ماي رووم

[Beauty paradise]

سلام عليكم خواتي انا حابه اغير غرفتي تغيير كامل بشتري اثاث يديد واصبغها واركب ورق جدران وباركيه بس حدددددي محتاسه وتفكيري مشتت ومحتاره بالالوااان والمشكله ان غرفتي خمسه بسته يعني عوووووووده حيل ماادري شسوي وانا ذوقي صعب مو اي شي يعجبني واخاف اسوي شي بعدين اندم بلييز ساعدوني بديزاينات حلوه وانا افضل الستايل الامريكي المودرن بليز ساعدوني ببججججي :eh_s(16):

 

[mi corazon]

السلام عليكم

حبيبتي شلون الدريشه كبيره ولا صغيره طواليه ولا مربعه ؟

شوفي دام غرفتج عوده جذي سوي نصها نوم ونصها قعده لج .. اتي جذي مسويته

او تقدرين تخلين جزء منها غرفة تبديل نفس اللي بكاتلوج ايكيا


شوفي هاللنك واخذي افكار

http://www.google.com/search?hl=en&...tA8GWkQX2kYDIAg&ved=0CDoQBSgA&biw=768&bih=928

 

[Beauty paradise]

هلا حبيبتي وعليكم السلام

دريشتي طواليه كبيره وانا غرفتي مربعه بدون زوايا زايده من جذي احس صعععععب

مشكووورة عاللنك وايد استفدت منه

 

[Beauty paradise]

الحين مادري احط الباركيه غامج والطوفه فاتحه ولا احط باركيه فاتح وطوفه غامجه مع فاتحه ولا شلون ؟؟

 

[mi corazon]

حبيبتي شلون بدون زوايا؟؟؟

الدريشه الكبيره تعطي مجال تحلي الغرفه والاضاءه


بعدين من وجهة نظري الباركيه الفاتح اذا تبين اثاثها مودرن والغامج اذا اثاثج فخم وفكتوري او سبورت للصبيان

انتي شوفي شنو تحبين

 

[Beauty paradise]

يعني قصدي اربع زوايا مافيها لفات لوووول اتمنى فهمتي قصدي

انا ما ودي تكون كلها فاتحه لان الالوان الفاتحه تكبرها زياده ودي ادخل شي غامج

 

[mi corazon]

اها

ماشي لو حطيتي باركيه غامج صبغيها فاتح والكماليات اللوحات وهالسوالف غامجه نفس الارضيه

والعكس

لو الباركيه اخترتي فاتح صبغي غامج واللوحات فواتح

انتي شنو ستايلج لو بسيط نفسي اقدر افيدج

لو تحبين الفخامه حيل واالستايل الفكتوري ترى مالي فيه ههههه بوهقج بعدين

 

[Beauty paradise]

لااااا الفخم كلش ما احبه

ابي ستايل ناعم ومودرن

 

[mi corazon]

عيل سوي نصها نوم ونصها قعده صوفا ومكتبة كتب

لو اطقين فره في ايكيا وابيات تلاقين فكر وايد

شوفي الارضيات الباركيه الفاتح بس مو حيل ( المشكله مو عارفه احط لج صور مو عارفه بالايباد)

واختاري الاثاث فواتح وصبغي الطوفه مع ورق جدران .. يعني الجزء اللي تحسين بيكون فاضي من غرفتج حطيله ورق جدران فيزخارف علشان تترسينه

وزيني الغرفة بالورد والزرع

ترى قاعده اتكلم بشكل عام لان مادري شنو الالوان اللي تحبينها ومابي اقول لج لون معين بكيفي

الحين قتلج عالستايل صوب وصوب والارضيه لونها فاتح وسط

اهم شي الاساس والباجي بتييج افكار من كل صوب

يعني لو ضبطتي الارضيه واخترتي لون حلو للطوفه وحطيتي سبوت لايت الباجي هين .. طيحي في ايكيا وبنتا وترندا وبتحصلين سوالف عجيبه

 

[mi corazon]

شوفي غرفتي

http://www.q8yat.com/t838841.html

 

[Beauty paradise]

وااااااااو مشالله عليج اختي تبارك الرحمن ذوق ذوق الله يحفظج *_*

مشكووورة عالنصايح والافاده ان شاء الله بطقلي فره بالاماكن اللي قلتيهم واذا توهقت باخذ رايج

 

[mi corazon]

حبيبتي والله موفقه

سوري ما ساعدتج هالكثر بس لان نفاس ونفسيتي داون والله

بعد عمري سورييي