ماي غريب

[zain-alq8]

السلام عليكم بنات شلونكم

بغييت اسالكم عن ماي غريب حق غازات الاطفال صج فييه كحوول ؟؟؟

ولدي اذبحته الغازات ماينام ليل ولا نهار من كثر الغازات ؟؟؟عمره اسم الله علييه اسبوعين ..وقالي الدكتور لاتعطينه يانسون وهالخرابيط مو زيين ...مادري شعطييه واهو يرضع من صدري ومرات قليله من حليب ميلوبا ...بانتظاركم

 

[الأميرة جوري]

عن تدجربه لا ماي غريب ولاشيء ........سويله كمون ويانسون رقم 1 وخليه يشربه راح يرتاح وبعد يمتن

 

[مريم ص]

انا ما اعطي الياهل ماي غريب الا عقب الاربعين

بس اعطيه يانسون و 10 نقط من دوا دسفلاتيل

 

[zain-alq8]

اي كل من يقولي كمون ويانسون بس خفت من كلام الدكاتره يقولون مو زين للمواليد..مادري احترت

 

[ماعلى الدنياعتب]

فية دوا اسمة قاز حيل زين

 

[omali_store83]

احسن شي حق الياهل وعن تجربة لا تعطينه ادويه يانسون وهالسوالف

بس عطيه ماي حلوة اذا عندج احد ايبه لج من البحرين عطيه لحد رقم 2 وتقسمينه على اليوم كله يعني مو شرط يشربه كله مرة وحده​

 

[zain-alq8]

عاد توه اليوم سالت صيدلانيه رفيجت خالتي قالتلي عن ماي غريب عباره عن عصاره يانسون ويحطون نسبه قليله جدا من الكحوول ويغسووله ويصير خالي من الكحول واهو يسوونه بالكوييت وتقوول مايضر كلش ...

 

[دمثة]

فية دوا اسمة قاز حيل زين

صح هذا 100% ممتاز قاز بيبي فضيع ويتكون من اليانسون بعد

واذا عندج احد يروح لبنان خل يجيبلج دواء اسمة بيبي كال هذا عجيب للغازات والتسنين مهدئ ومنوم

 

[zain-alq8]

مشكووريين بنات اليي ردو علي

 

[Un-6be3iya]

طول عمرنا نشرب عيالنا ماي غريب مافيهم الا العافية

 

[zain-alq8]

قاز بيبي من ويين يبيعونه ؟؟

 

[^^دموع الكويت^^]

رد : ماي غريب

ماي غريب تعطينه من عمر شهر

وعادي الاعشاب ما تضر ان شاءالله

انا عطيت ولدي خلطة اعشاب خاصة لليهال من الحواي