مالي نفس اكلم زوجي ‏....شتنصحوني ‏‏?‏

[tersheya]

​

السلام عليكم

اشلونكم بنات ‏،،

انا زوجي دبل جبدي بشغله

والحين مالي نفس اكلمه ‏،،،

احس متضايقه منه ‏،،،

وشايله بقلبي عليه ‏،،،

صارلي يومين ماكلمته ‏،،،

بس انفذ طلباته ‏،،،

اما السوالف مافيه ‏،،،

وانا طبعي من يدخل على طول

اسولف والحين لا ‏،،،

شتنصحوني ‏،،،‏ ماني قادره اكلمه

ودي بس النفس ثقلت وشالت عليه

الله يسامحني واياه ‏،،،

ادعولنا الله يهدينا ‏،،،

 

[امواج الكويت]

نفس الحاله ما اكلمه ولا يكلمني من امس اثنينا معاندين بعض بس انا عكسج مشتاقه احضنه واصلاً كل ما اشوفه امسك الضحكة غصب

 

[صخر جلمود]

لآزم تفاهموون وتحطوون النقط فوق الحروف وقوولي كل اللي بخاطرج

آما آنج تزعلين مو حل

 

[a7la MUM]

رد : مالي نفس اكلم زوجي ‏....شتنصحوني ‏‏?‏

ماكو الا انج تكسرين الحاجز اللي بينكم مومعقوله
يومين واي شلون تقدرين
هذا ريلج مو صديقج ولا زميلج هذا اللي بتعيشين العمر كله معاه
ذكري الله روحي لريلج وكلميه ولمييييييه
تعوذي من الشيطان بس

 

[المدينه]

لازم تتفاهمون ليمتى

 

[ياليل مااطولك]

قولي لوة حط النقط على الحروف ابل متطلع سوا على الروف هههههههههههههههههههههه بعدوا الشيطان عنكم ترا الشيطان افرح ما يفرح ان يفرق زوجين في هذا الحياة ----

 

[tersheya]

رد : مالي نفس اكلم زوجي ‏....شتنصحوني ‏‏?‏


انا بجيت وتعبت

ودي ابجي بعد

باستغفر ربي اكثر من مره

وعسى الله يهدي قلبي

وعسى الضيقه اللي بنفسي تروح

يعطيكم العافيه على ردودكم ‏

 

[الباحثه]

حبيبتي الدنيا ما تسوي كلشي حطيه ورى ظهرج كون ان ريلج بخير وصحه وهذي اكبر نعمه

تخيلي الله لا يقوله لو مر عليج يوم وكنتي تنطرينه يدخل من باب البيت كالعاده وما دخل شنو راح تسوين بوقتها

تعوذي من ابليس و عيشي حياتج تطبيعيه مع ريلج وتفاهمي معاه وقولي له اللي بخاطرج وعاتبيه بس لا يشيل خاطرج عليه اذا السالفه بسيطه

 

[شيخة الغراشيب]

الله يفرج عليكم ويهديكم لبعض لازم واحد فيكم يتنازل مايصير غناتي
لاتخلين الشيطان يفرق مبينكم اشتغفري ربج ابدي تكلمي معاه شوي شوي
ان شاءالله مابيصير الا كل خيييييييييييير الله يهدي سركم

 

[iLLuMinaTion]

ودي ابجي بعد

 

[أم حوور]

الله يهدي سركم



لي متى هالزعل


كسري الحاجز اللي بينكم .. وتفاهمي معاه

 

[حبيبه بدر]

الله يهدي سركم



لي متى هالزعل


كسري الحاجز اللي بينكم .. وتفاهمي معاه

 

[جذابه بنت ذيابه]

رد : مالي نفس اكلم زوجي ‏....شتنصحوني ‏‏?‏

الله يهديكم واكسري الشرر يا الغلا

 

[Tom ♥ Jerry]

رد : مالي نفس اكلم زوجي ‏....شتنصحوني ‏‏?‏

.


يمكن حآمل ؟
انا لمآ آحمل مآلي خلق زوجي و كلآ اروح بيت ابوي و ابجي و ابي اتطلق لووول
و الله جد ! هرمونآت تغير ! :/
ادعي ربج يهديج و يهدي زوجج لج :*

 

[الأميرة جوري]

رد : مالي نفس اكلم زوجي ‏....شتنصحوني ‏‏?‏

الله يهديكم لبعض ....

 

[مناير ...!]

رد : مالي نفس اكلم زوجي ‏....شتنصحوني ‏‏?‏

الله يهدي سركم

 

[Um Turki]

تبون النصيحه الي راح تسعدكم ابدو انتم ترى راح تكبرون بعينهم ومافي شيء يستاهل الزعل والله لو انه خاين
فكروا زين مافي شيء يستاهل

 

[ام كوشه منكووشه]

رد : مالي نفس اكلم زوجي ‏....شتنصحوني ‏‏?‏

عسى الله يهديكم ويصلح مابينكم

 

[pusy cat]

تبين نصيحتي

بوسي راسه وقوليله آنا آسفه اني ضايقتك او شديت معاك بالكلام

حتى لو انج ماغلطتي

صدقيني راح ترتاحين راحه مو طبيعيه وراح تكبرين بعينه

والله الزعل راح يتعبج ولا راح ينفعج بشي

مالج الا زوجج ماراح يفيدج المكابر والعناد

 

[الفنانة لؤلؤة]

الله يصلح حالكم ويسهل أموركم
ويهديكم يا رب

الله يسخركم لبعض فيما يحبه ويرضاه

استغفري حبيبتي جود الله يمسح على قلبج وترتاحين