ماني عارف شسوي؟؟

[sona87]

السلام عليكم بنات

انا توني عروس صارلي شهر متزوجه
ريلي ريال ولد ناس واصيل ويخاف الله ومصليوكل صلاته بالمسيد

لكن في اطباع تهبتني قاعده اطوف لناه في ايجابيات لكن انا بشر ولي طااقه وتحمل

انا متعوده على الوناسه واليمعات بيت اهلي وخواتي
اهوا وحيد امه بين اربع بنات

وكل خواته متزوجات بس انا امه واهوا بالبيت وانا لي دور كامل فوق

ويحبني وكل شي

بس نوعه مايسولف وايد كله مجابل افلام على جنل 2 وغيرهااا وانا كاني مخده يمه
ولا يحب يطلع وايد وانا وانا بشرر لازم اغير روتين ... احاول البس واسولف معاه واتغشمر بس احس جامد

وانا طبعي رومانسيه واحب السوالف والفرفشه


ولا مقصره بحقه اغسل ملابسه واكويهم واسوي له العشى وادور رضاه
واذا صارت لي طلعه ولا زواره بيت اهلي بسج طلعات ويتضايق واذا بنقاشه بموضوع يحقر ويجابل التلفزيون



ماني عارفه شسوي

والله بيت اهلي ارحم لي



ما ادري شنو كتبت من القهر والله بصبر لاني مطلقه .....وقاعده احاول اطالع ايجابياته بس

مثل ما انا اعطيه ابيه يعطيني تعبت


​

اللي عندهم خبره نصحوني

 

[حشمه]

الحمدالله ايجابياته اكثر من سلبياته والله يهنيكم ويهديكم

جربي تناقشينه وقولي له مثلا يوم بالاسبوع تغيرون جو

تطلعون تمشون سينما ولو ماوافق كل اسبوعين مره

المهم لج يوم معاه تغيرون جو ولا فرضا اقترحي

تطلعين معاه ومع امه تعشون ولا تغدون

تحجزون شاليه ولا فندق اقترحي عليه وان شاءالله يوافق

واما زواره اهلج شنو اللي مضايقه مثلا تقعدون حزه طويله مثلا

من الغدا لي العشا ولا شنو حاولي تعرفين شنو مضايقه

وحاولي معاه زواره اهلج شي اساسي خاصه الوحده فينه

تمل تبي تشوف امها واختها مره بالاسبوع كلميه وان شاء الله يقتنع

الحين انتي مليتي بس ان شاء الله مستقبلا لي ياج الضنى

بتحسين ماكو وقت حق شي

 

[SWiiiRZ]

عاادي والله انا زوجي كان جذي اول الايام لدرجه اني كنت ابجي من الملل

ما جني يمه و كله يوتيوب تلفزيون برامج ايفون و ايباااد وانا يمه

و ماكو سوالف وان سولفت ما جني اتكلم

بس بعد ما صارحته و قلتله كل اللي بقلبي فهم شوي و حس

قام يطلعني و نروح طبعا مو واااايد بس تغير عالاقل شوي حس فيني

والله يهنيييج

 

[seventy7]

يمكن لانج حاطة التلفزيون بغرفة النوم حطيه بصاله

 

[سيلينا]

ما تتوقعين ان فترة شهر شويه توكم يعني عشان تفكرين او قعدتج في بيت اهلج ابرك

حددي يوم بالاسبوع لطلعتكم مع بعض بشكل مبدئي ممكن تزيد بعدين
ويوم زوارتج في بيت اهلج
ويوم طلعتج مع خواتج او رفيجاتج على حسب وضعج

وانتي بعد سوي لج شي الطلعه مو كل شي يعني شوفي شي تسوينه فترة الي انتي بالبيت يونسج وتضيعين وقت فيه

ولازم تناقشينه بيني له الي مضايقج وان لازم لج وقت بيومه تقعدون وتسولفون يعني مثلا المغرب تسوين قهوه ولا شاي او حلو وتقعدون برواق من غير تلفزيون

** يمكن انتي متعوده على روتين معين في بيت اهلج ,, هالروتين اكيد بيتغير ,, والزواج مو كله طلعات ووناسه خلي قعدتج مع زوجج تكون فيها وناسه لج ,, كلها فترة وتبدين تتعودين على الروتين الجديد

 

[زوجة عزيز]

اهم شي انه مافيه عيب قوي الحمدلله وعادي قولي له الا يوم بالاسبوع اشدعوه كل يوم بتطلعين !!! يعني اهو لازم يروح حق ربعه بعد خليه يوديج لاهلج واذا رجع رجعي البيت

 

[Killer^Girl]

تحملي كل الناس في بدايه الزواج جذي
باجر اذا صار عندج عيال يتغير الوضع

 

[شطانه طفله]

الله يهنيكم والحمدالله صح ايجابيات اهم من السلبيات واهوا بطبعه بيتوتي وقولي الحمدالله جذي ولا اسوء

 

[فيلسوفة قلبي]

الله يهنيج حبيبتي

لا تشيلين هم ماأشوف فيه مشكلة ..

يمكن لأنه توه داش حياة جديدة ولسه ماتعود عليها .
أصبري وأنتي حاولي لا تنرفزيه كثير بالطلعات ..


أنا ريلي كان جذيه لا ماكو طلعات الأ نادر وإذا رحت عند أهلي حدي نص ساعة أو ساعة

وصبرت وما تذمرت له خليته على هواه

بس ألحين تغير صار بروحه يقول لي شو رأيج نتعشا برا أو نروح المكان الفلاني ..

أسبوعيا صرنا نطلع ونغير جو ..

صبري وعسى ربي يغيره لج للأحسن

 

[M!SS.LOBY]

حبيبتي حاولي تخلينه يسمع كلامج بأسلوب

واذا ناقشج عالزوارة أهلج او تضايق

قولي مثل ما أنت لك حق علي

حتى أهلي لهم حق علي لا تقعد تتضايق بيوم الزوارة واذا ريلج ثقيل عليج حيل

خلج انتى ثقيلة نفس مثلة

 

[الـجـميلة]

ونا نفسج زوجي بس مقابل اليتيوب و يتراسل هو واصدقائة وتلفزيون بس انا مرتاحة كذا كثرة كلامة مالها لزمة فيسكت احسن بنسبة للطلعات متي ما صارت براسي طلعه بس بالحد المقول مثلا بالاسبوع مرتين اقولة عادي ابي اروح المكان الفلاني وعادي لانة هو بس للتوصيل انما نخرج مع بعض نو حتى انا مارتاح لانة راعي فلسفة زايدة مايصلح جوة غير جوى اما اهلي ماله حق يمنعني منهم اقعد عندهم للحد الي ابية والوضع عادي فا انتي حبيبتي وضعك طبيعي مية بالمية شوفي ايش الي نفسك ترتاحلة وسوية عودي زوجك علية ونا اقترح ان كانة راعي قرقه تجنبي القعدة معة لان الرجال سعات يغث ويقلب ايامك عش عش لك يومين :ggdw:

 

[مذهلة2013]

حبيبتي ناقشينه عااااااادي ترا اول الزواج بدايته والله لوووووووويه لانه كل واحد طبعه غير عن الثاني ويصير مشاكل بدايه الزواج حبيبتي عاااااادي

حاولي تكلمينه على رواء وجذي وان شاءالله خير

 

[sona87]

حبيباتي ماقصرتوا
بالعكس انا ماودي كل يوم طلعات بس لو كل اسبوع مره

تغير روتين
وانا قاعده احاول اغير روتين البيت واسولف معاه بس يقولي هذا طبعي


بحاول اغيره .... وربي يقدرني

وقاعده اقول لاني باجازه يمكن مليت من البيت
الاسبوع الياي بداوم يمكن يتغير الروتين .... وبحاول انا بعد اعزمه علشان شوي يتعود يتطلعني لو مره بالاسبوع

بس في سؤال؟؟؟

من خذاني ماعطاني مصرف

علسان موظفه مايعطيني؟؟؟؟ ماني عارفه؟؟؟؟

 

[عزوتي خمس صقور]

كثر الدق يفج الحام ضلي صامده ع موقج لين مايتعود ع حياتج
لانه طريقه عيشته تجيب النكد

 

[granted]

طلعي مع خواتج ورفيجاتج مو معاه
الله والطلعه معاهم عاد استانسي وخله اهو مع التلفزيون مرده بيمل

 

[ماريا.]

أييي نفسي أنا مجابل التلفزيون وحنا تونا و متزوجين ومايسولف مليت ويطلع مع ربعه وايد
لدرجة كاشختله هدني وطلع شسوي والله قهرني يقولي أحلفو علي قال

 

[ماريا.]

الله يسخرهم لنا انشالله

 

[انسام الكويت]

عادي مافيه شي الريال .....طبعه بيتوتي وهادي وكتوم ...

لمن يكون قاعد بالبيت قعدي معاه سولفي وهذري فوق راسه

لانه شكله يحب يسمع اكثر من انه يسولف .... وبعدين انتي توج

لج شهر متزوجه توكم ماتعودتوا على بعض وعلى روتين الزواج وغيره

باجر اداومين بتلتهين بنفسج ... ومع الايام لي تعودتوا ع بعض بيسولف معاج ويبغثج

وبتغير بعض من عاداتكم اللي كانت قبل زواج ... وبخصوص انه مايعطيج معاش اهو شافج موظفه

فعباله مو محتاجه هالشي اذا تبينه تاخذينها بطريقتج يعني قطي له نغزه انه رفيجتج ريلها يعطيها مصروف

واهي موظفه يحليله ريلها طيب ... يعني جيسي نبضبه شنهو ردة فعله وبعدها عاد تقدرين تقولين له بطريقه حلوه

انه يمشيلج مصروف اذا كان مقتدر ماليا..

 

[حشمه]

حبيباتي ماقصرتوا
بالعكس انا ماودي كل يوم طلعات بس لو كل اسبوع مره

تغير روتين
وانا قاعده احاول اغير روتين البيت واسولف معاه بس يقولي هذا طبعي


بحاول اغيره .... وربي يقدرني

وقاعده اقول لاني باجازه يمكن مليت من البيت
الاسبوع الياي بداوم يمكن يتغير الروتين .... وبحاول انا بعد اعزمه علشان شوي يتعود يتطلعني لو مره بالاسبوع

بس في سؤال؟؟؟

من خذاني ماعطاني مصرف

علسان موظفه مايعطيني؟؟؟؟ ماني عارفه؟؟؟؟

هالموضوع حسب طريقتج معاه في رياييل مايعطون

مصرف للموظفه الا اذا طلبت ولا احتاجت انتي شنو تبين

تبين لما تحتاجين يعطيج ولا كل شهر يعطيج مبلغ بدون قول

كلميه بهالموضوع كل اثنين وطريقتهم شوفي شنو يريحج

انا عن نفسي من تزوجنه قالي من تحتاجين تعالي اعطيج

شوفي شنو طريقته وشنو ترتاحين عليه

 

[sona87]

ماقصرتوا حبيباتي


انا نوعي استحي اطلب من بيت ابوي انا جذي ابوي ايني يسالني محتاجه فلوس

الله كريم وربي يسر اموري