ماهو. ذنبي.

[صديقتك ياليل]

ئاخواتي. أنا مطلقه. ودائم الحريم. يجرحوني بالكلام. ويقولن. لي محد بيأخذج. وأمس كان عندنا عشا وكشخت. وطلعت. والحريم قامو يوقولن. كلام يجرح بسس أول مره انفجر. عليهم. ياربي مو ذنبي ا نه. أمه ضالمه. وهو ماله شخصيه. ؤالله أكتب ودموعي تقطر عالفون.

 

[نعومة عسل]

ماعليج منهم خليج واثقه بنفسج واكشخي وونسي عمرج لانج انتي مالج شغل ومالج ذنب هذا شي مكتوب واذا في وحده جرحتج قوليلها كما تدين تدان اليوم تجرحين فيني وباااااجر الناس اللي بتجرح فيج وبتشوفين لا تسكتين عنهم ولا تستحين دامهم هم ماستحوا *

 

[granted]

شهالحريم هذيلي مو حريم الا

حياتي ماعليج منهم هذيلا مستحيل يتطورون
العالم وصل القمر وهذيلا تفكيرهم للحين جذي.
انا اعتقد محنطين عقولهم النظام مهنق وياهم على ايام يدتي لازم يسوون فورمات لمخوخهم
خلهم اهم والطوفه واحد عطيهم طاف لاتكدرين روحج من هالاشكال

واهم شي لاتصيرين انهزامية شنو مو ذنبي ؟؟
اصلاً مو من حقهم يتحجون بنص كلمه مالت عليهم هذي خصوصيااتج ماالهم شغل يتعدون عليها
حريم. عقلهم ناقص بس هممهم يتعلجون بسيرة بنات خلق الله والوحده كلها عيوب ماتطالع روحها

 

[є 3 τ и α q]

عمرَ الطلآقَ مَ كآن تقليل من حق البنت !
وعيب اللي ينآظر غيرههَ ويتجاهل عيوبههَ


الطلاق مَ قلل منك ولا منَ ثقتك
بَ العكس , اضربيَ ب كلامهمَ بَ اقرب مكآن


وقويَ ثقتكَ ب نفسك ..
مو تبكينَ و تضعفينها !



ولا يحسبون ان الدنيآ هذي دايمهه ع حال
يمكن يجيهم وربي يرد شتيمتهم عليهم


ابتسمي ولآ ابدآ تعطين هالاشكال فرصهه
انها تهزكك او تضعفك او حتى تعطينها اي مجال للتفكير

 

[أم يزيد &سديم&]

المطلقة اسمها منطلقة مو مطلقة
بعدين ترى الطلاق نعمة من رب العالمين على الزوجة خصوصا إذا كانت مظلومة
الله فوق الظالم
ربي ينصرك على من عاداك

 

[مسك الغرام]

اختي الله يعينج والله
اذا هو ماله شخصيه شلون عرفتي من شي معين
وامه ظالمه لا حول ولا قوه الابالله ماتخاف من حساب ربه شنو هذي ياربي لا تبلانا تيب
انتاي تو تنفجرين علينا من شنو اللي خلج تنفجرين انتي تعرفيهم معاهم حييل او عادي

الله يستر عليج واذا محد تقدملج النصيب مو عليهم عليه الله عز وجل
لا تاخذين بخاطرج يمقن خير كل تاخيره فيها خيره كل شي مقدر ومكتوب

وسعي صدرج

 

[برنسس كاتي]

الطلاق ربي شرعاه لأنه رحمه للناس
وهل حريم ما عليج منهم حبيبتي استغفر الله بعض الناس ما ينعطون وجه !
بكرا هما ولا وحده من بناتهم بيتطلقون لانه الشماته مو زينه
وما عليج عادي كشخي ولبسي وطلعي وروحي وكل شي ولا عليج من أحد
وعادي ترى الحين كثير يتزوجون مطلقات وبعض الناس يفضلون المطلقات بعد
وتشوفين البنات قاعدين في بيتهم
فلا تيئسين وتزعلين وما عليج منهم :eh_s(7):

 

[mona q8]

حبيبتي لا تضايقني نفسج
الناس ما عندهم شغل أنا عمري
٢٢سنه اللي يشوفني يقول ليش لي الحين
ما تزوجتي يحسسوني عانس
والله الناس ما عندهم غير القيل والقال
الله لا يسامح كل وحده تتكلم بالناس
وكلي امرج لله وطنشي

 

[مرتبة]

تبطين علشان منو ياخذج
قولي مومحتاجه ياخذني احد اهم شيء ما اكون نبيكم حياتي منوخذا تحت ظل سيد سيد مره يونسني وعشرا يؤهلني
انا حابه نفسي قبل لا احب نفسي لشخص حاب نفسه اكثر مني
وانتم لازم تحبون نقسمه مو علشان زوج حاب نفسه اكثر من ان يحبكم

ودلعي نفسح وونسيها
ترى محترين منج بأشياء هم فاقدينها
بقولك شيء
بنت عمي مطلقه مشاء الله غالبه البنات بالتكشخ والوناسه والثقه

 

[Patcholli]

اشدعوه شالناس اللي ماعندها مشاعر ولا ذوق بدال لا يواسونج يجرحونج ؟؟
الله يعينج على هالعقليات التعبانه المريضه
واشدعوه يعني شنو مطلقه واهم شدراهم محد بياخذج؟؟
مو ماره عليهم وحده تطلقت وردت تزوجت ؟؟ حمدالله والشكر
اشكثرهم اللي تطلقو وردوا تزوجو لا وعندهم عيال بعد ..
وزين سويتي وقفتيهم عند حده وانتي مالج ذنب بس هذيل مرضى الله يشفيهم

 

[Patcholli]

وقوليلهم انا وحده اهم شي عندي راحتي ما اقعد منذله ومتبهذله بس عشان الريل اذا زواج مو بالمعروف مابيه ولا يشرفني

 

[طعنـــة غـــدر]

ضعفج وانكسارج الحين وهالفترةتراه ازمة وبتعدي
راح تصيرين قوية وتكون شخصيتج قوية لكن انتي خليج قريبة من ربج والله والله ماكو شيء اسمه مستحيل عند الله وان شاء الله تاخذين سيد الشباب لكن عليج بالدعاء بالسجود اللهم ارزقني الصبر والله ارزقي الحكمة ورجاحة القول والفعل ويارب قوي شخصيتي بالسجوووود محد يدري عنج غير ربج

وعسانا نشوف توقيعج يكون في عداد الزواج يارب
موفقة خيتو

 

[ماكواسم2]

واذا مطلقه يعني نهاية العالم ...حبيبتي مالج شغل فيهم يبون يكسرونج وله اشعليهم منج الظاهر انتي احسن منهم ويبون يقللون من ثقتج بنفسج ..حريهم كله كشخي وخلييهم ءاخر همج علشان يموتون حره انج مو مهتمه فيهم .صج ناس متخلفه

 

[صديقتك ياليل]

فديتكم ؤالله. ئاخواتي. ؤالله. كلامكم وسسع. صصدري. الحمدلله أنا مدلله عند أمي وأخواني بسس الناسس. ماترحم. ؤالله فوق الكل. وأمه مو بسس إظلمتني. إظلمت وراي مره ولدها الثاني. ي بسس. حسسبي الله ونغم الوكيل

 

[مَلآئِكِيَّه.]

آلطلآق عمره مآكآن عيب ولآحرآمَ
حآولِيْ تكوني قَويَّه ووآثقه قدآمهم لآتخلي كلآمهم يهزك أبد !!
وكثير شخصيآت مريضَّه كذآ مآتحترم آحد ولآتقدر شعُوره لآتنزلي دمعه من عينكِ لآجلهم
وربي يعوضَك ب اللي آحسن منه آن شآء الله
قولي آمين

 

[ديانا سبنسر]

خليهم يولون. مالج شغل فيهم تلقينهم احترو من كشختج قالو خلنا نضيق خلقها والله مطلقة ومعززة ومكرمة ببيت. أبوي وبين إخواني ولاقاعدة عند دلووووع إلماما بالعة. موس. وساكتة علشان شنو يقولون عني متزوجة

،لاتخااااافين كلامهم. وتمسخرهم. علييييج يعجل يرزقج لان الله نهى عن السخرية
ة

 

[يـاكـرهـي $:]

واذا مططلقه شفيهاا !!
وليش تاثرتي بكلامهم ترى الرزق على الله حبيبتتتي وماعليج منهمم
ترى مايقولون جذي الا محترييين ولا تنهزز ثقتجج قدام هالاشكال @@!

 

[صديقتك ياليل]

ئاحياتي انتم