مالي غيركم افضفض له :"(

[حنان الذكريات]

مساء الخير بنات...
بصراحه انا احس نفسي شوي متضايقه ومالي غيركم افضفض له ..
انا بدخل بالموضوع على طول ...قبل امس كنا رايحين انا وامي عشان نزور عمتي في بيتها ..وبين السوالف جان عمتي تقول حق امي تصدقين ان يارتي يتلي وقالت لي انتوا خوش عايله وكشخه .ما عندكم بنات للزواج حق ولدي وهو مهندس ومن العايله الفلانيه ويبي وحده طويله ورشيقه ...
عاد شنو تتوقعون عمتي فالت لها ؟؟؟ قالت لها ما اعتقد ان عندنا بنات !!!!! جان تقول لها ما تبين بنتي !!(بنتها بالمتوسطه ) وردت عليها المره وقالت لااا بنتج صغيره واايد
تخيلوا عمتي قالت لنا ردها حق يارتنا اشكره !! جان مرت عمي تقول لها جان قلتي ان عندنا بنيه مهندسه وبنفس المواصقات اللي يبيها الولد ( هي تقصدني انا ) جان عمتي ترد عليها وتقول لها لا انا مالي شغل وما احب ادخل نفسي بهالسوالف ؟؟؟؟
مسكينه امي ما قالت ولا كلمة ......لما ردينا البيت قلت حق امي من صجها عمتي تصرفت جذي؟؟؟ جان تقولي امي لا يهمج احد وان شالله ربي بيرزقج احسن واحد دام ان نيتنا صافيه
بنات انا ادري ان كل شي قسمة وصيب بس يحز بالنفس اني اشوف عمتي تتصرف هالتصرف وما تبيلي الخير !!!
على فكره عماتي و يدتي كلهم جذي ودايما ما يبون لنا الخير ويبون الشي الزين حقهم وبس ..مع ان امي والله تحبهم وما تتصورون شلون امي تعاملهم على الرغم من طريقتهم المو حلوه معاها ...
انا بس حبيت افضفض لاني صج واايد متضايقه ....ادعولي ان ربي ييسر اموري ويرزقني باحسن ريال ويعطيني على قد نيتي

 

[كسر قلبي زماني]

صح شي يضاايق ويحر القلب !!!


بس عمتج خايفه تاخذين مهندس

لان الناس تجوف الدكتوور والمهندس شي كبير عرفتي لا تتضايقين والله الله يبلج النصيب الزين

 

[kunooz]

تدرين نفس سالفة عمتى !!!!!!
وحده من معارفها سالتها اذا عنكم بنات جامعيات و جذي و قالت لها عمتى لا مع انه اختى موجوده يعنى بس ما يابت طاري اختى لووول يالله يمعوده كل شئ نصيب و مو اهم اللي بيوقفونه

و عسى ربي يرزقج و يرزق اختى يالزوج الصالح عاجل غير اجل يارب و يسعدكم

 

[الرياش]

وااااااي صج حرتني عمتج ........حتى مرت عمج أحسن منها
وبعد لها عين اتقول
يارب يرزقج بولد الحلال عاجلا غير اجلا يا رب العالمين

 

[غمزه وإبتسامه]

الله يرززقج بلي احسن منه

 

[pure.soul]

كل واحد الله بيعطيه على قد نيته .. و كما تدين تدان الحين بنتها صغيره بس لما تكبر راح اتحسف على تصرفها اللي كلش ما فيه نحاسه !

يعني استغفر الله جذي ناس ما تحب الخير حق اقرب الناس لها يعني بنت اخووج الحمدلله و الشكر .. الله يعين لو بنتها كبرج جان اشسوت هاذي بنتها صغيره و جذي ..

و انتي ان شا الله ربي يرزقج اللي احسن منه و النصيب بيد الله سبحانه .. و الله يهدي الجميع

 

[am_kshaa]

الله يهديها بس يمكن اهيا ماتحب تسوى جذى علشان لاسمح الله باجر لو صار شى ماتقولون لها كله منج
فى ناس وجهه نظرهم جذى

 

[حنان الذكريات]

مشكووورين لكل البنات اللي ردوا علي ودعولي
am_kshaa هي مو قصدها عشان لا تدخل نفسها لا ...اهم اساسا يعاملوني انا وامي جذي من زمان وهم جذي
الله كريم ان شالله ويرزقني ويرزق كل بالبنات بالازواج اللي يتمنونهم ان شالله

 

[أم حمادين]

الناس بها الزمن ماتبي الخير حق اقرب الناس حقها لاحول ولا قوة الا بالله ماعليج لا تحترين ان شالله ايي نصيبج وتستانسين مع الريال الي يستاهلج يارب

 

[رنه خلخال]

يمكن ماتقصد وصج ماتبي ادخل نفسها يمكن اذا صار نصيب وباجر صارت مشاكل ممكن ينقط اللوم عليها ان الولد واهله يايين من طرفها بس دام امج قاعده ليش ماتكلمت عنج عالعموم الله يرزقج بالاحسن ان شاءالله موفقه

 

[سكنت الصمت]

الناس بها الزمن ماتبي الخير حق اقرب الناس حقها لاحول ولا قوة الا بالله ماعليج لا تحترين ان شالله ايي نصيبج وتستانسين مع الريال الي يستاهلج يارب

رد في اللصميم اي والله صادقه مايبون الخير الا لنفسهم بس

لاتشلين هم ولا عليك الرزق عند الله وربي يعطيك على قد نيتك​

 

[حنان الذكريات]

الناس بها الزمن ماتبي الخير حق اقرب الناس حقها لاحول ولا قوة الا بالله ماعليج لا تحترين ان شالله ايي نصيبج وتستانسين مع الريال الي يستاهلج يارب

اي والله صح كلامج حبيبتي ...مع ان احنا واايد نعزهم ونحبهم وما عليهم اي شي
بس يالله الحمد لله على كل حال ومشكورة عالدعوه الحلوه

 

[احبس دموعي]

الله يوفقج

 

[أم حيدر]

ولا تحطين في بالج

أكيد رب العالمين كاتبلج شي أفضل من هالانسان

وعمتج مجرد سبب أبعد هالصبي

خلي ثقتج برب العالمين كبيرة وبيرزقج من حيث لا تحتسبين يا مهندستنا الحلوة

 

[جماااانة]

ياقلبي لاا تتضايقييين ربي يرزقج باللي احسنه ومثل ماقلتي كل شي قسمة ونصيب ومحد يعترض على قسمته

واصبري ان الله مع الصابرييين

وتوقيييعج عجبني

لا أملك غير الإبتسامة و التفاؤل والامل

اهم شي الامل

 

[ترانيم القصيم]

الله المستعان , لا تكدريـن خاطرتس ياوخيتي ..

ادعي الله و إن شاء الله ييسّر لتس آللي أزيـن منّوهـ و تذكّري

ما أصباكـ لم يكن ليُخطئكـ , و ما أخطأكـ لم يكن ليُصيبكـ

موفّقة عسّولة

احترامي و تقديري

ترانيم القصيم

 

[Qumaar]

لا تحطين في خاطرج حبيبتي

المسالة واضحة عمتج تبي الخير حقها وحق بنتها

والله عيب أنتي بنت أخوها مو وحدة غريبة بس الواحد شيقول

كل تأخيرة وفيها خيرة

الله يرزقج حبيبتي بولد الحلال الي يعوضج ويحبج ويخليج في عيونه

 

[نــوف]

لاتحرين عمرج بهالسوالف
عمتج لهاا وجهه نظر يمكن انتي موفاهمتهاا

آو في نفسهاا شي , الله أعلم فيهاا

انتي طنشي السوالف ولاتحطين ببالج

واذا الله كاتبلج نصيب بيصير

والله يوفقج

 

[نــوف]

لاتحرين عمرج بهالسوالف
عمتج لهاا وجهه نظر يمكن انتي موفاهمتهاا

آو في نفسهاا شي , الله أعلم فيهاا

انتي طنشي السوالف ولاتحطين ببالج

واذا الله كاتبلج نصيب بيصير

والله يوفقج

 

[سحايب برنس]

ياقلبي لايهمك واذا انتي عماتك وجدتك جذي
انا اقولك عماتي وعماني وخالاتي كلهم جذي ماعدا خاله وحده بس وهذا

الله يعين ياقلبي وعسى ربي يرزقج ويرزقنا باللي نتخر فيه بين اهلنا وربعنا اللهم امين