ماني قادره أنام تكفون دشوا يا امهات الصبيان

[احلى ديما]

السلام
بدش.بالموضوع على طول انا باجر طهور ولدي بمستشفى السلام عند دكتور أشرف.كابش وبصراحة ماني قادره أنام والله ماغمضت عيني من التفكير كل ما أتخيل شكل الدكتور والسستترات ماسكينه ويطهرونه واهوا حبيبي قلبه ذايب من البجي
تكفون اللي طهروا.عيالهم يطمنوني شلون تكون حالته بعد الطهور ؟ يعني لما يطلعونه لج يكون يبجي والا ساكت والا شنو الوضع ؟ والاهم من هذا.كله يحطوله بنج موضعي وقت العمليه والا يخلونه جذي ؟؟؟؟ وشنو احسن نوع طهور حلقة والا شاش والا مقص حراري مادري شسمه ؟؟
تكفون بنات ريحوني الله يريح بالكم

 

[احلى ديما]

اي ونسيت اقولكم ولدي عمره 12 يوم

 

[saastar]

هلا حبيبتي أنا ولد أخوي طهروه لما كان عمره 8 شهور بالهادي كان بنج عام ولما طلع من العملية كان يبجي لأنه كبير بس ولدج صغير عيالنا دايم نطهرهم بالبيت وهم بالأربعين ويبجي وقت الطهار بعدين ينام ويومين ويبرى الجرح عادي ماراح يحس صغير

 

[احلى ديما]

حبيبتي saastar ماقصرتي تسلمين عالرد

 

[بنت الاحلام]

لا تخافين يحطون له بنج ما يحس

 

[ميما الاموره]

لاتخافي عزيزتي
هاد شي طبيعي
راح يكي وهو بتطهر بعدين انت رضعيه وراح ينام على طول
ويومين والجرح بطيب
بس نصيحه ماتشوفيه والدكتور بطهره لانك ماراح تتحملي تشوفي ابنك ببكي
​

 

[Vip qatar]

حبيبتي انا ولدي بكره بيكمل اسبوعين وطهروة في المستشفى وعمره ٣ ايام حطولة بنج موضوعي وخذوة مني ويوم رجع كان يبجي بس عقبها نام وسكت وعادي عقب على قولتهم الالم يكون في اول بولة الله يعزج وعقب عادي والحمدلله انا ماشفت شي لانه صج كنت باتعب والطهور كان شاش

على فكره انا من قطر واحنا عندنا يطهرون البيبي وعمره يومين او ثلاث بالكثير عشان مايحس نفس البيبي الكبير والله اريح ماتحسين

 

[توحه1]

لاتحاتين ٣ ايام بعدها كانها شي لم يكن بس احتمي فيه غيريله على طول وصبي وغسليه بماي وملح

 

[فجوره]

عادي حبيبتي ثواني وينتهى الألم ومع أول بوله باذن الله خلاص
ما راح يبجي مره ثانيه وأحسن شيء الشاش

 

[PuPa^^SWeeT]

اللي اعرفه انه بس يوم واحد يتاذى


بس بعديين ععادي


انا ام بنات


بس اشوف خواتي و رفيجاتي هذا كلامهم

 

[كتكوته حبيبي]

وانا بعد بعرف ولدي بطهره لي صار عمره 7 ايام بالسلام ومفكره بالمقص الحراري بس يعمري مراح اتحمل يبجي واايد قلبي يتقطع عليه

 

[المكسيكيه]

لا تحاتين ياقلبي ما عليه الا العافيه

 

[q8 knosha]

دام عند هل دكتور وانتي مغمضه وتطمني

انا ولدي عمره سبوع يوم طهرته وكنت احاتي ابوه اللي وداه

بس اول يوم كان يبجي شويه بس وقت ما اغيرله يبجي بس يعطيج كريم له بس تعصرينه عليه وتلبسينه

وثاني يوم بيخف وايد البجي وثالث يوم مافيه الا العافيه

صج صج راااحه لا شاش ولا حلقه ولاشي ومايتعبج ولا يأذيج

وطمنينا

 

[مشتطـه]

وااااي ذكرتيني بما مضى
اهو يبجي وانا ابجي وياه أح ياقلبي قلبه
عذااااااااب البجر

بس ماطول 4 ايام جذي

ويوم شالوه بطني عورني

 

[احلى ديما]

بعد عمري فديتكم كل اللي ردوا
الحمدلله طهرناه بس انا ماقدرت اروح امي وريلي اللي ودوه وكاهو مافيه الا العافيه بجى شوييييه اول يوم وبعدها الحمدلله مافيه شي

 

[أبكاني ذنبي]

الحمدلله خلاااص انتهت المعاناااه


شفتي ربي سهلها


انا جذي بجيييييييييييييت اكثر منه والتهب جرحه وحالتي حاله معاه بس ربج يسرهاا

 

[جذابه بنت ذيابه]

سهالات ان شاء الله لا تحاتين

 

[noor83]

بنات ودي اسالكم انا ولدي طلع نايم بعد التطهير و ما شرب حليبته عادي؟

 

[فـراوله]

ههههههههه ذكرتيني بولدي الاول كنت ميته خوف وأبجي أكثر منه

بس بولدي الثاني خلاص صار عندي مناعه ولا سويت مناحه >>>>> جنها حلوه صح



حبيبتي نور عادي أنا عيالي جذي يطلعون نايمين وما يشربون حليب




​

 

[& دلوعه زوجها &]

,, ههههههههههه ياحبيل العيال يناسو عادي تطمني شغله بسيطه كلها دقايق بذن الله
لكن.. الي تسيونه غرقي الشاش بزيت زيتون وخوا جوا وتركيه اليما تطيح الشاش من نفسه انا يوم كنت بولدي راح فيه ابوة وامي وبسم الله عليه عدت علي خير الله يصلحوة ويحفظوه يارب .. بوسيلي كتوكوتك