ماهي العروض الضوئية

[المجددة]

اشلونكم ابلات

مثل ما هو مبين ..طالبين منا غرفة للعروض الضوئية

يعني شنو مكوناتها ؟ وشنو تحوي بالضبط ؟

فيدوني جزاكم الله خير :0bee2e8d89:

 

[nero]

ولا مره شفتها بالطبيعه

بس اتوقع فيها داتا شو (جهاز عرض) وشاشته

والغرفه لازم تكون مظلمة عشان وضوح العرض

مدرجات عشان الوضوح بالرؤية ومحد يسد على احد

 

[*أبلة*]

العروض الضوئية اللي عندنا بالروضة عبارة عن صف عادي والستاير تتسكر عادي

يعني مو ستاير سودة ولا شي

يعني مو سينما

ولازم يكون موجود فيها الداتاشو

جهاز العرض العلوي "over head"

تلفزيون

وتقدرين تزينينها باشياء مختلفة تخدم كل خبرات الروضة

من بوسترات او مصورات او حتى مجسمات من صنع الأطفال

والكراسي تكون على شكل حرف u

واذا تبين صور تاخذينها تكبرينها او تخلينها على حجم A4 علشان تنفعج بالديكور بلغيني

 

[المجددة]

مشكوره نيرو
مشكوره ابله
مشكورين على الرد بس ودي اسال مثل شنو الاشياء الي تخدم خبرات الروضه
يا ليت يا ابله طرشيلي الي ممكن تفيدني جزاكم الله خير

 

[*أبلة*]

يعني مثل صور تخدم الخبرات

مجسمات

العاب تربوية تفيدج للمسابقات اللي بعد العرض الضوئي

انتي حددي ورتبي افكارج

ولج مني اجهز لج اللي تبينه

 

[المستغفرة 74]

الله يجزاج خير يااحلى ابلة ويا اختي نيرو
بس عندنا بروضتنا عبارة عن غرفة وحاطين فيها ستاير سودة وجهاز بريجكتور وتلفزيون .ولالصفي اذا بغينا نقدمه(عروض ضوئية) بس شفافيات بدون مجسمات او صور .

 

[فراشه ذهبيه]

ممكن تزينونها باشياء نازله من فوق النجوم والاشكال الي تنور بالظلمه رسم على الطوفه

 

[*أبلة*]

تصدقون

كل روضة غير عن الثانية

يمكن على حسب المنطقة التعليمية والتوجيه

 

[شباصه ريش]

البنات كفوا ووفوا

 

[المستغفرة 74]

احنا توجيه الجهرا
كل يوم لهم راي والله يعين

 

[ام فطومه 82]

انا روضتي فيها عروض ضوئيه بكل طوفه مسوين حركه اول طوفه مسوين مسرح عرايس على شكل قلعه و الطوفه الثانيه مسرح ظل و الثالثه صابغين الطوفه بلون غامق عشان الداتا و الاخيره مشرفه التقنيات رسمت مثل حديقه هلى الطوفه كلها و عندنا مثل بورد سبوره كبير حطينا فيه كل الاشكال و الشخصيات الي نحتاجها من الجوخ و نقدر نسوي قصه عليها و كل هذا من شغل ايد الابلات و من المستهلكات يعني مو جاهز

 

[كبرت وراحت على]

انصحك بكتاب اصدار مركز التميز ( ام سالم ) اسمة اللاصفي

يعلمج كل لاصفي شلون تقدمينه وشنو خطواته

وموفقه

 

[المجددة]

مشكورين
كل الابلات اللي دخلوا وشاركو وقالوا وعطو راي بالموضوع ما قصرتو وانا باخذ بكل اقتراحاتكم ورايكم واكيد بيطلع شي حلو