بـنت الكويت]

رد : ماي كيتن حبيبة قلبي مريضة مادري شسوي لحقواعلي الله يخليكم ساعودني مالي غير الله

وديها البيطري